1 Bitǝrus 1:17 - Maləmce Məfele mala Ɓakuli: Kurcau Məbəshe

¹⁷ Wu ɗenyi ama, Tárru mǝnana a kuli, wu pakkiyi hiwi abani ka, kǝ lǝmndǝ tarban ɗang. Yì ka, nǝ̀ kasǝi ɓwa ɓashi, ko nǝ̀ pe wi tangnakusǝi mǝnana karǝ arǝ gir mǝnana pè ka. Ace mani ka, wu masǝlǝ do yilǝmu ma'wun kǝla abǝri akani a ɓanza, nǝ ɓanggi Ɓakuli.

1 Bitǝrus 1:17 ပူးပေါင်းရင်းမြစ်များ

Matiu 16:27

Acemǝnana Muna mala Ɓwa ka nǝ̀ ngga yiu aɓa gulo mala Tarrí, andǝ amǝturonjar male ate, sǝ nǝ̀ yia pe koyan ngga tangnakusǝi, ace gir mǝnana pak ka.

Matiu 22:16

Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Matiu 6:9

Ani ka, sǝ wu nǝ̀ pak hiwi: “We Tár sǝm mǝnana a kuli ka, ɓǝ̀ lùllǝo kum gulo.

Amǝ Roma 11:20

E, mǝnia ka mǝsǝcau na, à kpalǝki abu nggun mǝno ace ɗwanyi paɓamuru malea nǝ mǝsǝcau aban Kǝrǝsti. Sǝ pǝlǝa à zwaɓi wun acemǝnana wu pa ɓamur wun ngga. Sǝ paɓamuru ma'wun ɓǝ̀ kǝa tsǝk wun, wu dum nǝ twalɓamuru ɗang, wu dum nǝ ɓanggi Ɓakuli.

2 Amǝ Korinti 1:2

Ɓǝ̀ Tar sǝm Ɓakuli andǝ Mǝtalabangŋo Yesu Kǝrǝsti pa wun ɓwamuru andǝ dorǝpwala.

2 Amǝ Korinti 5:6

Ace mani ka, sǝm ndanǝ mǝsǝkang-kangŋa ko aya pwari, kat andǝ amani ama sǝm sǝlǝna ama, ɓǝ̀ sǝm ndakani nǝ yilǝmu aɓa nggūrǝu a ɓanza ka, sǝm pà la aban Mǝtalabangŋo ɗang.

2 Amǝ Korinti 7:1

Wun amǝ'eamrǝarǝu, acemǝnana sǝm ndanǝ amǝnia yì apacau ka, ɓǝ̀ sǝm lak ɓamur rǝ sǝm arǝ agir kat mǝnana à nǝ̀ ká nǝ nggurǝ sǝm ko bangŋo ma'sǝm aɓa pě mǝnana Ɓakuli ginǝce ka. Ɓǝ̀ sǝm nggǝ pa anggo ka, sǝm nǝ̀ kum lumsǝo nǝ domǝfele aɓa ɓanggi Ɓakuli.

2 Amǝ Korinti 7:11

Wu sǝn gir mǝnana bumkiɗikea mala ɓanggi Ɓakuli pusǝ aɓalǝ wun ngga! Tsǝk wun arǝ kum ɓabumpina mala pě. Tsǝk wun a lǝmndǝ do kunpwasǝa ma'wun. Tsǝk wun a bumlulla arǝ pě mǝɓane. Tsǝk wun a ɓalǝkasǝkya. Tsǝk wun a rǝuɓǝla ace sǝn ɓamǝsǝam. Tsǝk wun a ɓabumpina arǝ pakki agir mala Ɓakuli, sǝ pà wun ɓabum mala nunkir amǝ'cauɓikea. Wu lǝmndǝna arǝ anjar kat ama wu pangŋǝna gir mǝnana kat ɓoaro ɓǝa pe ka.

Amǝ Galati 2:6

Sǝ amǝno yì aɓwana à twaliá ama à nda ka aɓwana amǝgule mala ikǝlisiya ka, à pànǝ kǝ kaɓe cau mǝnana à nǝ̀ tsǝa amur cau mǝnana ǝn nggǝ hamnǝi ka ɗang. Kat andǝ amani ama à ndaka aɓwana amǝgule aɓa dǝmbam ngga, ǝn eari mǝno ɓǝ̀ ciem ɓǝn nying kpata gir mǝnana Ɓakuli lǝmndǝam ngga ɗang, ko bǝti, acemǝnana Ɓakuli ka, kǝ lǝmndǝ tàrban ɗang.

Amǝ Afisu 1:17

Ən nggǝ zǝmbǝi Ɓakuli mǝgulo, yì Tár Mǝtala sǝm Yesu Kǝrǝsti, ɓǝ̀ pa wun sǝlǝe mala Bangŋo mala Ɓakuli andǝ sǝngir, ace mǝnana ɓǝ̀ wu surǝ Ɓakuli kam kpǝm.

Amǝ Afisu 3:14

Ace mani ka, ǝn ɓun amur ankunam aban hiwi a ɓadǝm Ɓakuli, yì Tarrû

Amǝ Afisu 6:9

Wun amǝtala-ɓala, wu pakki aguro gbal anggo kǝla mǝnana à banggia wia ama ɓǝa kǝ pang nǝ wun ngga. Wu kǝa pea wia ɓangciu ɗang. Wu sǝlǝ ama wun kat wunǝia ka, mǝtala-ɓala ma'wun na a kuli, mǝnana kǝ tàrban raka.

Amǝ Filipi 2:12

Wun agyajam mem mǝnana ǝn earkiyi acea raka, mǝnana mǝ ndá aban wun ngga, wu kǝ ok kiru pwari-pwari. Sǝ ado mǝnana ǝn pâ aban wun raka, ɓoaro ɓǝ̀ okiru ma'wun ɓǝ̀ kuti mǝno. Wu pak turo mala amsǝban ma'wun nǝ ɓangciu andǝ rǝɓǝla.

Amǝ Kolosi 3:25

Sǝ ɓǝ̀ wu kǝ pak turo ɓealɓikea ka, à nǝ̀ mbwe wun nǝ tangnakusǝu mǝkwanbanì. Acemǝnana ɓashi mala Ɓakuli aban aɓwana kat mǝ'mwashati na.

Amǝ Ibǝru 12:28

Sǝ acemǝnana à pana sǝm domurǝm mǝnana pà nǝ̀ dǝurǝ raka, ɓǝ̀ sǝm pak yàwá, sǝ ɓǝ̀ sǝm peri aban Ɓakuli nǝ ulang peri mǝnana gir-á na abani ka, nǝ pagulo andǝ ɓangciu;

Amǝ Ibǝru 4:1

Sǝ acemǝnana pàcau mala kutio aɓa usǝlǝo mala Ɓakuli na kam piu ka, ɓǝ̀ sǝm parkir sǝm, ɓǝ̀ kǝa do ama à nǝ̀ kum kǝɓwa ata wun mǝnana nǝ̀ ɗwanyi kutio ka ɗang.

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.