1 Bitǝrus 1:13 - Maləmce Məfele mala Ɓakuli: Kurcau Məbəshe

¹³ Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.

1 Bitǝrus 1:13 ပူးပေါင်းရင်းမြစ်များ

Matiu 20:4

Pǝlǝa nea wia ama, “Wun gbal ka wu kya turo a ɓaban mem, mǝ nǝ mbwe wun gir mǝnana ɓoaro ɓǝa pa wun ngga.”

Luka 12:35

Wu kur rǝwun ace turo, apitǝla ma'wun ɓǝa kǝ ta.

Luka 17:30

Anggo sǝ nǝ̀ kumban a pwari mǝnana Muna Mala Ɓwa nǝ̀ yia pusǝna rǝì nǝi ka.

Luka 17:8

Pa nǝ̀ ne wi ama, “Pakkam girlina peatu, wu yi tsǝkami a ɓadǝmbǝam, ɓǝ̀ ǝn linali sǝ ǝn nuna mur ka, sǝ a wu nǝ lili, a wu nǝ nu mur re?”

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Roma 8:19

Agirbunda mǝnana Ɓakuli pusǝia ka, à nda rǝ kúndǝo, nǝ rǝɓǝla, arǝ pwari mǝno Ɓakuli nǝ̀ lǝmndǝ rǝ amuna male amǝɓafoe nǝi ka.

1 Amǝ Korinti 1:7

Ace mani ka, wu ɗwanyi kum ɓe kǝ ɓoro mala Bangŋo ɗang, aɓa do ma'wun mala kundǝ Mǝtala sǝm Yesu Kǝrǝsti ɓǝ̀ lǝmndǝ rǝì.

1 Amǝ Korinti 13:13

Ado ka, amǝnia yì agir tārú, à nda à ue ka: paɓamuru, andǝ tsǝkɓalǝu, andǝ earcearǝu; sǝ mǝgule malea kat ka, nda earcearǝu.

Amǝ Afisu 6:14

Ace mani ka, wu cam kàngkàng, wu kpata mǝsǝcau kǝla kur rǝǔ nǝ nggur-ɓunu, sǝ wu yal rǝ wun nǝ cauɓoarna kǝla daura-bolo mǝnana amǝ'lwa kǝ oasǝo a kikilia ace mgbali amǝsǝ-nta ka.

Amǝ Kolosi 3:4

Sǝ ɓǝ̀ Kǝrǝsti mǝnana nda tǝr bǝsa yilǝmu ma'wun, yi pusǝna rǝì aban ɓanza kat ka, wun gbal ka wu nǝ̀ yia pusǝ rǝ wun aɓa gulo male.

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

2 Timoti 4:5

Sǝ we ka, hami rǝo aɓa koya ulang ɓealǝu mala do, dumnǝ gandǝrǝu aɓa nutanni, pak turo mala Mǝhama, lumsǝ turo mǝnana a pakkiyi ace Ɓakuli ka.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

Amǝ Ibǝru 10:35

Ace mani ka, wu kǝa turta mǝsǝkang-kangŋa ma'wun ɗang, tangnakusǝu mǝgule na ate.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Amǝ Ibǝru 6:19

Mǝnia yì tsǝkɓalǝu sǝm ndanǝi ka, nda rǝcandǝa mǝnana bwal yilǝmi sǝm kàngkàng, dǝurǝo pa kàm raka. Yì tsǝkɓalǝu ka, nda mǝnana nǝ̀ ká nǝ sǝm anzǝm lagir aɓa Ban Nggea Mǝfele ka.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

1 Bitǝrus 1:10

Mǝnia yì amsǝban ngga, amǝ'ɓangna mala Ɓakuli sǝnggi pepe sǝ à bǝlkusǝi ɓukɓuk à nǝ̀ surǝ kǝgir amuri, sǝ à bang cau mala ɓwamuru mana Ɓakuli nǝ̀ yia lǝmndǝa wun ngga.

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Bitǝrus 5:8

Wu do aɓa gilǝrǝu, sǝ wu tsǝk kir wun. Ɓi wun mǝbura, yi Shetan ngga, nda rǝ galiki arǝ aban kǝla im mǝnana nzala kǝ wali ka, aban alta ɓwa mǝnana nǝ̀ bwal ka.

1 Yohana 3:3

Sǝ ɓwa mǝnana kat ndanǝ mǝnia yì tsǝkɓalǝu ka, kǝ dukdo ɓoarnsari, kǝla mǝnana Yesu ka mǝɓoarnsari na ka.