1 Bitǝrus 1:12 - Maləmce Məfele mala Ɓakuli: Kurcau Məbəshe

¹² Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

1 Bitǝrus 1:12 ပူးပေါင်းရင်းမြစ်များ

Matiu 11:25

A pwari mǝno ka Yesu na ama: Ən nggǝ ɓwangsǝo, we Dâ, mǝtala kuli andǝ nzali, ace mǝnana a sǝmbǝrǝ agir mǝnia ka arǝ amǝ'sǝlǝgir andǝ amǝ sǝlǝcau, sǝ a lǝmndǝia a banfana aban amǝ'ɗwanyi-sǝle.

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Markus 16:15

Pǝlǝa nea wia ama: Wu kyane aɓa ɓanza kat, wu hamnǝ Cau Amsǝban aban ɓwapǝndǝa kat.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 2:26

Bangŋo Mǝfele lǝmndǝni wi ama pà nǝ̀ wu ɗang, she ɓǝ̀ sǝnǝna Kǝrǝsti Mǝ'amsǝban mǝnana Mǝtalabangŋo turi ka.

Luka 9:6

Pǝlǝa à lo à ara arǝ amuna-là aban hamnǝ Cau Amsǝban andǝ twali aɓwana ban rǝkwana a koya ban.

Yohana 15:26

Nǝ nzǝmo ka mǝ nǝ tasǝa wun Mǝbwali aɓwana, yì Bangŋo mala mǝsǝcau mǝnana nǝ̀ pur nǝban Tar sǝm aban yiu aban wun ngga, nǝ̀ yia bang kuni kat a muram.

Amǝ Mishan 10:44

Kun Bitǝrus malaká pwal ɗang, kara Bangŋo Mǝfele sulǝo amur aɓwana mǝnana kat à kǝ ok cau mana nakiyi ka.

Amǝ Mishan 16:10

Pǝlǝa sǝm lo aban ká a Masǝdoniya, acemǝnana sǝm sǝlǝna ama Ɓakuli na aban tunǝ sǝm ɓǝ̀ sǝm hamnǝ Cau Amsǝban aban aɓwana mana a bu-nzali Masǝdoniya ka.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Mishan 4:8

Sǝ Bitǝrus ka, lumsǝ nǝ Bangŋo Mǝfele, pǝlǝa nea wia ama: Wun amǝtala la andǝ aɓwana-mǝgule ma'sǝm!

Amǝ Mishan 8:25

Anzǝm mana Bitǝrus andǝ Yohana bangŋǝna cau mǝnana à surǝì amur Yesu, sǝ à hamǝna nǝ cau mala Mǝtalabangŋo ka, à nyare a Urǝshalima. Amur njar aban o ka, à camarǝ hamnǝ Cau Amsǝban arǝ amuna-là mala amǝ Samariya pas.

Amǝ Roma 1:15

Ace mani ka, ɓabumam kǝ pi arǝ ká aban wun gbal, wun mǝnana aɓa Roma ka, ɓǝ̀ ǝn kya hamnǝ Cau Amsǝban.

Amǝ Roma 1:17

Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

Amǝ Roma 15:19

Amur mǝno ka, mǝ nǝ nggori nǝ agir-ndǝlǝki andǝ agir-gyambǝliban mǝnana Kǝrǝsti pea aɓa rǝcandǝa mala Bangŋo mala Ɓakuli ka. Anggo sǝ ǝn hamnǝ Cau Amsǝban mala Kǝrǝsti pupup aɓa gya mem kat, twal a Urǝshalima kya bwal a Ilirikum.

1 Amǝ Korinti 2:10

Sǝ Ɓakuli ka, lǝmndǝna sǝm mǝnia nǝ Bangŋo male. Sǝ Bangŋo mala Ɓakuli ka, nda sǝnggiyi ɓalǝ agir kat ka, ko nggearǝ acau mǝlime mala Ɓakuli.

2 Amǝ Korinti 1:22

Yi canba sǝm nyoulǝa male arǝ sǝm, mǝnana lǝmndǝ ama sǝm nda ka amale ka. Sǝ mǝno yì nyoulǝa ka nda Bangŋo male mǝnana tsǝka sǝmi a ɓabum sǝm, ɓǝ̀ lǝmndǝa aɓa mǝsǝcau ama nǝ nzǝmo ka, nǝ̀ yia pà sǝm agir kat mǝnana bangŋa ama nǝ̀ pà ka.

2 Amǝ Korinti 6:6

Sǝm nggǝ lǝmndǝ ɓamur rǝ sǝm nǝ doɓoarnsari, andǝ sǝlǝe, andǝ munyi, andǝ pe mǝɓoarne, nǝ bu Bangŋo Mǝfele mǝnana aɓalǝ sǝm ngga, sǝ nǝ earcearǝu mǝɓafoe.

Amǝ Galati 1:12

Ən ak cau mem a bu ɓwapǝndǝa ɗang, sǝ kǝɓwa nǝ̀ kaniam gbal ɗang. Mǝnia yì cau ka, Yesu Kǝrǝsti nǝ̀ mǝnmbam ɓālǝi nǝ ɓamuri.

Amǝ Galati 1:16

ɓǝ̀ lǝmndǝam Muni ace mǝnana ɓǝ̀ ǝn hamnǝ Cau Amsǝban male aban aɓwana arǝ aɓea nzali. Sǝ mim ngga ǝn alta kwarkiru mala kǝɓwa ɗang

Amǝ Afisu 3:10

Kànì mala Ɓakuli aɓa mǝnia kat ka, nda mǝnana ama, adyan ngga nǝ̀ pak turo nǝ ikǝlisiya, amǝkpata Yesu, nǝ̀ lǝmndǝ sǝlǝe male mǝnana ndakam arǝ anjari ɗàngɗáng ngga, aban amǝ yalmuru andǝ amǝ-gara aɓa ɓanza mala abangŋo.

1 Amǝ Tasalonika 2:9

Wun amǝ'eamrǝarǝu, ɓalǝ wun kasǝa arǝ nggea turo mǝcande mǝnana sǝm pe kǝrkǝr aɓalǝ wun ngga re? Du andǝ pwari, sǝm pak turo ace mǝnana ɓǝ̀ sǝm ngga duk twalo amur kǝɓwa ata wun, yi mǝnana sǝm ndarǝ hamnǝ Cau Amsǝban mala Ɓakuli aban wun ngga ɗang.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Amǝ Ibǝru 2:4

Ɓakuli gbal ka, pu nzǝm cau malea nǝ agir-lǝmndǝa, andǝ agir-gyambǝliban, andǝ agir-ndǝlǝki ɗàngɗáng, andǝ aɓoro mala Bangŋo Mǝfele mǝnana gakia kǝla mana bumi kani wi ka.

Amǝ Ibǝru 4:2

Sǝm ongŋǝna Cau Amsǝban mana à hamnǝi, kǝla mǝnana yia à oe ka. Sǝ cau mǝnana à ok ka, ko pusǝia a gung ɗang, acemǝnana à dapì andǝ paɓamuru ɗang.

1 Bitǝrus 1:25

sǝ cau mala Mǝtalabangŋo ka, masǝlǝate pà kàm ɗang.” Sǝ mǝnia yì cau ka, nda Cau Amsǝban mǝnana à hamba wunì ka.

1 Bitǝrus 4:6

Nda gir mǝnana tsǝa sǝ à hamnǝ Cau Mǝɓoarne gbal aban aɓwana mǝnana à wuna ado ka, ace mǝnana yia ka, ɓǝa ɓashia wia kǝla aɓwapǝndǝa aɓa nggūrǝu, sǝ ɓǝa dum nǝ yilǝmu aɓa bangŋo aban Ɓakuli.

Sǝna 5:11

Lang mǝ ndaban sǝnban ngga, ǝn ok gi amǝturonjar mala Ɓakuli pas. Lakki malea na á-pas andǝ amilǝyan amur amilǝyan! À gumbǝli bunomurǝm andǝ agiryilǝmu andǝ aɓwana-mǝgule aɓalǝu.