1 Bitǝrus 1:10 - Maləmce Məfele mala Ɓakuli: Kurcau Məbəshe

¹⁰ Mǝnia yì amsǝban ngga, amǝ'ɓangna mala Ɓakuli sǝnggi pepe sǝ à bǝlkusǝi ɓukɓuk à nǝ̀ surǝ kǝgir amuri, sǝ à bang cau mala ɓwamuru mana Ɓakuli nǝ̀ yia lǝmndǝa wun ngga.

1 Bitǝrus 1:10 ပူးပေါင်းရင်းမြစ်များ

Matiu 13:17

Ən nggǝ bangga wun mǝsǝcau, amǝ'ɓangna mala Ɓakuli andǝ aɓwana mala Ɓakuli pas pak nzal sǝn gir mana wu kǝ sǝn ngga, sǝ à kumo à sǝn ɗang. À earǝna ce oe, sǝ à kumo à ok ɗang.

Matiu 26:24

Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Luka 10:24

Ən nggǝ na wun ama, amǝ'ɓangna mala Ɓakuli andǝ amurǝma ka, à kǝ earce ama à nǝ̀ sǝn gir mǝnana wu kǝ sǝni ka, sǝ à kumo à sǝni ɗang. À kǝ̀ earce ok cau mǝnana wu kǝ oe ka, sǝ à kumo à oe ɗang!”

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 5:39

Wu kǝ ɓalla andǝ mǝnggi ɓa Malǝmce, acemǝnana wu kǝ sǝni kǝla a ɓalǝi sǝ wu nǝ̀ kum yilǝmu mǝnana málá male pà kàm raka, sǝ aman yì acau wu ɓalkiyi ka, mǝ nda à nakiyi cau a muram ngga.

Yohana 7:52

Sǝ à pe wi eare ama, “Tino, we gbal ka a pur nǝ Galili le? Kyane kya bǝlki ɓa Malǝmce ɓukɓuk sǝ a wu nǝ sǝlǝ ama kǝ mǝɓangna pa nǝ̀ pur a Galili ɗang.”

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 17:11

Amǝ Biriya ka ɓealǝia ɓoaro kuti mala amǝ Tasalonika, acemǝnana à akcau nǝ rǝɓǝla. À kǝ̀ bǝlki ɓa Malǝmce a koya pwari ka, ace mǝnana à nǝ̀ sǝni ko cau mana Bulǝs bang ngga, nda kǝ mǝsǝcau.

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Amǝ Ibǝru 11:40

acemǝnana Ɓakuli ka, ndanǝ gir mǝnana ɓoaribanì ka aɓa kane mala ace sǝm. Kane mala Ɓakuli ka nda mǝnana ama, yia ka à pà nǝ̀ kum lumsǝo kǝla mǝnana earkiyice ɓǝa pak ka ɗang she ɓǝ̀ sǝm ngga sǝm nda atea ka.

1 Bitǝrus 1:11

À alte à nǝ̀ surǝ pwari mǝnana Bangŋo mala Kǝrǝsti mana aɓalǝia nakiyicau amuri ka. Bangŋo mala Kǝrǝsti ak dǝmbǝa lǝmndǝia wia, atanni mǝnana Kǝrǝsti nǝ̀ yia nu sǝ nǝ̀ kutia ɓoarɓwa male ka, sǝ lang sǝ mǝnia yì gir ka nǝ̀ yia pǎ.

1 Bitǝrus 1:13

Ace mani ka, wu nyesǝ aɗenyicau ma'wun aban mǝ'mwashati aɓa gilǝrǝu ace pakturo. Wu hamí rǝ wun. Wu soa mǝsǝ wun nǝ tsǝk ɓabum wun kat arǝ ɓwamuru mǝnana à nǝ̀ yinǝi aban wun, a pwari mǝnana à nǝ̀ lǝmndǝì ɓanza rǝ Yesu Kǝrǝsti ka.