1 Bitǝrus 1:1 - Maləmce Məfele mala Ɓakuli: Kurcau Məbəshe

¹ Mǝnia yì cautera ka, pur nǝ́ bu Bitǝrus, mǝ'mishan mala Yesu Kǝrǝsti. Aban ká aban aɓwana mala Ɓakuli mǝnana à tària ka, yia amǝnana à mesǝke, à do kǝla abǝri arǝ abu-nzali mala amǝ Pwantus, andǝ Galati, andǝ Kapadosiya, andǝ bu-nzali Asiya, andǝ bu-nzali Bitiniya ka.

1 Bitǝrus 1:1 ပူးပေါင်းရင်းမြစ်များ

Matiu 10:2

Amǝnia ka à ndaka lullǝ amǝ'mishan lum-nong-ɓari: A dǝmbǝa ka nda Shiman (mǝnana à tunǝki ama Bitǝrus ka) andǝ mǝ'eambǝi Andǝru; Jemis andǝ mǝ'eambǝi Yohana (amuna mala Zabadi);

Matiu 24:22

Yale ɓǝ̀ Ɓakuli amsǝ ma anonggeo mala tanni mǝno raka, kǝɓwa pà kàm nǝ̀ au ɗang, sǝa ma ace aɓwana mǝnana Ɓakuli tarkia ka nǝ̀ amsǝ anonggeo mǝno.

Matiu 4:18

Yesu na ban gya a kun Garang Galili, sǝ mǝsǝì kpa arǝ aɓwana ɓari amǝ'eambǝu, Shiman mǝnana à tunǝki ama Bitǝrus ka andǝ mǝ'eambǝi Andǝru. À nda ban taula nǝ ndámbú aɓa Garang ace mǝnana yia ka bwal-nji nda turo malea.

Luka 18:7

Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Yohana 7:35

Sǝ aɓwana-mǝgule mala amǝ Yahudi nacau a rǝarǝia ama, “Nggearǝì ka, ake sǝ nǝ̀ ká le, mǝnana pa sǝm nǝ̀ sǝni raka? Ko nǝ̀ ká aban aɓwana ma'sǝm mǝnana à mesǝkea arǝ ala mala amǝ Gǝrik ka, sǝ nǝ̀ ngga kania amǝ Gǝrik agir gbal le?

Amǝ Mishan 18:2

Abanì sǝ kya kum ɓeɓwa Yahudi à kǝ tunǝi ama Akila, mǝnana à ɓǝli a bu-nzali Pwantus ka. Yì andǝ mami Pǝrisǝla ka, à pur a nggeala Roma, a nzali Italiya sǝ à yiu a dyan tu, acemǝnana Kǝlaudiyus, yì murǝm mǝgule mala amǝ Roma, pǝr amǝ Yahudi kat ɓǝa nying Roma. Bulǝs wario a sǝn a Akila andǝ Pǝrisǝla.

Amǝ Mishan 18:23

Anzǝm anonggeo bǝti a Antiyok ka, Bulǝs bwal njar, o arǝ aban aɓalǝ abu-nzali mala amǝ Galati andǝ amǝ Firigiya, kǝ ɓak ɓabum amǝkwaɗi kat mana arǝ abanì ka.

Amǝ Mishan 19:10

Bulǝs lidǝmbǝa nǝ kanigir a mǝno yì ndà-kanigir ka, kya bwal pǝlǝa ɓari, sǝ ace mǝno ka aɓwana kat mana nǝ do a bu-nzali mala Asiya ka, amǝ Yahudi andǝ amǝ Gǝrik, à ok cau mala Mǝtalabangŋo.

Amǝ Mishan 6:9

Sǝ aɓea amǝ Yahudi mǝnana à pur nǝ anggea-là Sayirin andǝ Alizandǝriya, mǝnana à nda ɓalǝ amǝ ndakpapi mǝnana à tunǝki ama Ndakpapi mala aɓwana mǝnana à panzǝia ka, à mgbicau a rǝi. Yia andǝ aɓea mǝnana à pur arǝ abu-nzali mala amǝ Sǝlisiya andǝ Asiya ka, à lo nǝ makgir a rǝi.

Amǝ Mishan 8:4

Amǝkwaɗi mǝnana à mesǝki ka, à camarǝ hamnǝ Cau Amsǝban a koya ban mǝnana à wari kam ngga.

1 Amǝ Korinti 16:19

A'ikǝlisiya mǝnana a bu-nzali Asiya ka, à kǝ makka wun kun. Akila andǝ Pǝrisǝla, andǝ ikǝlisiya mǝnana kpapiyi a ɓala malea ka, à kǝ makka wun kun, nǝ earcearǝu mala Mǝtalabangŋo.

2 Amǝ Korinti 1:8

Wun amǝ'eamrǝarǝu, sǝm nggǝ earce ama, wu kǝa dum nǝ ɗwanyi sǝlǝe amur tanni mǝnana kum sǝm a nzali Asiya ka ɗang. Acemǝnana sǝm kutio aɓata parban mala tanni mǝgule mǝnana kuti rǝcandǝa ma'sǝm, yale kǝla pà sǝm nǝ̀ au ɗang.

Amǝ Galati 1:2

Amǝ'eamrǝarǝu mǝnana sǝm nda kani sǝnǝia ka, sǝm nggǝ dapi bu aban tasǝ mǝnia yì cautera ka, aban ká aban a'ikǝlisiya mǝnana a bu-nzali Galati ka.

Amǝ Afisu 2:12

Aɓa doe ɗiɗyal anggo ka, kǝgir kpapi wun wunǝ Kǝrǝsti ɗang. Wu nda ka abǝri mǝnana à pa aɓalǝ amǝ Isǝrayila, aɓwana mǝnana Ɓakuli tàrria ka ɗang, sǝ wu panǝ kāmbe aɓa kurcau mala Ɓakuli mana kwakite amur apàcau male aban aɓwana male ka ɗang. Wu dukiado ma'wun a ɓanza, wu panǝ Ɓakuli ɗang, sǝ wu panǝ tsǝkɓalǝu ɗang.

Amǝ Afisu 2:19

Sǝ adyan ngga, wun aɓwana mǝnana wu ndaka amǝ Yahudi raka, wu nda ka abǝri andǝ amǝ'kunɗangna ɗǝm ɗang, wu nda ka aɓwana mala nzali mwashat wunǝ aɓwana mala Ɓakuli. Wu nda aɓalǝ amǝɓala mala Ɓakuli.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

Amǝ Ibǝru 11:13

Amǝnia yì aɓwana kat ka, à wu aɓa paɓamuru malea, yale à kum agir mǝnana Ɓakuli na ama nǝ̀ pea wia ka ɗang. À sǝnia nǝ sǝna kuko, sǝ à gingsǝ yiu malea. À bangŋi bwāng ama à nda ka abǝri andǝ amǝgya-kutio aɓa ɓanza.

Jemis 1:1

Mim Jemis, guro mala Ɓakuli andǝ mala Mǝtalabangŋo Yesu Kǝrǝsti, mǝ nda ban terǝ cau aban ká aban amǝkpata Kǝrǝsti mǝnana aɓalǝ atau lum-nong-ɓari mala amǝ Isǝrayila, mǝnana à mesǝkea arǝ anzali aɓa ɓanza ka. Ən nggǝ makka wun kun!

1 Bitǝrus 2:11

Wun amǝ'eamrǝarǝu mǝnana ǝn earkiyi acea raka, wun mǝnana wu nda ka amǝgya-kutio andǝ abǝri a ɓanza ka, ǝn nggǝ kwarkir wun, wu gapita re wun nǝ anpel mala nggūrǝu, mǝnana à kǝ munǝo arǝ yilǝmi wun ngga.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

Sǝna 1:11

Kǝ na ama, “Gilǝ agir mǝnana a kǝ sǝnia ka aɓa malǝmce. Sǝ wu teri aban a'ikǝlisiya mǝnia tongno-nong-ɓari ka, amǝnana arǝ anggea-là Afisu, andǝ Sǝmirna, andǝ Pargamu, andǝ Tiyatǝra, andǝ Sardis, andǝ Filadefiya, sǝ Lawodisi ka.”