Tayitùs 3:3 - Ikan feg

³ Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

Meta’

³ Mba bə, tɨ̀ nyaʼa kweʼ ghɨ̀ ɨnû ɨneŋ bə̀ kweʼ ghɨ̀ rɨ̀zuə̀. Mbɨ nyaʼa kweʼ tambɨ əwa tɨ̀ febə. Mbɨ nyaʼa kweʼ ghɨ tɨ̀ ben ɨ̀bòʼò əmbɨ tɨkwɨrɨ ɨnû jìm mbe nɨ nyamnyod ə feenɨə bə̀ ghaʼə. Tɨ̀ wɨə nyaʼə ghɨ̀ ɨzɨg ənɨ ə bə̂d. Tɨ̀ wɨə nyaʼə bə̀ ghɨ̀ ə̀dìì. Bə̂d mbɨə nyaʼə bàn əwa. Tɨ̀ wɨə nyaʼə bə̀ bàn à ɨnyod mbǎ mbǎ.

Tayitùs 3:3 ပူးပေါင်းရင်းမြစ်များ

Matìyò 21:29

Wì ya ywìtì gha, ‹Chəyi mə̀ biri ghò›. Si ya gha, amad ya sà, wì bəŋi ìzi fìŋ ghò fàʼ.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Jn 8:34

Yeso ya ywìtì gha, “Mə gha tesiʼ inən gha, wə̀d ne ghìyə̀ inug tibɔ̀ŋ ya àbòʼì abə inug tibɔ̀ŋ.

Rm 11:30

Àsi awən, mbə̰ mbe ne kayi mə̀Ju, mbə̀ kyeri gha mbə yaya ghùmə̀ ghìyə̀ tìzughə̀ abə Ŋwiye. Àsi amad anìŋ, Ŋwiye fə chwi àsɔ̀mnəfiŋ inən imbə̀ʼ icheg ne mə̀Ju ghi tìzughə̀.

Rm 6:12

Ane, icheg bəd-aku, imbə̀ʼ mbə̰ saŋa awən gha inug tibɔ̀ŋ bere ika igun inən se ghìyə̀ gha mbə̀ ya kɔ̀ŋɔ̀ inug tibɔ̀ŋ.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Rm 6:6

Tè kyèri gha Yeso ya fə bèʼì ìwa ikuchèg anun ne ya ikuchèg tibɔ̀ŋ ku igun azed abaʼri tì ìwiwən ni chìkì ika inug tibɔ̀ŋ igun ina. Wì ya ghì ane ni gha imbə̀ʼ tì ywiri yaʼ awa məfeg abə inug tibɔ̀ŋ.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 6:3

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd.

Kòlosè 1:21

Àsi awən, mbə̰ kyèri gha, à ya yaʼ anyumə̀ mɔ̀ʼɔ, chəyi mbə̀ ya yaʼi ane ifɔti tì Ŋwiye. Mbə̰ ya yaʼ bəd ìpàb Ŋwiye ne kɔ̀ndɔ inug tibɔ̀ŋ bə̀ ghìyə̀ inug tibɔ̀ŋ.

Kòlosè 3:7

À ya yaʼ mbègtog, mbə̰ yaya bə̀ ghìyə̀ inug icheg bəd mbe nè kɔ̀ndɔ gha à ya ikuchèg chɔm.

2 Timotì 3:13

Àsi bəd inug tibɔ̀ŋ fɔrɔ bəd mbe ne nìŋə tikum bəd tàmba mə̀mbin, mbɔb biri chè imbìghè ni ya tàmba bəd. Bəd ndəŋ biri bə tambi awɔb.

2 Timotì 3:6

Mbɔb ya tiku bəd te ne nyḭ̀yḛ inga nəb bəd tàmba mə̀yi mbe ne ìtɔb fìŋ bɔri, ghì mbi si yaʼ atog inɔb. Mə̀yi mbo̰ ya mə̀yi ne anug ni ghə̀ʼrì tiku inug tibɔ̀ŋ ijìm fə jəghi awɔb mànì.

Tayitùs 1:16

Mbɔb mbe gha mbɔb kyèri Ŋwiye, si ya gha, ìtɔb tighi inug ya chwìye gha mbɔb fə ton awɔb Ŋwiye. Ŋwiye ya bà̰ awɔb imbə̀ʼ icheg ne mbɔb ya ghìyə̀ tìzughə̀ abə Ŋwiye. Chəyi tì mbi fàʼ àfàʼì chɔm mɔ̀ʼɔ ka.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Jems 1:26

Wə̀d mɔ̀ʼɔ abɔ̀ʼ inən wa kɔ̀ndi gha zìye təm kà inga anug Ŋwiye? Àmə chəyi wì kyèri ni nyimbi ìwi ichug, wì ya tàmba ìwi nyɔd. Anug Ŋwiye məd ya bə̀ ati ako.

1 Pità 1:14

Icheg ne mbə̀ si yaʼ bɔn ne zùgrə Ŋwiye, imbə̀ʼ mbə̰ ywiri nyimi awən inug tibɔ̀ŋ mbe ne ìtən nyàmnyɔd yaya kɔ̀ŋɔ̀ gha mbə̀ fàʼà anyumə̀ we ne chəyi mbə̀ ya kiri kyeri aməd.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 18:2

Wì ya kyen ane gì ka ka ghà gha, “Babilɔ̀n kyen fə buʼə! Wì fə buʼə! Wì fə bə̀ŋə̀ ane asiŋi ne izwighi tibɔ̀ŋ mbe chùghə angu, asiŋi ne izwighi mbe ne chəyi mbi zḛ mbe nə̀mbə̀ angu, asiŋi ne tìnən te ne chəyi ti zḛ tì nyam te ne bəd mbe bà̰ te nə̀mbə̀ angu.