Tayitùs 3:2 - Ikan feg

² Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Meta’

² Tɨ mbɨ gha ə ənû rɨbɔ̀ŋ ɨgwɨ ə wə̀d. Mbɨ chub ənɨ əbɔrəbɔd, ghɨ̀ ɨ̀chɔ̀m bə̀ chwi ɨbɔtɨ fîŋ ənɨ wə̀d jìm.

Tayitùs 3:2 ပူးပေါင်းရင်းမြစ်များ

Matìyò 11:29

Mbə̀ niŋ ìmə mbèʼ bèʼì, bə̀ kwèmbi inug inum imbə̀ʼ icheg ne mə we bɔ̀tɔ ane fìŋ bə̀ swìye ìmə nyɔd aseg. Mbə̰ mə̀ ghì ane, ìtən fìŋ biri zùtì inga.

Ɨ̀fàʼì 23:5

Pɔl ya ywìtì inɔb gha, “Ìmbum məfi, chəyi mə̀ kə kyèri gha məd ya atog wə̀d igun bəd mbàn Ŋwiye. Mbe ŋwàʼrì inga Àŋwàʼrì Ŋwiye gha, ‹Imbə̀ʼ àghò ghama awe ìngam tibɔ̀ŋ imbə̀ʼ wə̀d we ne sàʼa bəd.› ”

1 Kɔrèn 6:10

kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

1 Kɔrèn 9:19

Ka mə yaʼ amə ane ìmə ighəm, ne mo kayi àbòʼì abə wə̀d mɔ̀ʼɔ, mə fə niŋ ìmə nyɔd ane àbòʼì abə bəd məjìm ni ghì gha bəd nɔʼ nɔʼ bḛ Kristo.

2 Kɔrèn 10:1

Mo Pɔl, mə boʼ ibo inən ane ikum Kristo we ne bɔ̀tɔ ane ikuchèg bə̀ bɔ̀tɔ ane fìŋ. Bəd mɔ̀ʼɔ abɔ̀ʼ inən mbe ghà gha, mo ya swìye àmə nyɔd aseg anyumə̀ ne mə̀ yaʼi abɔ̀ʼ inən, se bèrè fìŋ ne kà anyumə̀ ne chəyi mə̀ yaʼi abɔ̀ʼ inən.

2 Kɔrèn 12:20

Ane, mə we bɔ gha anyumə̀ ne mə̀ biri yeʼe, ighəm mɔ̀ʼɔ chəyi mə̀ biri pè kɔ̀ti awən icheg ne mə̀ kəbi gha mbə̀ yaʼ. Ighəm mɔ̀ʼɔ chəyi mbə̰ inən biri bə kɔ̀ti mə icheg ne mbə̰ mbe kə̀bə̀ gha mə yaʼ. Aton ne mə bɔ ya gha, mə biri pè kɔ̀ti bəd ne chɔ̀bɔ, tì bəd ne ghìyə̀ àdeg, tì bəd ne nɔ̀ŋɔ̀ agaŋ, tì bəd ne sìyè, tì bəd ne chìkə̀ tikum abə mə̀mbin, tì bəd ne ghìyə̀ mənìghe, tì bəd ne nɔ̀ nyɔd fɔrɔ bəd ne bùrə̀ isiŋi.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Gàlesìyà 6:10

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Efesùs 4:2

Mbə̀ ya swìye ìwən nyɔd aseg. Mbə̀ chughi ane àbɔrɔ̀bɔd. Mbə̀ ya nyìmbe fìŋ tì mə̀mbin. Àze biri ya chwìye gha mbə̰ mbe kɔ̀ŋɔ̀ bəd məjìm.

Efesùs 4:31

Mbə̀ waʼ agaŋ, bə̀ waʼ achɔb bə̀ waʼ iswḛ, bə̀ waʼ anug ni swèg ìsɔm, bə̀ waʼ ikuchèg we ne ghìyə̀ bəd bà̰ mə̀mbin. Mbə̀ bə waʼ anug ni chàpì tikum bəd. Mbə̀ bə wàʼ tiku inug tibɔ̀ŋ ndəŋ ijìm.

Fìlipì 4:5

Mbə̀ ya ghìyə̀ inug ne wə̀d ijìm biri kyeri gha mbə̰ ya bəd ne bɔ̀tɔ. Nyùmə̀ ne Anɔŋisəg biri yeʼe fə tinde.

1 Tèsàlonikà 2:7

Icheg bədtɔm Kristo, nji tì ya biri ighi inən. Tì ya chughi yaʼ ane àbɔrɔ̀bɔd tì inən icheg ngɔb ne kyèʼrè ìmbi bɔn.

1 Timotì 3:11

À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

1 Timotì 3:3

Imbə̀ʼ tengàŋ yaʼ yi wə̀d ne no mənoʼ be. Imbə̀ʼ wì yaʼ yi wə̀d ne kɔ̀ŋɔ̀ àzɔ̀ŋì. Wì bèrì ni yaʼ wə̀d ne bɔ̀tɔ, kayi wə̀d ne kɔ̀ŋɔ̀ ni tàŋ inug tì bəd. Imbə̀ʼ wì yaʼ yi wə̀d ne beri adɔʼ ikab.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.

1 Pità 2:1

Mbə̀ waʼ inug tìbɔŋ ijìm, bə̀ waʼ anug ni tambi bəd. Mbə̀ bə waʼ anug ni fùbrì inug, bə̀ waʼ anug ni ghì àdeg fɔrɔ anug ni chìkì tikum bəd.

1 Pità 3:10

A ze inga Àŋwàʼrì Ŋwiye gha, “Wə̀d ne kɔ̀ŋi ni bèrì ìtḛ̀, bə̀ chùghi icheg chɔm, tàndì igun isəg, tengàŋ mənyìʼ chì ìwi ichug ane ìngam tìbɔŋ, bə̀ chì ìwi ichug ane inug ako.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 4:4

À ya imbə̀ʼ inug mbo̰ ne bəd mbe ne chəyi mbi kyeri Ŋwiye mbe kɔ̀ndɔ ze se chè awɔb gha nji mbə̰ fɔ̀ti abɔ̀ʼ inɔb ni ghì inug tìbɔŋ. À ya aton ze ne mbɔb mbe se zɔ̀mbɔ̀ awən.

2 Pità 2:10

Ze biri taŋ yaʼ anìŋ abə bəd mbe ne ghìyə̀ inug icheg ne ìtɔb nyàmnyɔd te ghə̀ʼrə̀ bə̀ wèghè ika Ŋwiye. Bəd mbo̰ ne chwìte inug ako ya bèrè fìŋ ka ka bə̀ dùwə̀ ichug. Chəyi mbɔb mbe bɔ ni ghàm inug tibɔ̀ŋ imbə̀ʼ izwighi mbe ne yaʼi ikaŋ àbɔ̀ŋɔ.

Jûd 1:10

Àsi bəd mbo̰, mbi ya ghàmà chàtà inug mbe ne chəyi mbi kyeri. Mbi ya ghìyə̀ inug icheg nyam mben, bə̀ fàʼà inug icheg ne ìtɔb fìŋ te chwìye gha mbe faʼa. Inug mbe ne mbɔb mbe ghìyə̀, à ya mbiwən mbe chìkə̀ ìwɔb.

Jûd 1:8

À ya bə̀ ane ne bəd mbo̰ ne chwìte inug ako mbe tə̀mə igun ìmbɔb inatì njə̀m se nìŋə ìtɔb nyàmnyɔd ghìyə̀ inug tibɔ̀ŋ angu. Chəyi mbɔb mbe zùgrə anug ne Ŋwiye we ghà. Mbɔb ya ghàmà inug tibɔ̀ŋ igun mbè angirə̀ ne yaʼi ikaŋ àbɔ̀ŋɔ.