Tayitùs 2:2 - Ikan feg

² Àghò gha abə mbaŋà kyen gha mbe ya nyìmbe fìŋ bə̀ ghùmnə ìwɔb nyɔd bə̀ nyìmbe nyɔd ane ìtɔb tighi inug. Àghò bə̀ ghà inɔb gha mbe beri ibḛfiŋ igun Yeso Kristo bə̀ ya kɔ̀ŋɔ̀ mə̀mbin bə̀ ya nyìʼè fìŋ anyumə̀ ne mbɔb yaʼi ngəʼ.

Meta’

² Gha əmbɨ ə mbaŋə̀ te nɨ fə kaanɨ ni tɨ bɔtɨ ɨnyod, chwi ni mbə fə kàànɨ̀, chwi ni mbə kyerɨ ɨnû, chwi ni ə ɨbenɨ ə kàànɨ̀, chwi ni mbə ghaʼ bə̂d Kristo bə̀ chwi ni mbə kyerɨ ɨchî nɨ nyìʼ əton ə ŋgəʼ.

Tayitùs 2:2 ပူးပေါင်းရင်းမြစ်များ

Mk 5:15

Mbi ya ghò abɔ̀ʼ Yeso pè bàd mbaŋà ze ne izwighi tibɔ̀ŋ nɔʼ nɔʼ ya yaʼi inga məd. Mbaŋà ze ya si chùghi yi inyeʼ tì ìti ndwi ibəm. Atəd məd ya fə mèg. Mbi ya bàd ane bɔ.

Lk 8:35

Bəd ne ya zughi ya ghò ni bàd anug ne du. Anyumə̀ ne mbi ya pe iban Yeso, mbi ya bàd wə̀d we ichughi, aseg, imbìghè abə Yeso, ne wì zi ìti ndwi, bə̀ se tì ìwi iwe chɔm. Mbɔb məjìm ya bɔ.

Ɨ̀fàʼì 24:25

Pɔl ya chè imbìghè ghàm imbə̀ʼ anug ni təm kòʼ, anug ni nyimbi nyɔd fɔrɔ anug imbə̀ʼ aneg ze ne yèʼe ne Ŋwiye biri saʼ bəd. Gɔbnà Feligs ya bɔ si ghà abə Pɔl gha, “Àghò saŋa awe ane, ghò awe. Anyumə̀ ne mə̀ biri bèrì apan chɔm, mə biri kàrì awe.”

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

1 Kɔrèn 9:25

Wə̀d ijìm ne chùʼrə nyɔd ni nòtò ya ghìyə̀ inug icheg ne mə̀nɔ̀ʼɔ̀ ànòtì chwi imbə̀ʼ niŋ ineʼi wə̀d mbègtog. Ineʼi ne mbe nàʼà ibo ya ineʼi ne chəyi we tà̰. Àsi awa, ineʼi ne te nḛ̀ ni niŋ ya ineʼi ne biri yaʼ ane ighə̀m imɔʼ.

2 Kɔrèn 5:13

Àmə yaʼ aghi ne chəyi ìmba itog yaʼ inga icheg chɔm, nji à ya imbə̀ʼ Ŋwiye. Ìmba itog mə yaʼ inga icheg chɔm, nji à ya imbə̀ʼ awən.

Gàlesìyà 5:23

anug ni ya bɔ̀tɔ, anug ni ya nyìmbe nyɔd. Wə̀d ne ghìyə̀ tiku inug to̰, chəyi nɔ̀ʼɔ̀ mɔ̀ʼɔ angu ne to̰ inug mbo̰.

Fìlipì 4:8

Ìmbum məfi fɔrɔ ìtum njàbi, anug ne si nwḭ̀yḛ̀ ya gha, anug mə̀ yaʼ àze tesiʼ, bə̀ yaʼ anug chɔm, bə̀ yaʼ anug ne koʼi, mbə̀ nɔŋɔ ikɔndi igun. Anug mə zen, tì anug ne chwìye àkɔ̀ŋì, bə̀ yaʼ anug ne tì wə̀d nen kɔ̀ŋ, bə̀ yaʼ anug ne tì wə̀d ghùmni, bə̀ yaʼ anug ne taŋ bɔ̀ŋ, mbə̀ bə nɔ̀ŋì ikɔndi igun.

1 Tèsàlonikà 5:6

Ane, imbə̀ʼ tì ya gwḛ awa icheg mə̀mbin ne chəyi mbi kyeri Ŋwiye. Tì yaʼ ikyèʼi, kyeri inug ne chè bə̀ nyìmbi ìwa nyɔd.

1 Tèsàlonikà 5:8

Àsi mba ne ghìyə̀ inug ne koʼi, tì ya nyìmbe ìwa nyɔd, zì fìŋ igun Kristo bə̀ ya kɔ̀ŋɔ̀ ìmba məfi fɔrɔ ìta njàbi. Tì mə̀ ya ghìyə̀ ane, ze biri yaʼ ina icheg atə̰-igo ne sogyì we zìyè ni kəndi ìwi igo. Tì bə nɔ̀ŋì ikɔndi ni ghɔ̀m icheg ne Anɔŋisəg biri chì awa inga ngəʼ. Tì mə nɔ̀ŋì ikɔndi ane, ze biri yaʼ ina icheg aghi atog atə̰ ne sogyì we zìyè ni kəndi àzi atog.

1 Timotì 1:10

Mə̀nɔ̀ʼɔ̀ ya bə̀ yaʼ abə bəd ne ghìyə̀ ifanì inug tì izṵ inug tì bəd ne fèndè bəd tì bəd ne ghàmà inug ako, tì bəd ne zɔ̀mɔ̀ nyɔd kiri gha anug ako, fɔrɔ bəd ne ghìyə̀ tiku inug ndəŋ ne chəyi mbi koʼi tì tikə Ŋwiye.

1 Timotì 1:14

Ìwa Anɔŋisəg Yeso ya taŋ ghì ìchɔ̀mì inum bə̀ ghì mə bèrì ibḛfiŋ igun Ŋwiye bə̀ ghì mə se kɔ̀ŋɔ̀ ìmba məfi ne tì yaʼi ane ifɔti tì məd.

1 Timotì 1:2

Mə ŋwàʼrì anìŋ ine àghò Timotì ìmə ŋwan chɔm icheg ne tì nɔŋi ibḛfiŋ igun Kristo. Ŋwiye ne yaʼi Mbaʼ fɔrɔ Yeso Kristo ìwa Anɔŋisəg ghiyə ìchɔ̀mì ine, bə̀ chwi àsɔ̀mnəfiŋ ine, bə̀ ghì àghò chughi ane àbɔrɔ̀bɔd.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

1 Timotì 3:11

À ya bə̀ ane ne, ìmbɔb mə̀yi bèrì ni yaʼ mə̀yi ne bəd mbe ghùmnə. Kayi mə̀yi ne chìkə̀ tikum bəd. Ìmbɔb mə̀yi bèrì ni yaʼ mə̀yi ne kɔ̀ŋɔ̀ ni ghì gha bəd chughi ane àbɔrɔ̀bɔd. Ìmbɔb mə̀yi bèrì ni bə yaʼ mə̀yi ne tì bəd nɔ̀ŋì fìŋ igun inɔb ane inug ijìm.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

1 Timotì 3:4

Wì bèrì ni kyeri icheg ni nyimi bəd məjìm mbe ne chùghə ibo inga nəb. Wì bèrì ni ghì gha bɔn məd ya zùgrə aməd bə̀ ghùmnə aməd ane inug ijìm.

1 Timotì 3:8

Bəd mbe ne wètè àfàʼì inga ifeti bəd Kristo bèrì ni yaʼ bəd ne bəd ndəŋ mbe bə̀ ghùmnə awɔb. Mbɔb bèrì ni yaʼ bəd ne tə̀mə igun tesiʼ. Imbə̀ʼ mbɔb yaʼ awɔb bəd ne ghàmà tìngam ibe ibe. Imbə̀ʼ mbɔb yaʼ awɔb bəd ne zìyè atog ane anug mənoʼ. Imbə̀ʼ mbɔb yaʼ awɔb bəd ne zìyè adɔʼ ane anug ikab.

1 Timotì 5:1

Imbə̀ʼ àghò ya ghàmà awe kyen abə mbaŋà ne ya wə̀d kyen ine. Àghò ya nàʼà tikə ibo bɔ̀tɔ ane gì icheg ni gha àghò ya ghàmà abə ìwe mbaʼ. Àghò ya ghìyə̀ inug tì bɔn ijɔŋ icheg ni gha mbɔb ya ìmbe məfi.

Tayitùs 1:13

Anug azo̰ ne wə̀dkə̀n we ya gha ya anug tesiʼ. Ane, àghò bèrì ni ghàm gaŋ abə tiku bəd mbo̰ kwàʼ ane gì ka ka ni ghì gha ìwɔb ibḛfiŋ igun Kristo təm kà.

Tayitùs 1:8

Wì yaʼ wə̀d ne nìŋə bəd ibo inga nəb icheg chɔm bə̀ kɔ̀ŋɔ̀ ni ghì inug chɔm. Wì yaʼ wə̀d ne kyeri icheg ni nyimbi nyɔd bə̀ təm kòʼ imbìghè abə Ŋwiye. Wì yaʼ wə̀d ne ghìyə̀ inug ne chwìye ìzḛzḛ bə̀ ya nɔ̀ŋɔ̀ mə̀nɔ̀ʼɔ̀ Kristo.

Tayitùs 2:7

Àghò ine, ya ghìyə̀ yaʼ inug chɔm gha mbɔb bara, kɔ̀pi ìtɔb fìŋ. Àghò chwiti tesiʼ inɔb ane ìzi fìŋ ijìm.

Filemɔ̀n 1:9

Si ya gha, icheg ne mə̀ kɔ̀ŋi awe, mə kə̀b yaʼ ni boʼ ibo ine gha àghò ghiyə. À ya mo Pɔl, ne mbi zi amə inga nəb ndəŋ imbə̀ʼ icheg ne mə təmi ane ikum Yeso Kristo.

1 Pità 1:13

Mbə̀ chuʼri ìtən fìŋ ni ghì inug mbe ne Ŋwiye we kə̀bə̀. Mbə̀ ya nyìmbe nyɔd. Mbə̀ ya nɔ̀ŋɔ̀ ikɔndi məyi ni ghɔ̀m ìchɔ̀mì we ne Ŋwiye biri ghì anyumə̀ ne Yeso Kristo ywirì yèʼe.

1 Pità 4:7

Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

2 Pità 1:6

Icheg ne mbə̰ kyèri inug imbə̀ʼ Ŋwiye, mbə̀ bə kirə ika ni ya nyìmbe nyɔd. Icheg ne mbə nyìmbe nyɔd, mbə̀ bə kirə ika ni ya nyìʼè inug. Icheg ne mbə̰ mbe nyìʼè inug, mbə̀ bə kirə ika ni ya ghùmnə Ŋwiye.