Tayitùs 1:4 - Ikan feg

⁴ Mə ŋwàʼrì anìŋ ine àghò Tayitùs. Àghò ya ìmə ŋwan tesiʼ ane ibḛfiŋ we ne tì beri inga Kristo. Ŋwiye ne yaʼi Mbaʼ tì Yeso Kristo ne ya chi awa inga ngəʼ, wì ghiyə ìchɔ̀mì ine bə̀ ghì àghò chughi ane àbɔrɔ̀bɔd.

Meta’

⁴ Mə wɨə ŋwàʼnɨ̀ ɨ ne, àwɔ̀ Taitùs, nɨ yeʼ mɨ wan rəsìʼ ɨchî nɨ mɔ̌ mbɨ ne tɨ̀ ben ə Kristo. Ŋwìə̀ Mbǎʼ mbɨ Kristo Yeso nɨə chɨ̀ əwa rəŋgəʼ, ghɨ ɨ̀chɔ̀m ənɨ ə ne bə̀ nàʼ əbɔrəbɔd ɨ ne.

Tayitùs 1:4 ပူးပေါင်းရင်းမြစ်များ

Lk 2:11

Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Jn 4:42

Mbi ya si ghà abə àyi we gha, “Chəyi tì nɔ̀ŋì ibḛfiŋ igun məd məyi imbə̀ʼ anug ne àghò gha ina. Tì fə zug kwàʼ ane ìmba ìtɔ̀ŋi. Tì bə̀ kyèri gha wə̀d gho̰ ya kwàʼ Wə̀d we ne pùmnə bəd igun isəg.”

Rm 1:12

Anug ze ne mə̀ kə̀bə̀ ni ghà ya gha, tì wete ìwa ibḛfiŋ mba mba. Mbə̀ wete amə, mə̀ bə̀ wètì awən.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

2 Kɔrèn 12:18

Mə ya boʼ ibo abə Tayitùs gha wì yèʼe mùg awən. Mə ya bə̀ chà ìwa ifi tì məd. Mə kyèri gha chəyi Tayitùs ya jəg awən. Imbə̀ʼ mba tì Tayitùs yaya fɔrɔ fàʼà ane fìŋ imɔʼ?

2 Kɔrèn 2:13

Icheg ne chəyi mə̀ ya pe bàd ìmə ifi Tayitùs, ze ya chìkì ìmə fìŋ. Ane, mə̀ ya nàʼrì inɔb, jəg inɔnjì ghò amə a Màsèdonìyà.

2 Kɔrèn 4:13

Tì bèrì ibḛfiŋ imɔʼ tì wə̀d we ne ya ŋwàʼri inga Àŋwàʼrì Ŋwiye gha, “Mə bḛ, ane, mə fə bə̀ ghàm.” Mba ina bə̀ bḛ, ane, tì we bə̀ ghàmà.

2 Kɔrèn 7:6

Si ya gha, Ŋwiye we ne nə̀rə fìŋ abə bəd ne beri ibəʼ ya nəri ìta fìŋ anyumə̀ ne Tayitùs ya yèʼe.

2 Kɔrèn 8:16

Mə we nàʼà məyakà abə Ŋwiye imbə̀ʼ icheg ne wì ghì Tayitùs se kɔ̀ŋɔ̀ awən icheg ne mə bə kɔ̀ŋ.

2 Kɔrèn 8:23

Tayitùs ya yi wə̀d ne tè fɔrɔ fàʼà ni wètì awən. Àsi məfi mbin ne yaʼi abɔ̀ʼ məd, mbɔb ya bəd ne ìwɔb ikuchèg kòʼi imbìghè abə Kristo. À ya tifeti bəd Ŋwiye bə chà awɔb.

2 Kɔrèn 8:6

Ane, tì ya boʼ ibo abə Tayitùs we ne ya ko àfàʼì azo̰ gha wì chè imbìghè ghì mbə̀ mana anug ni feti ighi mbe ne mbə̀ beri ni nàʼ.

Gàlesìyà 2:3

Ka bèyi Tayitùs ne ya wə̀d a Gris ne ya yaʼi abɔ̀ʼ inum, chəyi mbi ya bi gha mbi mənyìʼ ŋwed aməd.

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Efesùs 1:2

Ŋwiye ne yaʼi ìwa Mbaʼ tì Yeso Kristo mbe ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Kòlosè 1:2

Tì ya ŋwàʼrà anìŋ inən mbə̰ mbe ne yaʼi bəd Ŋwiye a Kòlosè ne bə̀ nɔ̀ŋì ìwən ibḛfiŋ igun Kristo. Mbə̰ mbe fàʼà inug ne mbə̀ beri ni fàʼ. Ŋwiye ne yaʼi ìwa Mbaʼ ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

1 Timotì 1:12

Mə nàʼ məyakà abə Yeso Kristo, ìwa Anɔŋisəg ne nàʼi ika inum. Wì ya niŋ gha mə kòʼ, chɔʼ amə gha mə̀ faʼa ibo.

2 Timotì 1:1

À ya mo Pɔl ŋwàʼri àŋwàʼrì azo̰. Ŋwiye ya ghì gha mə̀ yaʼ wə̀dtɔm Kristo icheg ne məd kə̀bi. Ŋwiye ya chà amə gha mə̀ chete anug imbə̀ʼ ìtḛ̀ we ne wì ya kàʼi ni nàʼ ina icheg ne tì yaʼi ane ifɔti tì Yeso Kristo.

2 Timotì 1:2

Mə ŋwàʼri anìŋ ine àghò Timotì ìmə ŋwan ne mə̀ taŋ kɔ̀ŋ. Ŋwiye ne yaʼi Mbaʼ fɔrɔ Yeso Kristo, ìwa Anɔŋisəg ghiyə ìchɔ̀mì ine bə̀ chwi àsɔ̀mnəfiŋ igun ine bə̀ ghì àghò chughi ane àbɔrɔ̀bɔd.

2 Timotì 4:10

imbə̀ʼ icheg ne Demàs fə waʼ amə ghò yi a Tèsàlonikà. Məd ghò angu imbə̀ʼ icheg ne wì kɔ̀ŋ inug igun isəg gho̰. Kresèn fə ghò a Gàlesìyà. Tayitùs fə ghò a Dàmatìyà.

Tayitùs 1:3

Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

2 Pità 1:11

Ane, Ŋwiye biri nàʼ ika ijìm inən ni nyi inga anug ìfɔ̀n ighə̀m imɔʼ àzi ìwa Anɔŋisəg Yeso Kristo ne pùmnə awa.

2 Pità 2:20

Àmə yaʼ aghi ne mbɔb ya du inga tika inug tibɔ̀ŋ te inga isəg icheg ne mbɔb ya bḛ ìwa Anɔŋisəg Yeso Kristo ne pùmnə awa, ywìrì kiri gho nyi inga inug mbe, nji inug tibɔ̀ŋ biri fə chìkì awɔb mbi bə chè icheg ne mbi ya bi yaʼ a mbègtog.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.

2 Pità 3:2

Mə kə̀b gha mbə̀ wendi ìngam we ne bədkə̀n Ŋwiye ìzḛzḛ mbe te aneg ya ghàmi. Mə bə̀ kə̀b gha mbə̀ bə wèndi mə̀nɔ̀ʼɔ̀ mbe ne Anɔŋisəg ne pùmnə bəd ya ghi ìmbən bədtɔm nàʼ inən.

1 Jɔn 5:14

Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.

Jûd 1:3

Ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mə̀ ya nɔŋi fìŋ ni ŋwàʼrì inug inən imbə̀ʼ icheg ne tì fɔrɔ pum, mə̀ ya ywìrì bàd gha, ze bɔ̀ŋ gha mə ŋwaʼra inug ndəŋ ni nəri ìtən fìŋ. Mbə̀ che imbìghè taŋ nyìmi inug imbə̀ʼ ibḛfiŋ we ne Ŋwiye nàʼi abə ìmbi bəd ane ighə̀m imɔʼ.