Tayitùs 1:3 - Ikan feg

³ Ane nyùmə̀ ya kòʼi, Ŋwiye ya ghì ìngam məd dù zen. Wì ya zì ìngam gho̰ inum ikye abo gha mə chete kwàʼ icheg ne Ŋwiye we ne pùmnə awa wì kə̀bi.

Meta’

³ Ənɨ nyùmə̀ nyaʼa kuʼu, Ŋwìə̀ nɨ chɨ̀ əwa rəŋgəʼ nyaʼa ghɨ̀ ni bə̂d kyerɨ rəsìʼ we ɨchî nɨ wɨ̀ nyaʼa zɨ ɨkə̂n we ɨŋga tum rɨkyerɨ-ɨbɔ.

Tayitùs 1:3 ပူးပေါင်းရင်းမြစ်များ

Mk 1:15

Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”

Mk 13:10

Mbə̀ kyeri gha mbi biri bi ghà ikən chɔm inga iben ijìm bɔŋ ìnwḭ se yèʼe.

Mk 16:15

Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Lk 1:47

Àmə azwighi ze bə̀ gyènde tì Ŋwiye ne pùmnə amə.

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

Ɨ̀fàʼì 17:26

Wì ya ko ane wə̀d imɔʼ tàngi bəd məjìm inga iben ijìm mbe ne yaʼi inga isəg gho̰. À ya məd ghì bəd yaʼ inga iben ijìm igun isəg. Məd ya fə bì nɔ̀ŋì nyumə̀ abə bəd məjìm fɔrɔ isiŋi ne bəd biri chughi.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 5:6

Anyumə̀ ne nyùmə̀ Ŋwiye ya kòʼi, Yeso Kristo ya ku atog abə bəd mbe ne chəyi mbe ghùmnə Ŋwiye. Anyumə̀ we chəyi tì ya kiri beri ika.

1 Kɔrèn 9:17

Àmə yaʼ aghi ne mə chètè ikən chɔm imbə̀ʼ Kristo ane ìmə ighəm, nji mə biri kə̀b gha mbə naʼa chùd inum. Àmə yaʼ aghi ne kayi ane ìmə ighəm ne mə chètè ikən chɔm, nji mə ya fàʼà yaʼ anug ne Ŋwiye zi inum ikye ibo.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

Efesùs 2:17

Ane, Kristo ya ghà ikən chɔm we ne ghìyə̀ bəd chùghə ane àbɔrɔ̀bɔd abə wə̀d ijìm. Ane, ikən we ya inən mbə̰ mbe ne kayi mə̀Ju ne chəyi mbə̀ ya bi kyèri Ŋwiye fɔrɔ inən mbə̰ mbe ne yaʼi mə̀Ju ne ya kyeri Ŋwiye.

Fìlipì 1:13

Anug ze fə ghì gha mə̀sogyì məjìm mbe ne kyèʼè ìtɔʼ, fɔrɔ bəd ndəŋ məjìm ne yaʼi inga ìtɔʼ, mbe kyeri gha mə ya anìŋ inga nəb ndəŋ imbə̀ʼ Kristo.

Kòlosè 1:23

Ane, mbə̀ chè imbìghè ni təm kà inga ìwən ibḛfiŋ ne chəyi mbə̀ chi ìwən ikɔndi igun inug mbe ne yaʼi inga ikən chɔm imbə̀ʼ Kristo. À ya ikən chɔm we ne mbə̀ ya zughi, ne mbe bə̀ chètè abə bəd isiŋi ijìm. À ya bə̀ ikən chɔm gho̰ ne Ŋwiye ya chɔʼi amə, mo Pɔl, ane wə̀d àfàʼì məd gha mə chete.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.

1 Timotì 1:1

À ya mo Pɔl ŋwàʼri àŋwàʼrì azo̰. Mə ya ŋwàʼrà anìŋ icheg wə̀dtɔm Kristo ne Ŋwiye ne yaʼi ìwa Mbaʼ ne pùmnə awa tì Yeso Kristo ne tì nɔŋi ìwa ikɔndi igun, mbi chɔʼi amə.

1 Timotì 1:11

Tì we tì tì bàd tikə Ŋwiye ìto̰ inga ikən chɔm we ne Ŋwiye zi inum ikye abo. Məd ya Ŋwiye we ne bəd mbe yète bə̀ ghùmnə.

1 Timotì 2:3

Aŋa ya anug ne bɔŋi bə̀ kòʼ abə Ŋwiye ne pùmnə bəd.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

2 Timotì 4:17

Mbi ya ghì ane, si ya gha, Anɔŋisəg ya təm abɔ̀ʼ inum, nàʼ ika inum. Ane, Anɔŋisəg ya wètì amə, ghì mə ghàm Ìngam Ŋwiye ijìm abə bəd məjìm mbe ne kayi mə̀Ju, mbi zug. Anɔŋisəg ya bə̀ chì amə ichug iwu imbə̀ʼ icheg ne mbi ya fə nɔ̀ŋì gha mbi biri zweti amə.

Tayitùs 2:10

Imbə̀ʼ mbi ya jìye awɔb ighi abə ìmbɔb mə̀mbaʼ àfàʼì. Mbe ya ghìyə̀ məyi inug chɔm ne chəyi ìmbɔb mə̀mbaʼ àfàʼì biri ya bɔ awɔb. Àze biri ghì bəd se kɔ̀ŋɔ̀ ni zug ìngam chɔm we ne te ghà imbə̀ʼ ìwa Ŋwiye ne pùmnə bəd.

Tayitùs 2:13

Tè ghiyə ane icheg ne te ghɔ̀mɔ̀ aneg kyen ze ne tì nɔŋi ìta tikɔndi igun. À ya aneg ze ne ìwa Ŋwiye kyen ne pùmnə bəd ne ya Anɔŋisəg Yeso Kristo wì biri yeʼe inga ìzḛzḛ njandi njandi məd.

Ɨnû 14:16

Ane, wə̀d we ne ya chughi igun pàʼ ze ya nwḭ̀ ìfi ibeg igun isəg si fòʼ ighi igun isəg.