Rm 8:9 - Ikan feg

⁹ Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

Meta’

⁹ Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

Rm 8:9 ပူးပေါင်းရင်းမြစ်များ

Lk 11:13

Mbə̰ bəd inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne Mbaʼ we ikaŋ àbɔ̀ŋɔ biri nàʼ Azwighi Ŋwiye abə bəd mbe ne bìre ibo.”

Jn 14:17

Məd ya Azwighi Ŋwiye, wì biri ghì gha, bəd kyeri tesiʼ imbə̀ʼ Ŋwiye. Chəyi tì bəd igun isəg gho̰ niŋ aməd imbə̀ʼ icheg ne chəyi mbi kweʼì bàd aməd, kə̀ kyère aməd. Àsi awən, mbə biri kyeri aməd imbə̀ʼ icheg ne məd we abɔ̀ʼ inən. Məd we bə̀ inga inən.

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Jn 3:6

Wə̀d ne wə̀d-aku gwi ya wə̀d-aku. Àsi wə̀d ne Azwighi Ŋwiye gwi ya wə̀d ne Azwighi Ŋwiye yaʼi inga məd.

Ɨ̀fàʼì 16:7

Anyumə̀ ne mbi ya pe ane ndò aben ni nyi inga Misìyà, mbi ya ŋa nyḭ̀yḛ inga Bìtinìyà, si ya gha, chəyi Azwighi Yeso ya bḛ gha mbe gho nyi inga aben ze.

Rm 7:5

Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

1 Kɔrèn 15:23

Ŋwiye biri zwemni wə̀d imɔʼ imɔʼ ane tiwaŋ icha icha. Wə̀d mbègtog we ne Ŋwiye zwèmni ane iwu ya Kristo. Anyumə̀ ne Kristo ywirì yèʼe, Ŋwiye biri zwemni bəd mbe ne yaʼi bəd Kristo.

1 Kɔrèn 3:16

Kwàʼ tesiʼ tesiʼ, àkə chəyi mbə̀ kyeri gha ìtən nyàmnyɔd ya mbàn Ŋwiye. Àkə chəyi mbə bə kyèri gha Azwighi Ŋwiye ze chùghə inga ìtən nyàmnyɔd.

1 Kɔrèn 6:17

Tesiʼ ya gha, wə̀d ne fɔti ìzi nyàmnyɔd tì Anɔŋisəg, tengàŋ fə se ane anug amɔʼ tì Anɔŋisəg. Azwighi tengàŋ tì Azwighi Anɔŋisəg fə se azwighi amɔʼ.

1 Kɔrèn 6:19

Chəyi mbə̀ kyeri gha ìtən nyàmnyɔd ya asiŋi ne Azwighi Ŋwiye ze ne Ŋwiye ya nàʼi inən ze chùghə inga? À ya Ŋwiye beri ìtən nyàmnyɔd, kayi mbə̰.

2 Kɔrèn 10:7

Mbə̰ ya nḛ̀ ighi məyi asaŋ asaŋ. Wə̀d ne kyeri gha zìye ya wə̀d Kristo, wì bə kyèri gha mba ya bə̀ bəd Kristo kwàʼ icheg məd.

2 Kɔrèn 6:16

Àkə anug zeg ne mbàn Ŋwiye beri tì mə̀ŋwiye? Mba ya mbàn ne Ŋwiye we ne yaʼi izɔm we chùghə inga. Ŋwiye zìye fə ghà gha, “Mə biri chughi tì inɔb bə̀ yèn abɔ̀ʼ inɔb. Mə biri yaʼ ìwɔb Ŋwiye, mbɔb bə̀ yaʼ ìmbum bəd.”

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Efesùs 1:13

Mbə̰ ya bə̀ si yaʼ bəd Kristo anyumə̀ we ne mbə̀ ya zughi ikən tesiʼ, bḛ. À ya ikən chɔm we ghi mbə̰ pum. Mbə̰ ya bḛ Kristo, Ŋwiye bə̀ nàʼ àzi Azwighi inən icheg ne wì ya kàʼi ane aneni ne chwìye gha mbə̰ ya si bəd məd.

Efesùs 2:22

Icheg ne bə̀ yaʼi ane ifɔti tì məd, mbə̰ inən biri bə kweg abɔ̀ʼ mə̀mbin. Mbə̰ biri kweg si yaʼ asiŋi ne Ŋwiye we chùghə inga ane Àzi Azwighi.

Efesùs 3:17

Mə we bə̀ chàʼrà Ŋwiye gha ìwən ibḛfiŋ ghiyə Kristo yaʼ inga ìtən fìŋ, mbə̀ bə ya kɔ̀ŋɔ̀ Ŋwiye bə̀ ya kɔ̀ŋɔ̀ ìmbən məfi fɔrɔ ìtən njàbi. Mbə̰ mə̀ ghì ane, mbə biri təm kà inga àkɔ̀ŋì icheg azed ne ighaŋ taŋ nyi aseg bə̀ təm kà icheg nəb ne ati nəb taŋ kà.

Fìlipì 1:19

Mə biri ya gyènde imbə̀ʼ icheg ne mə̀ kyèri gha, inga inug mbo̰ ijìm, mə biri dù inga ngəʼ. Mə kyèri ane imbə̀ʼ icheg ne mbə̰ mbe chàʼrà Ŋwiye inum, Azwighi Yeso Kristo ze bə̀ wètè amə.

2 Timotì 1:14

Àghò taŋ nyìmi ineʼi chɔm we ne Ŋwiye ya nàʼi ine. Azwighi Ŋwiye ze ne chùghə inga ina biri wètì awe gha àghò nyimi ineʼi we.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

1 Jɔn 3:24

Wə̀d ne zùgrə tikə Ŋwiye ya chùghə ane ifɔti tì məd, məd bə̀ chùghə ane ifɔti tì tengàŋ. Tì kə kyère iye gha Ŋwiye we ane ifɔti tì ina? À ya Azwighi məd ze ne wì nàʼi ina ze ghìyə̀ tì kyère.

1 Jɔn 4:13

Tì ya kyère gha, tì we ane ifɔti tì məd, məd we bə̀ ane ifɔti tì ina icheg ne məd fə nàʼi àzi Azwighi ina.

1 Jɔn 4:4

Àsi awən, mbə̰ ìmbum bɔn, mbə̰ ya bəd Ŋwiye. Ane, mbə̰ fə zɔ̀ŋ chè bədkə̀n mbe ne ghà inug ako imbə̀ʼ icheg ne azwighi ze ne yaʼi inga inən bèrì ika chè azwighi ze ne yaʼi inga isəg.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 20:15

Wə̀d ne chəyi mbi ya bàri ikum məd inga àŋwàʼrì abɔ̀ʼ bəd mbe ne biri jəg ìtḛ̀, mbi ya màʼ aməd inga atəŋ iywid kyen ze.