Rm 8:38 - Ikan feg

³⁸ Mə kyèri kwàʼ tesiʼ gha, chəyi aghi mɔ̀ʼɔ ne tì ze ghì gha imbə̀ʼ aməd si ywiri kɔ̀ŋɔ̀ yi awa, kə̀ àkə iwu, kə̀ àkə ìtḛ̀, kə̀ àkə mbè angirə̀, kə̀ àkə tika afub te ne yaʼi ikaŋ, kə̀ àkə inug mbe ne yaʼi inga nyùmə̀ isəg gho̰, kə̀ àkə mbe ne biri ghum yeʼe,

Meta’

³⁸ Mə kàŋ kyerɨ ni ka àbei ɨvɨ, kɨ̀ ɨ̀tènɨ̀, kɨ̀ mbɨ̀aŋgɨrə̀, kɨ̀ ɨzwî mbe nɨ yeʼ əton ɨkaŋ, kɨ̀ ɨghɨ mbe nɨ yeʼ rɨ̀nîn, kɨ̀ mbe nɨ bɨrɨ yeʼe,

Rm 8:38 ပူးပေါင်းရင်းမြစ်များ

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Rm 14:7

Wə̀d mɔ̀ʼɔ abɔ̀ʼ ina mə yaʼ izɔm, chəyi tengàŋ yaʼi izɔm ane ìwi ighəm. Kə̀ wə̀d mɔ̀ʼɔ abɔ̀ʼ ina mə ku, chəyi tengàŋ ku ane ìwi ighəm.

Rm 14:8

Kə̀, àmə yaʼ aghi ne tì yaʼi izɔm, tì yaʼ izɔm ni ya nàʼà ighumni abə Anɔŋisəg. Kə̀ tì mə ku, à ya ni nàʼ ighumni abə Anɔŋisəg. Ane, kə̀ tì yaʼ izɔm, kə̀ tì ku, mba ya bəd Anɔŋisəg.

Rm 4:21

Wì ya nɔ̀ŋì ibḛfiŋ igun Ŋwiye bə̀ kyèri gha Ŋwiye we tì wì fàʼ anug ze ne wì ya kàʼi.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

1 Kɔrèn 15:24

Anyumə̀ ne wì biri ghì ane, ìnwḭ biri si yèʼe. Ane nyumə̀ we, Kristo biri nimni izwighi ijìm mbe ne yaʼi ikaŋ, nìmni izwighi ijìm ne yaʼi inga ifə, bə̀ nìmni izwighi ijìm ne yaʼi inga isəg, si nàʼ anug ìfɔ̀n abə Ŋwiye ne yaʼi Mbaʼ.

2 Kɔrèn 11:14

Kayi anug ni jə̀m imbə̀ʼ icheg ne Sàtàn ya bə̀ chwìye ìwi ìfe icheg angirə̀ ìzḛzḛ.

2 Kɔrèn 4:13

Tì bèrì ibḛfiŋ imɔʼ tì wə̀d we ne ya ŋwàʼri inga Àŋwàʼrì Ŋwiye gha, “Mə bḛ, ane, mə fə bə̀ ghàm.” Mba ina bə̀ bḛ, ane, tì we bə̀ ghàmà.

Efesùs 1:21

Kristo ya amad anìŋ se tùmbə̀ izwighi ijìm mbe ne yaʼi ikaŋ, ka bèyi mbe ne beri ika. Ikum məd chè tikum tijìm igun isəg fɔrɔ inga isəg we ne kiri yèʼe.

Kòlosè 1:16

À ya Ŋwan məd we ne Ŋwiye ya nàʼi ika ibo wì tàngi ighi ijìm ne yaʼi ikaŋ àbɔ̀ŋɔ fɔrɔ igun isəg; Ighi ijìm ne te bàrà fɔrɔ ighi ne chəyi te bàrà: Kə̀ àkə mbè angirə̀, kə̀ izwighi tibɔ̀ŋ mbe ne tùmbə̀ ighi ne yaʼi igun isəg fɔrɔ ighi ne yaʼi aton àbɔ̀ŋɔ. Ighi ijìm ya Ŋwiye ya che anjìm məd tàngi ni gha mbe ghumni aməd.

Kòlosè 2:15

Wì ya chìkì tika ijìm abə izwighi tibɔ̀ŋ ka ka fɔrɔ abə izwighi mbe ne sàʼa isəg gho̰ anyumə̀ ne wì ya ku igun azed abaʼri. Wì ya ghì ane, zì tìnìrètog igun inɔb kwàʼ asaŋ asaŋ icheg sogyì ne nyimi ìbòʼì ibid se tə̀rə̀ yi igun inɔb.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

Mə̀Hibrù 11:13

Bəd mbo̰ məjìm ya nɔ̀ŋì ibḛfiŋ igun Ŋwiye ghò pè ane nyùmə̀ ne mbi ya ku. Chəyi mbɔb ya beri ighi mbe ne Ŋwiye ya kàʼi inɔb. Si ya gha, mbɔb ya bàd ighi mbe ane agha se ne mbe kiri yeʼe, fə si niŋ gha mbɔb fə bèrì inɔb ikye abo. Mbɔb ya bə̀ bḛ gha mbɔb ya bəd tìsɔ̀ʼ ne bə̀ chè awɔb che igun isəg.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.