Rm 7:18 - Ikan feg

¹⁸ Ane, mə kyèri gha chəyi anug chɔm mɔ̀ʼɔ ne yaʼi inga inum. À ya ikuchèg tibɔ̀ŋ yaʼi inga inum. Mə bèrì fìŋ ni ghì inug chɔm, si ya gha, chəyi tì mə ghì.

Meta’

¹⁸ Mə kyerɨ ni chəi ənû ə chɔ̀m ə mɔʼɔ ɨŋga num, əne yɨ ɨŋga mɨ ɨnyod. Mə wɨə kàŋə̀ kə̀b nɨ ghɨ ɨ̀chɔ̀m, àyɨə chəi ənɨ tɨ̀ mə ghɨ̀.

Rm 7:18 ပူးပေါင်းရင်းမြစ်များ

Matìyò 15:19

À ya ane imbə̀ʼ icheg ne tikɔndi tibɔ̀ŋ ya dùwə̀ inga fìŋ wə̀d. Tikɔndi tibɔ̀ŋ te ya inug icheg: anug ni zweti wə̀d, tì anug ni nɔ̀kì iweg wə̀d kə̀ nɔ̀kì inɔm wə̀d, tì anug ni nɔ̀kì àyi kə̀ nɔ̀kì mbaŋà abu abu, tì anug ni ji, tì anug ni bḛ anug ako igun wə̀d, fɔrɔ anug ni chìkì ikum wə̀d.

Lk 11:13

Mbə̰ bəd inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne Mbaʼ we ikaŋ àbɔ̀ŋɔ biri nàʼ Azwighi Ŋwiye abə bəd mbe ne bìre ibo.”

Jn 3:6

Wə̀d ne wə̀d-aku gwi ya wə̀d-aku. Àsi wə̀d ne Azwighi Ŋwiye gwi ya wə̀d ne Azwighi Ŋwiye yaʼi inga məd.

Rm 13:14

Mbə̀ ghiyə gha Anɔŋisəg Yeso Kristo ya tùmbə̀ awən. Imbə̀ʼ mbə̰ nɔŋɔ awən ìtən fìŋ igun ighi mbe ne nyàmnyɔd ze ghə̀ʼrə̀.

Rm 7:15

Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀.

Rm 7:19

Inug mbe ne mə fàʼà kayi inug chɔm mbe ne mə̀ kɔŋi ni fàʼ. Àsi inug tibɔ̀ŋ mbe ne chəyi mə̀ kɔŋi ni fàʼ, à ya mbiwən ne mə fàʼà.

Rm 7:25

Mə nàʼ məyakà abə Ŋwiye anjìm ìwa Anɔŋisəg, Yeso Kristo! Inum inga fìŋ, mə kyèri gha mo ya àbòʼì abə mə̀nɔ̀ʼɔ̀ Ŋwiye, si ya gha, inug tibɔ̀ŋ mbe ne yaʼi inga inum fə niŋ amə ane àbòʼì.

Rm 7:5

Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Gàlesìyà 5:17

Aton ya gha, nyàmnyɔd ya kə̀bə̀ yaʼ inug mbe ne chəyi Azwighi Ŋwiye ze kə̀bə̀. Azwighi Ŋwiye ya bə̀ kə̀bə̀ yaʼ inug mbe ne chəyi nyàmnyɔd ze kə̀bə̀. Chəyi tì mbɔb mbo̰ məbe yaʼ ane anug amɔʼ. Ane, chəyi tì mbə̰ ghì inug ne mbə̰ mbe kə̀bə̀.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Fìlipì 3:12

Kayi mə gha, mə fə bèrì ighi mbo̰ ijìm, kə̀ gha mə fə bɔ̀ŋ mànì. Tesiʼ ya gha, mə we kìrə ika ni chè imbìghè imbə̀ʼ bèrì ighi ijìm mbe ne Yeso Kristo ya ghi gha mə yaʼ wə̀d məd imbə̀ʼ bèrì.

Tayitùs 3:3

Mba ina ya bə̀ kweʼì ghì inug anen bə̀ kweʼì ghì tìzughə̀. Mbi ya kweʼì tàmbi awa, tì febè. Mbi ya kweʼì ghì tì bḛ ìbòʼì abə tiku inug ijìm mbe ne nyàmnyɔd ze ghə̀ʼrə̀ bə̀ kɔ̀ŋɔ̀. Tì yaya ghìyə̀ inug izəg igun bəd. Tì yaya bə̀ ghìyə̀ àdeg. Bəd yaya bà̰ awa. Tì yaya bə̀ bà̰ ìwa nyɔd mba mba.

1 Pità 4:2

Ane, mbə̰ kòʼ ni se ghìyə̀ inug mbe ne Ŋwiye we kə̀bə̀ ane nyumə̀ gho̰ ne mbə̀ kiri yaʼi igun isəg. Kayi ni ya ywìrè ghìyə̀ inug tìbɔŋ mbe ne nyàmnyɔd ze ghə̀ʼrə̀.