Rm 5:1 - Ikan feg

¹ Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Meta’

¹ Ɨchî nɨ Ŋwìə̀ ben ni tɨ̀ fə təm kùʼnɨ̀ ənjìm a ɨbenɨ, əne tɨ̀ wɨ ənɨ əbɔrəbɔd mbɨ ə Ŋwiə̀ ənjìm a Ə̀nùŋɨ̀sɨg Yeso Kristo.

Rm 5:1 ပူးပေါင်းရင်းမြစ်များ

Lk 19:38

Mbi yaya ghùmnə aməd gha, “Ŋwiye ziye àbɔrɔ̀bɔd igun ifɔn we ne yeʼe ane ikum ìwe Anɔŋisəg. Àbɔrɔ̀bɔd yaʼ ikaŋ àbɔ̀ŋɔ, bəd ghùmnə Ŋwiye.”

Lk 19:42

“Àkə aghi ne mbə̀ kyeri aghi ne biri ghì mbə chùghi ane àbɔrɔ̀bɔd tèchɔ̀ŋ, nji ze bɔ̀ŋ. Si ya gha, mbe nə̀m inən.

Lk 2:14

“Ighumni yaʼ abə Ŋwiye ikaŋ àbɔ̀ŋɔ, àbɔrɔ̀bɔd yaʼ abə bəd mbe ne məd gyḛ igun isəg.”

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

Rm 1:17

À ya ikən chɔm gho̰ we tòʼrò icheg ne Ŋwiye ghi bəd təm kòʼ ibo imbìghè. Ikən chɔm ya chwìye gha bəd mbe ne təmi kòʼ ya ko ane ibḛfiŋ bə̀ nwḭ̀yḛ̀ ane ibḛfiŋ. À ya kwàʼ icheg Ìngam Ŋwiye we ne gha, “Wə̀d ne ibḛfiŋ məd igun Ŋwiye ghi wì təm kòʼ, tengàŋ biri jəg ìtḛ̀”.

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 10:10

À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

Rm 10:15

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 15:33

Ŋwiye we ne nàʼà àbɔrɔ̀bɔd yaʼ tì inən mbə̰ məjìm. À ya ane.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Rm 3:30

Ŋwiye məyi imɔʼ. Wì biri ghì mə̀Ju təm kòʼ ibo imbìghè anjìm ìwɔb ibḛfiŋ igun Yeso. Wì biri bə ghì bəd mbe ne kayi mə̀Ju bə̀ təm kòʼ ibo imbìghè anjìm ìwɔb ibḛfiŋ igun Yeso bə.

Rm 4:5

Si ya gha, bəd ya tə̀mə zḛ imbìghè abə Ŋwiye anjìm ìwɔb ibḛfiŋ, kayi imbə̀ʼ ìmbɔb ìfàʼì. À ya Ŋwiye we ghìyə̀ gha bəd təm kòʼ ibo imbìghè.

Rm 5:11

Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.

Rm 5:18

Ane, icheg ne anug tibɔ̀ŋ wə̀d imɔʼ fə ghì wə̀d ijìm gug isaʼi imbìghè abə Ŋwiye, à ya bə̀ ane ne anug chɔm wə̀d imɔʼ fə bə ghì wə̀d ijìm təm zen imbìghè abə Ŋwiye bə̀ jəg ìtḛ̀.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

Rm 9:30

Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

Gàlesìyà 2:16

Tè kyèri àza aghi kwàʼ tesiʼ gha, chəyi tì wə̀d təm kòʼ imbìghè abə Ŋwiye anjìm icheg ne wì nɔŋi mə̀nɔ̀ʼɔ̀ Muse. Wə̀d ne təmi kòʼ imbìghè abə Ŋwiye ya wə̀d ne nɔŋi ìwi ibḛfiŋ igun Yeso Kristo. Ane, mba mə̀Ju fə bə̀ nɔ̀ŋì ibḛfiŋ igun Yeso Kristo ni ghì gha tè təm kòʼ. Tè təm kòʼ anjìm ìwa ibḛfiŋ igun Kristo, kayi anjìm icheg ne tì nɔŋi anug ne mə̀nɔ̀ʼɔ̀ Muse mbe kə̀bə̀. Chəyi tì wə̀d təm kòʼ anjìm icheg ne wì nɔŋi mə̀nɔ̀ʼɔ̀ Muse.

Gàlesìyà 3:25

Icheg ne anug ni nɔ̀ŋì ibḛfiŋ igun Yeso Kristo fə yeʼe, chəyi mə̀nɔ̀ʼɔ̀ mbe ywìrè kyèʼrè awa ka.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 2:7

Wì ya ghì ane ni gha inga nyùmə̀ isəg we ne məd biri yeʼe, məd we tì wì chwi gha chəyi tì mbi mə̀grì ìchɔ̀mì kyen məd we ne wì ghi ina anjìm Yeso Kristo.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Kòlosè 1:20

Ŋwiye ya bə̀ chè anjìm Kristo ni niŋ ighi ijìm ane ìwi nyɔd, kə̀ àkə ighi ne yaʼi igun isəg, kə̀ ighi ne yaʼi ikaŋ àbɔ̀ŋɔ. À ya anjìm anəm ze ne Ŋwan məd we ya ku igun azed abaʼri ne Ŋwiye mànì achɔb tì ighi ijìm.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

2 Tès 3:16

Tì we chàʼrà Ŋwiye inən gha, Anɔŋisəg ne zìyè àbɔrɔ̀bɔd igun bəd, wì ghiyə mbə̀ chughi ane àbɔrɔ̀bɔd mà nyumə̀ ijìm fɔrɔ inga inug ijìm. Anɔŋisəg yaʼ tì inən mbə̰ məjìm.

Mə̀Hibrù 13:20

Ŋwiye ne zìyè àbɔrɔ̀bɔd igun bəd ya ghì Yeso ìwa Anɔŋisəg zwème ane iwu. Yeso we ya Àjənjə̀g kyen ne ya niŋi àze anəm wàd ikan ne chəyi wì biri nɔʼ mèg.