Rm 4:16 - Ikan feg

¹⁶ Anug ze ne Ŋwiye ya kàʼi ya yèʼe anjìm ibḛfiŋ ni chwi gha à ya Ŋwiye nàʼi ako abə bəd məjìm ane aghaŋ inəbi Abràham. Kayi məyi abə bəd mbe ne nɔ̀ŋɔ̀ mə̀nɔ̀ʼɔ̀, à ya fɔrɔ abə bəd mbe ne nɔŋi ibḛfiŋ igun Ŋwiye kwàʼ icheg Abràham. Abràham ya se mbaʼ mbègtog ina mba məjìm ne nɔŋi ibḛfiŋ igun Kristo.

Meta’

¹⁶ Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Rm 4:16 ပူးပေါင်းရင်းမြစ်များ

Lk 19:9

Yeso ya gha, “Anug ni pum fə yeʼe inga nəb aŋa tèchɔ̀ŋ imbə̀ʼ icheg ne wə̀d gho̰ ya bə̀ aghaŋ inga inəbi Abràham.

Rm 15:8

Mə ya anìŋ ghà inən gha, Kristo ya bə̀ŋə ane wə̀d àfàʼì abə mə̀Ju ni chwiti gha Ŋwiye we ghìyə̀ inug mbe wì ya kàʼi abə ìmbɔb mə̀mbaʼ te aneg.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Rm 3:30

Ŋwiye məyi imɔʼ. Wì biri ghì mə̀Ju təm kòʼ ibo imbìghè anjìm ìwɔb ibḛfiŋ igun Yeso. Wì biri bə ghì bəd mbe ne kayi mə̀Ju bə̀ təm kòʼ ibo imbìghè anjìm ìwɔb ibḛfiŋ igun Yeso bə.

Rm 4:11

Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 9:8

Àzo̰ ya ni chwi gha, kayi bɔn məjìm inga inəbi məd yaʼi bɔn Ŋwiye. Bɔn Ŋwiye ya bɔn ne wì gwi icheg ne Ŋwiye ya kàʼi. À ya kwàʼ mbɔb ne mbe tàŋa awɔb ane bɔn inga iwaŋ inəbi Abràham.

Gàlesìyà 3:14

Kristo ya ghì ane ni gha àbɔrɔ̀bɔd ze ne Ŋwiye ya kàʼi abə Abràham, ze biri bə yeʼe abə bəd mbe ne kayi mə̀Ju anjìm ibḛfiŋ igun Yeso Kristo. Àzo̰ ghì gha mba ina bə bèrì Azwighi Ŋwiye ze ne Ŋwiye ya kàʼi gha tì biri bèrì anjìm ibḛfiŋ igun Yeso Kristo.

Gàlesìyà 3:16

Anug ze ne Ŋwiye ya ghum kàʼ ya abə Abràham tì ŋwan ne biri ghum yaʼ ane aghaŋ inəbi məd. Chəyi Ìngam Ŋwiye gha à ya abə bɔn ane aghaŋ inəbi məd. Anug ze ya kayi abə bɔn nɔʼ nɔʼ. Ane ya gha, à ya abə wə̀d imɔʼ. Wə̀d we ya Kristo.

Gàlesìyà 3:22

Si ya gha, Ìngam Ŋwiye ghà gha, inug tibɔ̀ŋ mbe kɔ̀rɔ bəd məjìm inga isəg. Ìngam Ŋwiye ghà ane ni ghì gha bəd kyeri gha, aghi ze ne mbi ya kàʼi ni nàʼ abə bəd anjìm ìwɔb ibḛfiŋ igun Ŋwiye ze tì mbi nàʼ məyi abə bəd mbe ne bḛ Yeso Kristo.

Efesùs 2:5

ka ìmba inug tibɔ̀ŋ ya ghì tì si yaʼ icheg bəd ku, tè ywìrì yaʼ izɔm icheg ne tì yaʼi ane ifɔti tì Kristo. À ya anjìm ìchɔ̀mì Ŋwiye ne mbə̀ fə pumi.

Efesùs 2:8

Icheg ne mbə̀ nɔŋi ibḛfiŋ igun Kristo, Ŋwiye fə ghì ìchɔ̀mì inən, pumni awən. Kayi mbə̰ ghi anug azo̰. À ya ineʼi ne nɔʼi abə Ŋwiye.

Tayitùs 3:7

Wì ya nàʼ ane ni ghì gha tì we tì tì che anjìm ìchɔ̀mì we təm kòʼ ibo imbìghè bə̀ jəg ìtḛ̀ ighə̀m imɔʼ we ne tì nɔŋi ikɔndi ni ghɔ̀m.

2 Pità 1:10

Ane, ìmbum məfi fɔrɔ ìtum njàbi, mbə̀ kirə ika ni chughi kwàʼ məyi icheg bəd ne Ŋwiye ya kàri bə̀ chɔʼ gha mbə̀ yaʼ ìmbi bəd. Mbə̰ mə̀ chùghi ane, nji chəyi mbə̀ biri nɔʼ ghi anug tibɔ̀ŋ.