Rm 3:5 - Ikan feg

⁵ Si ya gha, ze kə mə̀ chwi gha inug mbe ne te ghìyə̀ ne chəyi mbi koʼi imbìghè abə Ŋwiye ya ni ghì gha bəd bara icheg ne Ŋwiye we ghìyə̀ inug ne koʼi ina, tì si ghà àza gha? Tì tì gha chəyi Ŋwiye we ghìyə̀ inug ina ane icheg ne koʼi anyumə̀ ne wì zi ngəʼ igun ina? (Mə ya ghàmà anìŋ icheg wə̀d-aku.)

Meta’

⁵ Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Rm 3:5 ပူးပေါင်းရင်းမြစ်များ

Rm 12:19

Ìmbum mə̀sə̀ʼ, imbə̀ʼ mbə̰ ywite awən anug tibɔ̀ŋ. Mbə saŋa, à ya Ŋwiye biri ywìtì ane àzi agaŋ. Anɔŋisəg ghà inga Àŋwàʼrì Ŋwiye gha, “Mə biri ywìtì inug tibɔ̀ŋ mbe ne bəd ghìyə̀. Bəd mbe ne ghìyə̀ mə̀mbin zə̰ ngəʼ, mə biri ywìtì inɔb bə”.

Rm 2:5

Icheg ne àghò beri fìŋ ne ka ne chəyi àghò kə̀bi ni bə̀ŋì, àghò ya anìŋ chè imbìghè ghìyə̀ Ŋwiye gàŋa tì ine. Ane, igun aneg ze ne Ŋwiye biri sɔb isaʼi igun bəd ane icheg ne koʼi, wì biri taŋ gaŋ tì ine, sɔb ìwe isaʼi zì ngəʼ ne ka igun ine.

Rm 3:19

Ane, tè kyèri gha inug mbe ne mə̀nɔ̀ʼɔ̀ mbe ghà ya abə bəd mbe ne yaʼi aton mə̀nɔ̀ʼɔ̀. À ya ni ghì gha imbə̀ʼ mbi bere awɔb anug ni ghà. Ane, Ŋwiye biri saʼ bəd məjìm mbe ne yaʼi inga isəg.

Rm 3:7

Ze kə mə̀ chwi gha, à ya ìmbum inug ako ghi gha bəd taŋ kyèri gha Ŋwiye we gha tesiʼ bə̀ se ghùmnə aməd, aton ne məd biri ywìrì zì ngəʼ igun inum icheg wə̀d inug tibɔ̀ŋ àkə gha?

Rm 4:1

Tè niŋ wə̀d icheg Abràham ìwa mbaʼ aneg. Aghi chɔm ne məd ya bàri inga anug azo̰ àkə aghə?

Rm 5:8

Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

Rm 6:1

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ Ŋwiye che imbìghè ni ghì ìchɔ̀mì ina?

Rm 6:19

Mə ya nìŋə inug ne mbə̀ kyeri icheg bəd-aku ni ghàm inən anìŋ, ni ghì gha ìmbən itog zen. Mbə̰ ya kweʼì niŋ ìmbən isiŋi nyɔd icheg məfeg ni ghì izṵ inug nɔʼ nɔʼ fɔrɔ ni ghì inug izəg nɔʼ nɔʼ. Amad anìŋ, mbə̀ si niŋ ìtən nyàmnyɔd ni ghì yaʼ inug ne təmi kòʼ fɔrɔ ni ghì gha Ŋwiye so awən mbə̀ zen mànì.

Rm 7:7

Tì kə anìŋ kɔ̀ndɔ gha? Mə̀nɔ̀ʼɔ̀ Muse wa kə inug tibɔ̀ŋ? Indèʼ ka! À ya mə̀nɔ̀ʼɔ̀ ghi mə kyeri inug ne yaʼi mbi tibɔ̀ŋ. Àkə aghi ne chəyi kə̀ mə̀nɔ̀ʼɔ̀, nji chəyi mə̀ kyeri gha ni ghə̀ʼrì ighi ya anug tibɔ̀ŋ. À ya mə̀nɔ̀ʼɔ̀ gha gha, “Imbə̀ʼ àghò ghəʼrə awe ighi.”

Rm 8:31

Inga inug mbo̰ ijìm, tì kə ywiri gha? Ŋwiye kə mə̀ yaʼ tì ina, wə̀d ne tì wì zɔŋ awa chè àkə we?

Rm 9:30

Tì kə ywìrè gha? Bəd ne kayi mə̀Ju ne chəyi tì mbi ya təm kòʼ imbìghè abə Ŋwiye, mbɔb mbo̰ fə təmi kòʼ imbìghè abə Ŋwiye anjìm ìwɔb ibḛfiŋ.

1 Kɔrèn 15:32

Àmə yaʼ ni gha mə yaya zɔ̀ŋɔ̀ tì nyàm tɔ tɔ a Efesùs, icheg ne wə̀d-aku kɔ̀ndi, nji chùd ne mə̀ biri jəg àkə iza? Àmə yaʼ ni gha chəyi Ŋwiye biri zwemni iwu bəd, nji tì we ghìyə̀ inug icheg ne Àŋwàʼrì Ŋwiye gha gha, “Tì jəg bə̀ no imbə̀ʼ icheg ne tì biri ku isu.”

1 Kɔrèn 9:8

Mə wa kə ghàmà inug mbo̰ inən ane tikɔndi wə̀d-aku? Imbə̀ʼ à ya bə̀ anug ne mə̀nɔ̀ʼɔ̀ Muse gha?

2 Kɔrèn 6:4

Si ya gha, icheg bəd àfàʼì Ŋwiye, tì ya chwìye ane iku inɔnjì ijìm gha, mba ya bəd àfàʼì chɔm: kə̀ àkə inga nyùmə̀ ni nyìʼ, kə̀ nyùmə̀ tiku ngəʼ ijìm, kə̀ nyùmə̀ ne inug mbe kà, kə̀ nyùmə̀ ibəʼ,

2 Kɔrèn 7:11

Mbə̀ nḛ aghi ne Ŋwiye fàʼi anjìm àsɔ̀mnì ze ne wì ghi mbə beri. Amad anìŋ mbə nɔ̀ŋì atog ane àfàʼì, nɔ̀ŋì atog ni ghì inug ne koʼi, kyèri icheg ni sɔ̀mnɔ̀ imbə̀ʼ inug tibɔ̀ŋ, bə̀ kyèri icheg ni kwìtì inug tibɔ̀ŋ. Mbə̰ mbe se ghɔ̀mɔ̀ ni bàd amə, bə̀ nɔ̀ŋì fìŋ ni zugri amə, bə̀ kyèri icheg ni saʼ inug ane icheg ne koʼi. Mbə̰ mbe chwìye ane inug ijìm gha chəyi mbə̀ gughi anug.

Gàlesìyà 2:18

Mo mə̀ ya ywìrè chètè gha bəd nyimi mə̀nɔ̀ʼɔ̀ Muse ne mə̀ ya fə sàŋi, nji mo ya wə̀d ne gùghə̀ mə̀nɔ̀ʼɔ̀.

Gàlesìyà 3:15

Ìmbum məfi fɔrɔ ìtum njàbi, mə biri niŋ aneni ane inug ne dùwə̀ ineg ijìm tì barà. Bəd məbe mə̀ nɔ̀ŋì anug mɔ̀ʼɔ bḛ, tangi àŋwàʼrì, san, chəyi wə̀d mɔ̀ʼɔ beri ni kɔpi kə̀ ywìrì yètì aghi mɔ̀ʼɔ igun ka.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.

Ɨnû 18:20

Bəd məjìm mbe ne yaʼi ikaŋ àbɔ̀ŋɔ, mbə̀ gyendi imbə̀ʼ icheg ne Ŋwiye fə nimni aməd! Bəd Ŋwiye tì bədtɔm Kristo fɔrɔ bədkə̀n Ŋwiye, mbə̀ gyendi imbə̀ʼ icheg ne Ŋwiye fə zì isaʼi igun məd imbə̀ʼ inug tibɔ̀ŋ mbe ne wì ya ghi inən!”