Rm 2:5 - Ikan feg

⁵ Icheg ne àghò beri fìŋ ne ka ne chəyi àghò kə̀bi ni bə̀ŋì, àghò ya anìŋ chè imbìghè ghìyə̀ Ŋwiye gàŋa tì ine. Ane, igun aneg ze ne Ŋwiye biri sɔb isaʼi igun bəd ane icheg ne koʼi, wì biri taŋ gaŋ tì ine, sɔb ìwe isaʼi zì ngəʼ ne ka igun ine.

Meta’

⁵ Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

Rm 2:5 ပူးပေါင်းရင်းမြစ်များ

Rm 1:18

Agaŋ Ŋwiye fə yeʼe tikaŋ igun bəd məjìm ne ghìyə̀ inug tibɔ̀ŋ imbə̀ʼ icheg ne chəyi ìwɔb ikuchèg we nàʼà apan gha bəd kyeri tesiʼ.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 9:22

À ya bə̀ ane ne Ŋwiye we fàʼà. Wì ya kə̀b ni chwi àzi agaŋ bə̀ ghì bəd kyeri ika məd. Si ya gha, Ŋwiye ya nyimi fìŋ tì bəd mbe ne yaya ghìyə̀ wì gàŋa, ne ya bəd ne wì ya kòʼi ni nimni.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

2 Tès 1:5

Inug mbo̰ ijìm ya aneni ni chwi gha Ŋwiye ya sàʼa bəd ane ikuchèg ne koʼi. Àzo̰ chwi gha Ŋwiye biri ghì mbə̰ kòʼ ni nyi inga anug ìfɔ̀n məd anjìm ngəʼ ze ne mbə̰ mbe zə̰.

Mə̀Hibrù 3:13

Ane, Tèchɔ̀ŋ, mbə̀ ya nə̀rə ìtən fiŋ mbə̰ mbə̰ ineg ijìm. Mbə̀ ghiyə ane ni gha chəyi anug tibɔ̀ŋ mɔ̀ʼɔ biri tambi awən si ghì ìtən fìŋ tu.

Mə̀Hibrù 3:15

Àŋwàʼrì Ŋwiye ghà gha, “Tèchɔ̀ŋ, àghò mə zug Ìngam Ŋwiye, imbə̀ʼ àghò ghiyə awe tìkafiŋ icheg ne ìmbən mə̀mbaʼ aneg ya ghi.”

Mə̀Hibrù 4:7

Icheg ne ze yaʼi ane, Ŋwiye ya nɔ̀ŋì nyumə̀ ndəŋ abə bəd ni nyi inga asiŋi àzwètì məd. Nyùmə̀ we ya amad anìŋ. Ŋwiye ya ghum chè anjìm Ifɔn Dèvid ni ghà ikən we icheg ne ìngam məd fə tòʼrì ina gha, “Tèchɔ̀ŋ, àghò mə zug Ìngam Ŋwiye, imbə̀ʼ àghò ghiyə awe tìkafiŋ.”

Jems 5:3

Ìwən gol fɔrɔ ìwən siribà fə bə̀ bɔb. Icheg ne mbi bɔbi anìŋ, à ya aneni ne zìyè isaʼi igun inən. Isaʼi gho̰ ya gha mbə̰ fə kaʼ ighi ikab inga ineg mbo̰ ne isəg we se nwḭ̀yḛ̀, ne chəyi mbə̰ mbe wètè bəd ne chəyi àzɔb. Ighi mbo̰ ijìm ne mbə̀ kaʼi biri se tɔ̰̀ awən icheg iywid.

2 Pità 2:9

Ane, Anɔŋisəg kyèri icheg ni pumni bəd mbe ne zùgrə aməd bə̀ chì awɔb inga àkwàʼrì. Wì bə̀ kyèri icheg ni nyimi bəd mbe ne ghìyə̀ tìzughə̀, nɔ̀ŋì awɔb inga ngəʼ ni si saʼ awɔb igun aneg ze ne məd biri saʼ isəg.

2 Pità 3:7

Ŋwiye fə ghà inga ìwi ìngam gha zìye biri nimni ikaŋ àbɔ̀ŋɔ gho̰ ne yaʼi amad anìŋ bə̀ nìmni isəg gho̰ ne yaʼi amad anìŋ ane iywid. Ŋwiye fə nɔ̀ŋì gha ikaŋ àbɔ̀ŋɔ tì isəg biri chughi ghò pè ane aneg ze ne wì biri saʼ awɔb, nìmni bə̀ saʼ bəd mbe ne chəyi mbe zùgrə aməd, nìmni.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 2:21

Mə ya nàʼ nyùmə̀ ibo gha wì bəŋə ìzi fìŋ ane ifanì inug mbe ne wì ya ghìyə̀. Si ya gha, wì ya ton yi ni bə̀ŋì.

Ɨnû 6:17

Aton ya gha, aneg kyen ze ne wì biri gaŋ chə bəd inug tibɔ̀ŋ ze pè. Wə̀d ne tì wì chwed àkə we?”