Rm 2:10 - Ikan feg

¹⁰ Si ya gha, bəd mbe ne ghìyə̀ inug chɔm, Ŋwiye biri ghì mbɔb bèrì ighumni bə̀ ghà gha mbɔb fàʼ icheg chɔm bə̀ ghì mbi chughi ane àbɔrɔ̀bɔd igun isəg. Wì biri ghì ane ni ko igun mə̀Ju si ghò abə bəd mbe ne kayi mə̀Ju.

Meta’

¹⁰ Àyɨə Ŋwìə̀ bɨrɨ naʼ ɨzeŋɨ zeŋɨ mbɨ ɨwumnɨ fɔrɨ əbɔrəbɔd əmbɨ ə bə̂d mbe nɨə ghɨ̀ ɨnû chɔ̀m. Wɨ̀ bɨrɨ be naʼ əmbɨ mɨ̀Jû, beenɨ nàʼ əmbɨ ə bə̂d mbe nɨ kaʼi mɨ̀Jû,

Rm 2:10 ပူးပေါင်းရင်းမြစ်များ

Matìyò 10:13

Bəd ne yaʼi inga achan ze mə̀ niŋ awən, àbɔrɔ̀bɔd biri yaʼ inga achan ze. Àmə chəyi mbi niŋi awən, àbɔrɔ̀bɔd ze biri bə̀ndì yeʼe inən.

Lk 1:79

ni chwi ìzḛzḛ abə bəd mbe ne kiri biri izimi bə̀ bɔ gha mbi biri ku ne chəyi mbi kyeri Ŋwiye, bə̀ chwi inɔnjì gha tè chughi ane àbɔrɔ̀bɔd.”

Lk 12:37

Ŋwiye biri zì àbɔrɔ̀bɔd igun bəd àfàʼì mbe ne ìwɔb mbaʼ àfàʼì kùrə pè kɔ̀ti awɔb ikyèʼi. Mə gha tesiʼ inən gha, ìwɔb mbaʼ àfàʼì biri zì ndwi àfàʼì, ghà inɔb gha mbe chughi aseg, wì si nàʼ tijəg inɔb.

Lk 19:42

“Àkə aghi ne mbə̀ kyeri aghi ne biri ghì mbə chùghi ane àbɔrɔ̀bɔd tèchɔ̀ŋ, nji ze bɔ̀ŋ. Si ya gha, mbe nə̀m inən.

Lk 22:14

Nyùmə̀ ni jəg Iteri ya kòʼ, Yeso tì bədtɔm məd ya chughi ni jəg.

Lk 9:48

Wì si ghà inɔb gha, “Wə̀d ne niŋi ŋwan kwa kwa gho̰ gha à ya mo cha, tengàŋ fə niŋ amə. Wə̀d ne niŋi amə, wì fə bə̀ niŋ wə̀d we ne cha amə.” Mbə̀ kyeri gha à ya wə̀d kwa kwa yaʼi ìwi kyen abɔ̀ʼ inən mbə̰ məjìm.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Ɨ̀fàʼì 10:35

Məd we nìŋə bəd inga iben ijìm ne ghùmnə aməd bə̀ ghìyə̀ inug ne koʼi.

Rm 14:17

Anug ìfɔ̀n Ŋwiye kayi imbə̀ʼ anug ni ya jə̀ghə no. À ya anug ni ghì inug ne təmi kòʼ imbìghè abə Ŋwiye tì ni chughi ane àbɔrɔ̀bɔd tì mə̀mbin fɔrɔ ni bèrì igyendi icheg ne Azwighi Ŋwiye ze nàʼà ika ina.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Rm 2:9

Ŋwiye biri zì ngəʼ kyen igun wə̀d ijìm ne ghìyə̀ inug tibɔ̀ŋ. Wì biri ko ni zì ngəʼ ze igun mə̀Ju, nɔ̀ʼ ghò igun bəd ne kayi mə̀Ju. Mbi biri zə̰ ngəʼ. Ìtɔb nyàmnyɔd biri bə tɔ.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

Rm 9:21

Tesiʼ ya gha, wə̀d ne bɔ̀mɔ ighi we tì wì bɔm ighi icheg ne wì kə̀bi. Məd we tì wì niŋ mbiŋ abɔmi amɔʼ bɔm tiku ighi ibe inga. Wì ya nɔ̀ŋɔ̀ aghi afibì ni kə bètè si nɔ̀ŋì àzin ane aneg anug.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Fìlipì 4:7

Mbə̰ mə̀ ghì ane, nji Ŋwiye biri zì àbɔrɔ̀bɔd inən inga fìŋ ne biri ghì gha imbə̀ʼ ìtən fìŋ si bɔd yi. Àbɔrɔ̀bɔd ze biri bə ghì gha imbə̀ʼ ìtən tikɔndi si naʼa yi ngəʼ inən icheg ne mbə̀ yaʼi ane ifɔti tì Yeso Kristo. Chəyi tì wə̀d-aku taŋ kyèri iku àbɔrɔ̀bɔd azo̰ ne Ŋwiye we nàʼà.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

Mə̀Hibrù 2:7

Àghò ghì wə̀d-aku beri ati ne to kə chè àzi mbè angirə̀ ane iki nyumə̀, si ghì wì beri ighumni fɔrɔ ika

Jems 2:22

Àghò fə bàd gha, ibḛfiŋ məd yaya yḛ̀ tì inug chɔm mbe ne wì yaya ghìyə̀. Àghò fə bə̀ bàd gha ibḛfiŋ məd ya bɔ̀ŋ mànì anjìm inug chɔm mbe ne wì yaya ghìyə̀.

Jems 3:13

Wə̀d ne beri iwe bə̀ kyèri inug ijìm abɔ̀ʼ inən àkə we? Tengàŋ chwiti yaʼ ikuchèg chɔm fɔrɔ tìghinùg chɔm abə bəd bə̀ swi ìwi nyɔd aseg ni chwi gha məd ya wə̀d ne beri iwe.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.