Rm 12:9 - Ikan feg

⁹ Wə̀d ya kɔ̀ŋɔ̀ bəd ane ìzi fìŋ ijìm. Wə̀d ijìm ba̰ inug tibɔ̀ŋ. Wə̀d ijìm taŋ nyìmi inug ne yaʼi inug chɔm.

Meta’

⁹ Mbə̀ ghaʼ bə̂d ənɨ tə fîŋ rɨ̀jìm. Mbə̀ ban ɨnû rɨbɔ̀ŋ, yim ɨnû nɨ ghɨ ɨ̀chɔ̀m kwɨ ɨgun.

Rm 12:9 ပူးပေါင်းရင်းမြစ်များ

Matìyò 26:49

Judàs ya si ghò kwàʼ abə Yeso pè ghà ibo gha, “Àchwitìnùg, mə chàʼrì awe!” Wì ya chàʼrì aməd ane si nyɔ̀ŋì ndə̀ʼ ibo.

Jn 12:6

Chəyi Judàs ya gha ane imbə̀ʼ icheg ne wì ya beri ikɔndi ni wètì bəd ne chəyi àzɔb. Wì ya gha ane imbə̀ʼ icheg ne, məd ya bì iji. À ya məd yaya nyimi àbàn ikab. Ane, wì yaya chìyè ikab inga ikab we, fàʼà ìmbi inug ane icheg ne wì kɔ̀ŋi.

Ɨ̀fàʼì 11:23

Anyumə̀ ne wì ya pe bàd ineni ne chwìye gha Ŋwiye fə ghì ìchɔ̀mì abə bəd a Antìyɔ̀g, wì ya gyen. Wì ya nəri awɔb mbɔb məjìm, ghà inɔb gha, “Mbə̀ fə taŋ nɔ̀ŋì ìtən fìŋ ijìm ni yaʼ ane anug amɔʼ tì Anɔŋisəg Yeso.”

2 Kɔrèn 6:6

Tì we chwìye gha tè zen. Tì we chwìye gha tè kyèri inug. Tì we nyìmbe fìŋ bə̀ ghìyə̀ inug ne chwìye gha tè kɔ̀ŋ bəd. Tì ya ghìyə̀ inug mbo̰ ijìm anjìm Azwighi Ŋwiye ne yaʼi inga ina fɔrɔ anjìm icheg ne tì kɔŋi bəd ane fìŋ ifibì.

2 Kɔrèn 8:8

Chəyi mə̀ ghà anug azo̰ inən anìŋ icheg ni gha à ya nɔ̀ʼɔ̀. Mə ya kə̀bə̀ ni nèn gha kə̀ mbə̰ kɔ̀ŋ ni wètì bəd icheg ne tifeti bəd Kristo ìtin bə kɔ̀ŋ?

1 Tèsàlonikà 2:3

Ìngam Ŋwiye we ne te ghà inən ya kayi ni fèbrì awən, kə̀ gha tì bèrì ikɔndi tibɔ̀ŋ mɔ̀ʼɔ imbə̀ʼ awən, kə̀ gha tì ya kə̀bə̀ ni tambi awən.

1 Tèsàlonikà 5:15

Mbə̀ kirə ika gha, imbə̀ʼ wə̀d ywìtì yi anug tibɔ̀ŋ igun anug tibɔ̀ŋ. Mbə̀ ya bèrè yaʼ fìŋ chɔm igun wə̀d imɔʼ imɔʼ inga ìwən ifeti fɔrɔ igun bəd ndəŋ məjìm.

1 Tèsàlonikà 5:21

Mbə̀ kwàʼra tikən te tijìm, si niŋ te ne yaʼi tesiʼ.

1 Timotì 1:5

Aton ne mə ghà inug mbo̰ ya ni ghì gha bəd Kristo chughi ane àkɔ̀ŋì. Àkɔ̀ŋì ze bèrì ni ya dùwə̀ inga fìŋ chɔm tì fìŋ ne zḛ fɔrɔ inga fìŋ ne bḛ Ŋwiye kwàʼ icheg chɔm.

Mə̀Hibrù 1:9

Àghò kɔ̀ŋ inug ne koʼi bə̀ bàn inug tibɔ̀ŋ. Ane, Ŋwiye, ne yaʼi ìwe Ŋwiye fə chɔʼ awe nɔ̀ŋì igun ìmbe məfi icheg ne wì zɔ̀ʼi awe ghì àghò se gyènde.”

Mə̀Hibrù 12:14

Mbə̀ kirə ika ni chughi ane àbɔrɔ̀bɔd ti wə̀d ijìm bə̀ chùghi inga ìzḛzḛ. Àmə chəyi ze yaʼi ane, nji chəyi wə̀d ne biri ghum bàd Anɔŋisəg.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.