Rm 11:7 - Ikan feg

⁷ Tì kə ywìrè gha? Chəyi mə̀Izre ya beri aghi ne mbi yaya kə̀bə̀. À ya məyi bəd mbe ne Ŋwiye ya chɔʼi ya bàri ighi mbe ne mbi yaya kə̀bə̀. Si ya gha, chəyi àzin tì àbùʼì bəd yaya ywìrè zùgrə anug ne Ŋwiye yaya ghà inɔb.

Meta’

⁷ Əne kɨ nɨ yè ə? Chəi mɨ̀Izre nyaʼa berɨ əghɨ ze nɨ mbɨ nyaʼə kə̀bə̀. Bə̂d mbe nɨ Ŋwìə̀ nyaʼa chɔʼɔ nyaʼa berɨ əzɨ əwən, àyɨə ə̀bùʼ ə bə̂d nyaʼa ghɨ̀ tə fîŋ tu.

Rm 11:7 ပူးပေါင်းရင်းမြစ်များ

Mk 6:52

imbə̀ʼ icheg ne chəyi mbɔb ya jiʼì kyèri icheg ne Yeso ya chè angu jə inɔ̰ bəd ane chiŋ ngə̀ŋ mə̀kara te tita̰.

Lk 13:24

“Mbə̀ kirə ika ni nyi ane inuʼ ikam kwa. Si ya gha, mə gha tesiʼ inən gha, bəd ndan ndàn biri ghum kə̀b ni nyi, si ya gha, chəyi tì mbi nyi.

Jn 12:40

“Ŋwiye fə fə̀ghì àzɔb aghə bə̀ ghì ìtɔb fìŋ tu, ni ghì gha chəyi tì mbi bàd isiŋi, chəyi tì mbi bə̀ kyèri anug chɔm. Ane, chəyi mbi biri bə̀ŋì ìtɔb fìŋ yèʼe inum ni ghì gha mə̀ ghuyə awɔb.”

Rm 10:3

Icheg ne chəyi mbi kyeri inɔnjì ne Ŋwiye we ghìyə̀ bəd təmə kòʼò ibo imbìghè, mbi ya se zɔ̀ŋɔ̀ ni tangi ìtɔb tikuchèg ni təm kòʼ. Ane, chəyi mbɔb ya bḛ icheg ne Ŋwiye we ghìyə̀ bəd təmə kòʼò.

Rm 11:25

Ìmbum məfi fɔrɔ ìtum njàbi, tesiʼ mɔ̀ʼɔ we angu ne yaʼi inə̀mbi ne mə̀ kəbi gha nji mbə kyèri. Tesiʼ we biri ghì gha mbə̀ saŋa icheg ne mbə̀ kɔ̀ndɔ gha mbə bèrì iwe. Tesiʼ we ya gha: chəyi ìkɔ̀b ze ne mə̀Izre beri biri tèn igun inɔb ane ighə̀m imɔʼ. Ìkɔ̀b ze ya ghɔ̀mɔ̀ gha àbùʼì bəd ze ne kayi mə̀Ju ze mana yèʼe abə Ŋwiye.

Rm 11:5

À ya bə̀ ane inga nyùmə̀ gho̰ gha àbùʼì bəd mɔ̀ʼɔ ze kiri angu ne Ŋwiye chɔʼ anjìm ìchɔ̀mì məd.

Rm 3:9

Tì kə ywiri si ghà gha ane inug mbo̰ ijìm? Àkə ane ikuchèg weg ne mba mə̀Ju to bɔ̀ŋ chè bəd ne kayi mə̀Ju? Chəyi ka imbə̀ʼ icheg ne mə nèn gha bəd məjìm mbe aton ika inug tibɔ̀ŋ ne chəyi tì mbi bu, mə̀Ju fɔrɔ bəd ne kayi mə̀Ju.

Rm 6:15

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ icheg ne chəyi mə̀nɔ̀ʼɔ̀ ywirì bèrì ika igun ina fɔrɔ imbə̀ʼ icheg ne tì si yaʼ inga ìchɔ̀mì we ne Ŋwiye fə ghi ina? Indèʼ ka!

Rm 9:18

Ane, məd Ŋwiye biri bèrì àsɔ̀mnəfiŋ igun wə̀d ne wì də̀bi, bə̀ ghì gha fìŋ tu abə wə̀d ne wì də̀bi.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

1 Kɔrèn 10:19

Mə kə anìŋ ghà gha? Mbə̀ kə kɔ̀ndɔ gha mə̀ ya ghà gha tijəg te ne mbe jə mə̀ŋwiye ya bè aghi mɔ̀ʼɔ? Kə̀ bì gha mə̀ŋwiye ya bè aghi mɔ̀ʼɔ?

2 Kɔrèn 3:14

Chəyi tì bəd ya kyeri anug ne mə̀nɔ̀ʼɔ̀ Muse yaya ghà. Ka bèyi amad anìŋ, anyumə̀ ne bəd mbe fɔ̀ŋɔ mə̀nɔ̀ʼɔ̀ Muse, ndwi ze kiri kəndə iwe bəd. Anyumə̀ ne wə̀d yaʼi ane ifɔti tì Kristo, ndwi ze ya dùwə̀, iwe məd fìʼè.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Efesùs 4:18

Mbɔb mbe kiri inga afub. Mbɔb mbe ghìyə̀ tìzughə̀ imbə̀ʼ icheg ne chəyi mbi kyere tesiʼ. Chəyi mbɔb bə kə̀b ni kyeri. Ane, Chəyi mbɔb biri jəg ìtḛ̀ we ne Ŋwiye we nàʼà.

Fìlipì 1:18

Si ya gha, àze ya kayi anug mɔ̀ʼɔ inum. Anug kyen ne angu ya gha, kə̀ àkə ane fìŋ chɔm kə̀ ane fìŋ tibɔ̀ŋ, anug ne mbe fàʼà ya ni chètì ikən chɔm imbə̀ʼ Kristo. À ya aton ze ne mə gyènde. Ane, mə biri chè imbìghè ni ya taŋ gyènde.

Mə̀Hibrù 12:17

Mbə̀ kyeri gha, anyumə̀ ne Esawò ya ywirì nɔ̀ʼ kə̀b ni niŋ àzi àbɔrɔ̀bɔd, mbaʼ məd ya ton imbə̀ʼ icheg ne chəyi Esawò ya ywìrì bèrì apan ni kɔpi anug ne wì ya fə ghi. Ka wì ya jiʼì dèg, nyùmə̀ ya fə chè.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.