Rm 11:2 - Ikan feg

² Chəyi Ŋwiye ya to̰ bəd məd mbe ne wì ya fə chɔʼi bɔŋ se tànga isəg. Àkə chəyi mbə̀ kyeri anug ne Àŋwàʼrì Ŋwiye gha imbə̀ʼ Èlayijà, ane icheg ne wì ya boʼi ibo abə Ŋwiye imbə̀ʼ mə̀Izre?

Meta’

² Chəi Ŋwìə̀ kɨrɨ ton mbi bə̂d mbe nɨ wɨ̀ nyaʼa be chɔʼ. Chəi mbə̀ kyerɨ ənû ze nɨ Ə̀ŋwàʼnɨ̀ ə Ŋwiə̀ ə gha ɨmbə̀ʼ Èlaijà, ɨchî nɨ wɨ̀ nyaʼa gha əmbɨ ə Ŋwiə̀ ɨmbə̀ʼ ənû ze nɨ mɨ̀Izre nyaʼa ghɨ̀ ə?

Rm 11:2 ပူးပေါင်းရင်းမြစ်များ

Mk 12:26

Àsi imbə̀ʼ anug ne iwu bəd biri zweme: Àkə chəyi mbə̀ kiri fɔŋi inga àŋwàʼrì ze ne Muse ya ŋwàʼri? Wì ya ghà inga asiŋi ze ne ghàmi imbə̀ʼ agyen ne yaya bère, mə̀tì icheg ne Ŋwiye ya ghà ibo gha, ‹Mo ya Ŋwiye ìwi Abràham tì Azìg fɔrɔ Jàkɔb.›

Lk 4:1

Yeso ya bə̀ndì igyi Jodàn tì Azwighi Ŋwiye inga məd iswighi. Azwighi Ŋwiye ya niŋ aməd ghò inga ibad zɔbi.

Jn 4:11

Àyi we ya zug ane, si gha, “Masà, chəyi àghò beri aghi mənib ni toʼ mənib. Ibighi mənib bə̀ sà inga. Mənib ne nàʼà ìtḛ̀ kə àghò biri niŋ aya?

Ɨ̀fàʼì 13:48

Anyumə̀ ne bəd mbe ne kayi mə̀Ju ya zughi anug azo̰, mbi ya gyendi bə̀ ghùmni Ŋwiye imbə̀ʼ ìngam Anɔŋisəg we ne wì ghàmi imbə̀ʼ awɔb. Bəd məjìm mbe ne Ŋwiye ya fə chɔʼi gha mbi biri jəg ìtḛ̀ ighə̀m imɔʼ ya bḛ anug ze ne mbi yaya ghà imbə̀ʼ Kristo.

Ɨ̀fàʼì 15:18

bəd kyeri kwàʼ aneg aneg.› ”

Ɨ̀fàʼì 3:17

Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Ɨ̀fàʼì 7:40

Ane, mbi ya ghà abə Eròn gha, ‹Tangi mə̀ŋwiye nàʼ ina ne biri chè imbìghè ghò chà awa. Àsi Muse gho̰ ne chi awa a Ijìb, chəyi tì kyeri anug ne fə du tì məd.›

Rm 6:16

Chəyi àghò kyèri gha wə̀d ne àghò də̀bi ni yaʼ ifeg ibo bə̀ zùgri aməd, àghò ya kwàʼ ifeg abə ìwe Mbaʼ we ne àghò we zùgrə aməd? À ya ane, kə̀ àkə ni yaʼ ifeg abə inug tibɔ̀ŋ, ghì inug tibɔ̀ŋ ne zwète wə̀d, kə̀ àkə ni yaʼ ifeg abə Ŋwiye, zùgrə aməd, ghì inug ne təmi kòʼ ibo imbìghè.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

Rm 9:6

Kayi mə gha, chəyi Ŋwiye fàʼi anug ne wì ya kàʼi. Aton ya gha, kayi bəd Izre məjìm yaʼi bəd Ŋwiye.

1 Kɔrèn 6:2

Chəyi mbə̀ kyeri gha à ya bəd Kristo biri saʼ tisaʼi bəd inga isəg? Ane, icheg ne mbə̀ biri ghum saʼ bəd inga isəg, àkə chəyi tì mbə̰ saʼ tisaʼi kwa kwa ne dùwə̀ inga ìtən tifeti?

1 Kɔrèn 8:3

Ŋwiye kyèri wə̀d ne kɔ̀ŋi aməd.

Fìlipì 1:22

Si ya gha, mə mə̀ chè imbìghè ni yaʼ izɔm, mə we tì mə fàʼ àfàʼì ne biri wètì bəd nɔʼ nɔʼ, mbi bḛ Kristo. Kə̀ àkə iwu kə̀ àkə ìtḛ̀ bɔŋi inum amad anìŋ jiʼ, chəyi mə̀ kiri kyeri àze ni də̀b.

Mə̀Hibrù 1:1

À ya yaʼ mbègtog, Ŋwiye yaya ghàmà abə ìmba mə̀mbaʼ aneg anjìm bədkə̀n məd kwàʼ ane aghəm nɔʼ nɔʼ fɔrɔ ane mənɔnjì nɔʼ nɔʼ.

1 Pità 1:2

Ŋwiye ne yaʼi Mbaʼ ya chɔʼ awən gha mbə̀ yaʼ ìmbi bəd kwàʼ icheg ne wì ya fə chuʼri nɔ̀ŋì. Azwighi Ŋwiye fə sò awən ane anəm Yeso ghì mbə zen bə̀ ghì gha mbə̀ se zùgrə Yeso Kristo. Ŋwiye taŋ ghì ìchɔ̀mì inən bə̀ taŋ ghì mbə̀ chughi ane àbɔrɔ̀bɔd.