Rm 1:8 - Ikan feg

⁸ Anug mbègtog ya gha, mə nàʼ məyakà abə ìmə Ŋwiye imbə̀ʼ awən anjìm Yeso Kristo imbə̀ʼ icheg ne bəd inga isəg ijìm mbe ghàmà inug chɔm imbə̀ʼ ìwən ibḛfiŋ we ne mbə̀ beri.

Meta’

⁸ Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

Rm 1:8 ပူးပေါင်းရင်းမြစ်များ

Matìyò 24:14

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Lk 2:1

Inga ineg mbe ne mbi ya gwi Jɔn we ne yaya nàʼà mənib, ifɔn kyen igun iben məRom ya yaʼ Kayisà Àgɔstò. Məd ya niŋ isɔbi anug gha mbe taŋ bəd məjìm inga iben məRom ijìm

Ɨ̀fàʼì 11:28

Àgabùs ya wə̀d mɔ̀ʼɔ abɔ̀ʼ inɔb. Wì ya təm titighe ni ghàm, Azwighi Ŋwiye nàʼ ika ibo wì ghàm gha, nyùmə̀ njèg ze yèʼe inga isəg ijìm. (Nyùmə̀ njèg ze ya yaʼ inga ineg mbe ne Klodìyòs ya yaʼi ifɔn məRom.)

Ɨ̀fàʼì 28:22

Tì biri kiri kɔ̀ŋ ni zug ìte tikɔndi imbə̀ʼ icheg ne mba kyèri gha bəd mbe to̰ ifɔti feg gho̰ isiŋi ijìm.”

Rm 10:18

Si ya gha, mə̀ ya anìŋ bìre gha: Àkə chəyi mbi ya zughi ikən chɔm gho̰? A ze inga Àŋwàʼrì Ŋwiye gha: “Mbi ya zug kwàʼ icheg chɔm. Mbi ya zug abə bəd mbe ne yaya chètè ikən chɔm we, ghò pè ane tibug ijìm igun isəg.”

Rm 16:19

Wə̀d ijìm kyèri gha mbə̰ mbe zùgrə Anɔŋisəg. À ya aton ne mo ya taŋ gyènde imbə̀ʼ awən. Mə kə̀b gha mbə̀ beri iwe imbə̀ʼ ya ghìyə̀ məyi inug mbe ne yaʼi inug chɔm. Si ya gha, mbə̀ chìye ìmbən ibo inga anug ne zìyè inug tibɔ̀ŋ.

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

1 Kɔrèn 1:4

Mə ya nàʼà məyakà abə Ŋwiye mà nyumə̀ ijìm ane ìchɔ̀mì we ne məd che anjìm Yeso Kristo ghì inən.

2 Kɔrèn 2:14

Tesiʼ ya gha, tè nàʼ məyakà abə Ŋwiye imbə̀ʼ icheg ne tì yaʼi ane ifɔti tì Kristo. Məd we chè ina imbìghè mà nyumə̀ ijìm ghìyə̀ awa tì yḛ ane iwaŋ icheg mə̀sogyì ne maʼi ibid chè. Məd we ghìyə̀ tì chetè ikən chɔm imbə̀ʼ Anɔŋisəg mà isiŋi ijìm ne te ghò. Ikən chɔm gho̰ ya kwàʼ icheg ifɔ chɔm abə wə̀d ijìm.

Efesùs 1:15

Ni ko ane nyumə̀ ne mə̀ ya zughi gha mbə̰ fə nɔ̀ŋì ìwən ibḛfiŋ igun Anɔŋisəg Yeso Kristo, bə̀ zug gha mbə̰ mbe kɔ̀ŋɔ̀ bəd Ŋwiye məjìm,

Efesùs 1:16

chəyi mə̀ ya chughi wìtì ya nàʼà məyakà abə Ŋwiye imbə̀ʼ awən mà nyumə̀ ijìm ne mə chàʼrà Ŋwiye.

Efesùs 3:21

Tikəri bəd tijìm te ne yaʼi inga ifeti bəd Kristo fɔrɔ bəd məjìm mbe ne yaʼi ane ifɔti tì Yeso Kristo, mbe ghumni Ŋwiye kwàʼ ane ighə̀m imɔʼ. À ya ane.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 1:3

Mà nyumə̀ ijìm ne mə kɔ̀ndɔ awən, mə ya nàʼà məyakà abə ìmə Ŋwiye.

Kòlosè 1:3

Mà nyumə̀ ijìm ne te chàʼrà Ŋwiye ne yaʼi Mbaʼ abə ìwa Anɔŋisəg Yeso Kristo imbə̀ʼ awən, tì ya nàʼà məyakà ibo.

1 Tèsàlonikà 1:2

Tì we nàʼà məyakà abə Ŋwiye mà nyumə̀ ijìm imbə̀ʼ awən bə̀ wènde awən mà nyumə̀ ijìm ne te chàʼrà Ŋwiye.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

2 Timotì 1:3

Mə we nàʼà məyakà abə Ŋwiye we ne mə fàʼà ibo, ane fìŋ zḛ zḛ icheg ne ìmbum mə̀mbaʼ ya fàʼi. Ighəm ijìm ne mə chàʼrà Ŋwiye tisi fɔrɔ tizimi, mə we wènde awe.

Filemɔ̀n 1:4

Ìmə ifi Filemɔ̀n, mà nyumə̀ ijìm ne mə chàʼrà Ŋwiye, mə ya wènde awe, nàʼà məyakà abə Ŋwiye.

Mə̀Hibrù 13:15

Ane, tì che anjìm Yeso ghì gha inug mbe ne dùwə̀ ina ichug, mbi ya nàʼà ighumni abə Ŋwiye ane aghəm ajìm icheg àza aghi àfàtì ne ghumnə ikum Ŋwiye.

1 Pità 2:5

Mbə̰ ya kwàʼ icheg ateg ne yaʼi izɔm ne Azwighi Ŋwiye niŋ awən bɔm Mbàn Ŋwiye. Àze ghì mbə̰ si yaʼ bəd mbàn Ŋwiye ìzḛzḛ ne se chè anjìm Yeso Kristo nàʼà ighi àfàtì abə Ŋwiye icheg ne Azwighi Ŋwiye ze chwìye inɔnjì inən.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.