Mk 9:9 - Ikan feg

⁹ Anyumə̀ ne mbi yaya swìʼe ikaŋ iwum we, wì ya pati awɔb gha imbə̀ʼ mbi nɔ̀ʼ ghà anug ze ne mbi bari abə wə̀d mɔ̀ʼɔ, pè ane nyùmə̀ ne Ŋwan Wə̀d fə zweme ane iwu.

Meta’

⁹ Ənɨ mbɨ nyaʼə swiʼə rɨkaŋ ɨwum we, wɨ̀ nyaʼa patɨ mɨ̀mə̌d ni tɨ mbɨ tɔ ghà ə ənû ze nɨ mbɨ zə əmbɨ wə̀d mɔʼɔ, pè ənɨ Wan Wə̀d fə zwemə.

Mk 9:9 ပူးပေါင်းရင်းမြစ်များ

Matìyò 12:19

Chəyi wì biri chɔb kə̀ bì dèg gì du. Chəyi wə̀d mɔ̀ʼɔ biri zug gì məd ane itog izib.

Matìyò 12:40

Kwàʼ icheg ne Jonà ya chughi inga fibum abə su kyen ineg itad, à ya bə̀ ane ne Ŋwan Wə̀d biri bə chughi inga iseg ineg itad.

Matìyò 16:21

Ni ko ane nyùmə̀ we ne Pità ya mə̀ti wə̀d ne Yeso yaʼi ìwiwən, Yeso ya ko se mə̀tə̀ icheg ne wì mənyìʼ ghò a Jèrusalèm abə mə̀mə̀nənùg məd. Wì ya mə̀tì icheg ne wì biri zə̰ ngəʼ nɔʼ nɔʼ ikye abo abə itog bəd inga aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀. Wì ya gha, mbi biri mənyìʼ zwèti yi, àsi igun aneg ne pè ane itad, Ŋwiye zwemni aməd ane iwu.

Matìyò 27:63

Mbi ya pè ghà ibo gha, “Masà, tè wendi gha, anyumə̀ ne Wə̀d we ne tàmba bəd ya kiri yaʼi ika, wì ya gha, ‹Ineg mə̀ pè ane itad, mə biri zweme ane iwu.›

Matìyò 8:4

Yeso ya si ghà ibo gha, “Nḛ, imbə̀ʼ àghò gha awe anug ne du abə wə̀d mɔ̀ʼɔ. ndò chwi ìwe nyɔd yaʼ abə wə̀d mbàn Ŋwiye. Àghò bə nàʼ ighi mbe ne Muse ya gha gha bəd mənyìʼ ya nàʼà ni chwi aneni gha àwàrikə̀m fə mèg igun ine.”

Mk 5:43

Yeso ya sìmì àtɔ̀ŋi abə wə̀d ijìm we ne ya bàri anug ze, ghà inɔb gha, imbə̀ʼ wə̀d gha yi anug ne du abə wə̀d. Wì ya si ghà inɔb gha, “Mbə̀ naʼa ighijəg abə ŋwan we.”

Mk 7:36

Yeso ya ghì ane, pàti bəd mbe gha, “Imbə̀ʼ mbə̰ nɔ̀ʼ ghà anug azo̰ abə wə̀d mɔ̀ʼɔ.” Si ya gha, icheg ne wì ya pati awɔb gha imbə̀ʼ mbi gha awɔb, à ya bə̀ icheg ne mbi yaya yḛ̀ nè sàʼa anug ze kwàʼ ane ika.

Mk 9:10

Anug ze ya tèn məyi inɔb, si ya gha, mbi yaya bìre mbɔb mbɔb gha, “Ìngam we ne Yeso ya gha Ŋwan Wə̀d biri zweme ane iwu àkə gha?”

Mk 9:8

Anyumə̀ ne mbi ya zughi gì ze, mbi ya kə ghàbri nèn, si ya gha, chəyi mbi ya ywirì bàd wə̀d mɔ̀ʼɔ, chèyi ane Yeso məd tèzìʼì.

Lk 24:46

Wì ya si ghà inɔb gha, “Aŋa ya anug ne Àŋwàʼrì Ŋwiye gha, Wə̀d we ne Ŋwiye zɔ̀ʼi biri zə̰ ngəʼ, ku, si zwème igun aneg ne pè ane itad.

Lk 9:36

Anyumə̀ ne gì ze ya ghàmi mànì, mə̀mə̀nənùg mbe ya si bàra Yeso tèzìʼì. Mbɔb ya nɔ̀ŋì inug mbo̰ ne mbɔb ya bàri inga ìtɔb fìŋ. Chəyi mbɔb ya gha anug mɔ̀ʼɔ abə wə̀d mɔ̀ʼɔ anyumə̀ we.