Mk 8:34 - Ikan feg

³⁴ Anyumə̀ ne wì ya gha ane, wì ya kàrì inɔ̰ bəd we bə̀ kàrì ìmbi mə̀mə̀nənùg abɔ̀ʼ məd, ghà inɔb gha, “Wə̀d mɔ̀ʼɔ mə̀ kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀, si bèʼì àze azed abaʼri beni abɔ̀ʼ inum.

Meta’

³⁴ Ənɨ wɨ̀ nyaʼa ghà əne, wɨ̀ nyaʼa tɔŋ ɨnɔ̂n bə̂d we bə̀ tɔŋ mbi mə̀mə̀ə̀nɨ̀-ɨnû əsɨ ni, ghà əmbɨ mɨ̀mə̌d ni, “Wə̀d mɔʼɔ mɨ kəb yeʼe əbɔʼ num, wɨ̀ ton ɨnû mɔʼɔ mbe nɨ nyamnyod məd ə feenɨə, bèʼ e əzed ə baʼnɨ beenɨ əbɔʼ num,

Mk 8:34 ပူးပေါင်းရင်းမြစ်များ

Matìyò 10:38

Wə̀d ne chəyi wì bèʼi àzi azed abaʼri bèni abɔ̀ʼ inum, chəyi tengàŋ kòʼi ni yaʼ àmə àmə̀nənùg.

Matìyò 16:24

Yeso ya si ghà abə mə̀mə̀nənùg məd gha, “Wə̀d mɔ̀ʼɔ mə̀ kə̀b ni yaʼ àmə àmə̀nənùg, tengàŋ mənyìʼ ton inug mbe ne nyàmnyɔd məd ze ghə̀ʼrə̀ si bèʼì àzi azed abaʼri bèni abɔ̀ʼ inum.

Matìyò 27:32

Icheg ne mə̀sogyì mbe yaya nìŋə Yeso dùwə̀ inga aben Jèrusalèm, mbɔb ya bɔ̀mbi tì mbaŋà mɔ̀ʼɔ a Sayirèn ne ikum məd ya Sayimùn. Mə̀sogyì mbe ya nyimi aməd ane ika ghì wì niŋ azed abaʼri ze abə Yeso bèʼì.

Mk 10:21

Yeso ya nèn aməd kɔ̀ŋ, si ghà ibo gha, “Aghi mɔ̀ʼɔ ze angu ne chəyi àghò beri. Ndò ghò fèndì ighi mbe ne àghò beri ijìm, ghò nàʼ ikab we abə bəd fum. Àghò biri si bèrì ighi ikaŋ àbɔ̀ŋɔ. Ghiyə ane, si yèʼe bèni abɔ̀ʼ inum.”

Mk 7:14

Yeso ya ywìrì kàrì inɔ̰ bəd we abɔ̀ʼ məd, ghà inɔb gha, “Mbə̰ məjìm zug anug azo̰ ne mə ghà, ìmbən itog zen.

Lk 13:24

“Mbə̀ kirə ika ni nyi ane inuʼ ikam kwa. Si ya gha, mə gha tesiʼ inən gha, bəd ndan ndàn biri ghum kə̀b ni nyi, si ya gha, chəyi tì mbi nyi.

Lk 14:33

À ya bə̀ ane ne wə̀d ne chəyi wì sàŋi ighi ijìm ni beni abɔ̀ʼ inum, chəyi tengàŋ kòʼi ni yaʼ àmə àmə̀nənùg.

Lk 18:22

Yeso ya zug ane si ghà ibo gha, “Aghi amɔʼ ze angu ne chəyi àghò kiri fàʼi. Àghò fḛ ighi ijìm ne àghò bèrì nàʼ ikab abə bəd ne chəyi àzɔb. Àghò biri si bèrì ighi ne àghò taŋ kɔ̀ŋ yaʼ ikaŋ àbɔ̀ŋɔ. Àghò mə ghì ane, si yeʼe beni abɔ̀ʼ inum.”

Lk 20:45

Icheg ne bəd məjìm yaya zwère, Yeso ya ghà abə mə̀mə̀nənùg məd gha,

Lk 9:23

Yeso ya ghà inɔb mbɔb məjìm gha, “Wə̀d mə kə̀b ni beni abɔ̀ʼ inum, tengàŋ to̰ yi inug mbe ne nyàmnyɔd məd ze ghə̀ʼrə̀. Tengàŋ bèʼe àze azed abaʼri mà ineg ijìm bèni abɔ̀ʼ inum.

Jn 10:27

Ìtum njə̀g ya zùghə anug ne mə̀ ghà. Mə kyèri ìtum njə̀g. Ti ya bène abɔ̀ʼ inum.

Jn 19:17

Yeso ya bèʼì àzi azed abaʼri zìye zìye, mbi dù ghò pè asiŋi ze ne mbe kàrà ane Tìngəʼ Atog. Mbi yaya kàrà asiŋi ze ane ìngam Hibrù gha Golgotà.

Ɨ̀fàʼì 14:22

Mbi yaya yḛ̀ nè nə̀rə fìŋ abə bəd mbe ne ya bḛ Kristo, bə̀ yḛ̀ nè ghà inɔb gha mbe chè imbìghè nyìmi ìwɔb ibḛfiŋ igun Kristo we taŋ kà. Mbi ya bə̀ ghà inɔb gha, “Tì bèrì ni chè inga ngəʼ nɔʼ nɔʼ bɔŋ nyi inga anug ìfɔ̀n Ŋwiye.”

Rm 6:6

Tè kyèri gha Yeso ya fə bèʼì ìwa ikuchèg anun ne ya ikuchèg tibɔ̀ŋ ku igun azed abaʼri tì ìwiwən ni chìkì ika inug tibɔ̀ŋ igun ina. Wì ya ghì ane ni gha imbə̀ʼ tì ywiri yaʼ awa məfeg abə inug tibɔ̀ŋ.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 15:31

Ìmbum məfi fɔrɔ ìtum njàbi, mə we ichug iwu ineg ijìm! À ya ane imbə̀ʼ icheg ne mə we kɔ̀mɔ̀ igo imbə̀ʼ awən icheg ne tì yaʼi ane ifɔti tì ìwa Anɔŋisəg, Yeso Kristo.

1 Kɔrèn 8:13

Ane, aghi ne mə jə̀ghə mə̀ ya ghìyə̀ gha ìmə ifi gughə anug, chəyi mə̀ biri nɔ̀ʼ jəg aghi ze. Ane ya ni ghì gha, imbə̀ʼ ìmə ifi nɔ̀ʼ chè gùg anug.

1 Kɔrèn 9:19

Ka mə yaʼ amə ane ìmə ighəm, ne mo kayi àbòʼì abə wə̀d mɔ̀ʼɔ, mə fə niŋ ìmə nyɔd ane àbòʼì abə bəd məjìm ni ghì gha bəd nɔʼ nɔʼ bḛ Kristo.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 5:24

Bəd mbe ne yaʼi bəd Yeso Kristo, mbɔb ya chùghə icheg bəd ne ìtɔb nyàmnyɔd fə ku ane inug tibɔ̀ŋ mbe ne nyàmnyɔd wə̀d ze ghə̀ʼrə̀.

Gàlesìyà 6:14

Àsi mo, chəyi anug mɔ̀ʼɔ ne mə̀ biri nɔʼ kɔ̀m igo igun chèyi ane anug ze ne iwu Anɔŋisəg Yeso Kristo igun azed abaʼri ya ghi. Icheg ne Yeso Kristo ya ku igun azed abaʼri, chəyi ighi inga isəg beri aghi mɔ̀ʼɔ ni ghì tì inum. Chəyi mə̀ bə bèrì aghi mɔ̀ʼɔ ni ghì tì ighi inga isəg.

Fìlipì 3:10

Anug ne mə̀ kə̀bi ya ni kyeri Kristo bə̀ taŋ kyèri ika we ne Ŋwiye ya zwemni aməd ane iwu. Mə kə̀b ni bə zə̰ ngəʼ icheg ne məd ya bə zə̰ ngəʼ. Mə bə̀ kə̀b ni ku kwàʼ icheg ne məd ya bə ku.

Fìlipì 3:7

Ka mə̀ ya bèrì chùd ane inug mbo̰ anyumə̀ we, amad anìŋ ne Kristo fə ghi ìchɔ̀mì inum, chəyi inug mbo̰ ywìrì bèrì aton mɔ̀ʼɔ inum.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Kòlosè 3:5

Mbə̀ waʼ tikɔndi te ne mbə̀ beri imbə̀ʼ ighi igun isəg ne ìtən nyàmnyɔd te ghə̀ʼrə̀. Inug mbe ya: anug ni nɔ̀kì mbaŋà kə̀ nɔ̀kì mə̀yi abu abu fɔrɔ izṵ inug, tì anug ni ghə̀ʼrì ighi, tì tikɔndi imbə̀ʼ inug tibɔ̀ŋ fɔrɔ adɔʼ. Wə̀d ne ghə̀ʼrə̀ ighi igun isəg ya kwàʼ icheg wə̀d ne ghùmnə mə̀ŋwiye ako.

2 Tès 3:11

Tì ya ghà anìŋ imbə̀ʼ icheg ne tì we zùghə gha bəd mɔ̀ʼɔ mbe abɔ̀ʼ inən ne ghìyə̀ igwed. Chəyi mbe fàʼà aghi mɔ̀ʼɔ. Àzɔb àfàʼì ya məyi ni ŋa nyḭ̀yḛ inga inug bəd.

Tayitùs 2:12

Ìchɔ̀mì we fə chwi ina gha tì to̰ awa inug mbe ne chəyi mbe nàʼà ighumni abə Ŋwiye bə̀ chì adɔʼ ane ighi igun isəg bə̀ nyìmbi ìwa nyɔd se ghìyə̀ inug ne koʼi fɔrɔ inug ne ghùmnə Ŋwiye inga nyùmə̀ isəg gho̰.

Mə̀Hibrù 13:13

Ane, tì duwə inga aben ghò anjìm isəg abɔ̀ʼ məd ni bə bèrì tìnìrètog icheg məd.

1 Pità 4:1

Icheg ne Kristo ya zə̰ ngəʼ, à ya bə̀ icheg ne mbə̀ koʼi ni chùʼri ìwən nyɔd ni bèrì ikuchèg we ne məd ya bèri. Aton ya gha wə̀d we ne fə zə̰ ngəʼ inga nyàmnyɔd chəyi wì ya ywìrè ghìyə̀ inug tibɔ̀ŋ.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.

2 Pità 1:14

Mə kyèri gha, mə biri zàmbì sàŋì isəg icheg ne Anɔŋisəg Yeso Kristo fə ghi mə kyeri.

1 Jɔn 3:16

Tì kə kyère aghi ne àkɔ̀ŋì yaʼi àzewən iye? Yeso Kristo fə chwi àkɔ̀ŋì ze ina icheg ne wì ya nàʼi ìwi ìtḛ̀, ku igun azed abaʼri imbə̀ʼ awa. Ane, tè bə̀ kòʼ ni nàʼ ìwa ìtḛ̀ atog abə bəd ndəŋ.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.