Mk 8:33 - Ikan feg

³³ Yeso ya ghabri nèn ìmbi mə̀mə̀nənùg si ghàm kyen abə Pità gha, “Àghò Sàtàn, che nɔ̀ʼ iban inum! Chəyi àghò nɔŋi ìwe ikɔndi igun ighi mbe ne Ŋwiye kə̀bi. Àghò nɔ̀ŋì yaʼ igun ighi mbe ne bəd kə̀bi.”

Meta’

³³ Yeso nyaʼa bèŋ zə mbi mə̀mə̀ə̀nɨ̀-ɨnû əne ghàm əbɔʼ ə Pità ghà ni, “Àwɔ̀ Satàn, nɔʼ e rɨ ɨban num! Chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun ɨghɨ mbe nɨ bə̂d mɨ̀sɔŋɨchù kəbɨ.”

Mk 8:33 ပူးပေါင်းရင်းမြစ်များ

Matìyò 15:23

Chəyi Yeso ya ywìti anug mɔ̀ʼɔ ibo. Mə̀mə̀nənùg ya ghò boʼ ibo abə Yeso gha, “Gha abə àyi gho̰ gha wì gho yi imbə̀ʼ icheg ne məd we yḛ̀ nè kyḛ ina anjìm.”

Matìyò 16:23

Yeso ya ghabri ghà abə Pità gha, “Sàtàn! Nɔ̀ʼɔ inum anjìm! Àghò we kə̰ ìmə inɔnjì. Chəyi àghò nɔŋi ìwe ikɔndi igun anug ne Ŋwiye kə̀bi. Àghò nɔ̀ŋì ìwe ikɔndi yaʼ məyi igun anug ne wə̀d-aku we kə̀bə̀.”

Matìyò 4:10

Yeso ya ywìtì ibo gha, “Sàtàn! Sùngə iban inum! A ze inga Àŋwàʼrì Ŋwiye gha, ‹Ghumni məyi Anɔŋisəg ìwe Ŋwiye bə̀ fàʼ məyi ibo.›”

Mk 3:34

Anyumə̀ ne wì ya biri ane, wì ya nèn bəd mbe ne ya chughi chè kad aməd, ghà inɔb gha, “Mbə̀ nḛ, aŋa ya ìmə ngɔb tì ìmbum məfi mbo̰!

Mk 3:5

Wì ya nḛ̀ awɔb kad chuʼ, gaŋ, ze bə̀ ywìrì taŋ naʼ ngəʼ ibo imbə̀ʼ icheg ne ìtɔb fìŋ ya tu. Wì ya si ghà abə mbaŋà ze gha, “Sème àze abo.” Wì ya sèmì. Ane, abo məd ya ywìrì sèmbè si yaʼ icheg chɔm.

Lk 22:61

Anɔŋisəg ya ghabri nḛ̀ Pità kwàʼ inga aghə. Pità ya si wèndi ìngam ne Anɔŋisəg ya ghàmi ibo gha, “Bɔŋ inɔm ngub se tɔ̀ŋɔ tèchɔ̀ŋ, àghò biri to̰ awe aghəm atad gha chəyi àghò kyeri amə.”

Lk 4:8

Yeso ya ywìtì ibo gha, “Àŋwàʼrì Ŋwiye ghà gha, ‹Ghumni məyi Anɔŋisəg ìwe Ŋwiye bə̀ fàʼ məyi ibo.›”

Lk 9:55

Mbi ya ghàm ane, Yeso ghàbri gaŋ awɔb.

1 Kɔrèn 5:5

Mbə̀ saŋa mbaŋà ze ikye abo abə Sàtàn, ni gha Sàtàn chikə nyàmnyɔd məd. Àze biri nàʼ apan abə azwighi məd ni pum igun aneg ze ne Anɔŋisəg biri ywiri yeʼe.

Fìlipì 3:19

Asiŋi ne tiku bəd te biri nwḭ̀yḛ̀ inga ya iywid ighə̀m imɔʼ. Ìwɔb ŋwiye ya ighi mbe ne mbɔb mbe ghə̀ʼrə̀. Mbɔb ya kɔ̀mɔ̀ igo ane inug mbe ne nji mbɔb kə̀ bèrì yaʼ tìnìrètog. Mbɔb nɔ̀ŋì ìwɔb ikɔndi igun ighi igun isəg.

1 Timotì 5:20

Bəd mɔ̀ʼɔ mə̀ ya ghìyə̀ inug tibɔ̀ŋ ne chəyi mbi bḛ ni bə̀ŋì ìtɔb fìŋ, àghò ghama gaŋ inɔb imbìghè abə bəd Kristo məjìm, ni ghì gha àbùʼì bəd bɔ ni ywìri ghì inug tibɔ̀ŋ.

Tayitùs 1:13

Anug azo̰ ne wə̀dkə̀n we ya gha ya anug tesiʼ. Ane, àghò bèrì ni ghàm gaŋ abə tiku bəd mbo̰ kwàʼ ane gì ka ka ni ghì gha ìwɔb ibḛfiŋ igun Kristo təm kà.

1 Pità 4:1

Icheg ne Kristo ya zə̰ ngəʼ, à ya bə̀ icheg ne mbə̀ koʼi ni chùʼri ìwən nyɔd ni bèrì ikuchèg we ne məd ya bèri. Aton ya gha wə̀d we ne fə zə̰ ngəʼ inga nyàmnyɔd chəyi wì ya ywìrè ghìyə̀ inug tibɔ̀ŋ.

1 Jɔn 2:15

Imbə̀ʼ mbə̰ kɔ̀ŋɔ awən isəg kə̀ inug mbe ne yaʼi inga isəg. Wə̀d mɔ̀ʼɔ mə̀ kɔ̀ŋ isəg, ane ya gha, chəyi tengàŋ kɔ̀ŋi Mbaʼ.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.