Mk 5:7 - Ikan feg

⁷ kyen ane gì ka ka gha, “Yeso Ŋwan Ŋwiyekɔʼ, àghò kə̀ beri anug ye ni ghì tì inum? Mə boʼ ibo ine ane ikum Ŋwiye gha imbə̀ʼ àghò chə awe aghum!”

Meta’

⁷ kyeŋ ənɨ ə gɨ̂ nɨ kǎ ghà ni, “Yeso, Wan Ŋwìə̀ Ə̀chè-ɨsɨg, à berɨ ənû ə ye nɨ ghɨ̀ mbɨ num ə? Mə buʼ ɨbɔ ɨ ne ənɨ ɨkum Ŋwiə̀ ni tɨrə̀ chə e əmɨ!”

Mk 5:7 ပူးပေါင်းရင်းမြစ်များ

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Matìyò 26:63

Yeso ya chim yi tizi. Ane, atog wə̀d igun bəd mbàn Ŋwiye we ya ghà ibo gha, “Gha àze anug tesiʼ ane ikum Ŋwiye we ne yaʼi izɔm, àghò kə Wə̀d we ne Ŋwiye zɔ̀ʼi, ne yaʼi Ŋwan Ŋwiye?”

Matìyò 4:3

Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Matìyò 8:29

Icheg ne mbi ya bɔ̀mbi tì Yeso ane, mbi ya kyen gha, “Ŋwan Ŋwiye, àghò kə kə̀bə̀ aghə tì ina? Àghò kə̀ yèʼe anìŋ ni chə awa ne chəyi nyùmə̀ kiri koʼi.”

Mk 1:24

Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”

Mk 14:61

Yeso ya chim tizi. Chəyi wì ya ywìti anug mɔ̀ʼɔ. Ane, atog wə̀d igun bəd mbàn Ŋwiye ya ywìrì bìri ibo gha, “Àghò wa kə Wə̀d we ne Ŋwiye zɔ̀ʼi, ne bə̀ yaʼ Ŋwan Ŋwiye we ne bəd mbe ghùmnə?”

Mk 3:11

Anyumə̀ ne bəd mbe ne izwighi tibɔ̀ŋ ya yaʼi inga inɔb yaya bàrà aməd, mbi ya gùghə̀ aseg ibo imbìghè, kyḛ ane gì ka ka gha, “Àghò ya Ŋwan Ŋwiye!”

Mk 5:6

Anyumə̀ ne wì ya bàra Yeso agha se, wì ya nòtò ghò gɔ̀m itog inwḭ ibo imbìghè,

Mk 5:8

Wì ya ghà ane imbə̀ʼ icheg ne, Yeso ya bì ghà abə azwighi tibɔ̀ŋ ze gha, “Azwighi tibɔ̀ŋ, dùyə inga mbaŋà izo̰!”

Lk 1:32

Məd biri yaʼ kwàʼ ijiʼi wə̀d. Bəd biri ya kàrà aməd gha Ŋwan Ŋwiyekɔʼ. Ŋwiye ne yaʼi Anɔŋisəg biri zɔʼ aməd ane ifɔn icheg ne wì ya zɔʼi mbaʼ kyen məd, Dèvid.

Lk 4:34

“Eyì! Yeso a Nazarèd; Aghi ne àghò bèrì ni ghì tì ina àkə aghə? Mə kyèri wə̀d ne àghò yaʼi ìwiwən. Imbə̀ʼ àghò yèʼe anìŋ ni nimni awa? Àghò ya Wə̀dtɔm Ŋwiye ne zḛ.”

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Lk 8:28

Anyumə̀ ne wì ya bàra Yeso, wì ya gùg ibo imbìghè, dèg, si kyen ane gì ka ka gha, “Yeso Ŋwan Ŋwiyekɔʼ, àkə aghə ne àghò ya kə̀bə̀ ni ghì tì inum? Mə boʼ ibo ine, imbə̀ʼ àghò chə awe awum?”

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Ɨ̀fàʼì 16:17

Wì yaya bène abɔ̀ʼ Pɔl tì ina nè kyḛ ghà gha, “Bəd mbo̰ ya bəd ne fàʼà abə Ŋwiyekɔʼ. Mbɔb ya ghà inug imbə̀ʼ inɔnjì we ne tì bəd chè angu pum.”

Ɨ̀fàʼì 19:13

Mə̀Ju mɔ̀ʼɔ ne yaya yḛ̀ nè chìyè izwighi tibɔ̀ŋ inga bəd, ya kə̀b ni chì izwighi tibɔ̀ŋ igun bəd ane ikum Anɔŋisəg Yeso. Mbi yaya ghà abə izwighi tibɔ̀ŋ gha, “Ane ikum Yeso we ne Pɔl we ghàmà imbə̀ʼ aməd, tì gha, mbə̀ che dù inga wə̀d gho̰!”

Ɨ̀fàʼì 8:36

Icheg ne mbi yaya yḛ̀ ghò igun inɔnjì we, mbi ya pè ane asiŋi mɔ̀ʼɔ ne igyi ya yaʼi angu. Ane, wə̀d kyen we ya ghà abə Filip gha, “Nḛ! Mənib mbo̰. Aghi ne tì ze ghì gha imbə̀ʼ àghò naʼa awe mənib inum àkə aghə?” [

Rm 16:20

Chəyi agha biri sà, Ŋwiye we ne ghìyə̀ tì chùghə ane àbɔrɔ̀bɔd biri baŋi Sàtàn si ghì mbə bèrì ika igun məd. Anɔŋisəg Yeso Kristo ghiyə ìchɔ̀mì inən.

Mə̀Hibrù 2:14

Ane, icheg ne bɔn mbe ya bəd-aku, məd zìye ya bə̀ bə̀ŋə̀ si yaʼ wə̀d tì nyàmnyɔd icheg inɔb. Wì ya ghì ane imbə̀ʼ icheg ne à ya anjìm iwu we ne məd ku ne wì chi ika wə̀d ìpàb igun iwu. Wə̀d ìpàb we ya Debrə̀.

Mə̀Hibrù 7:1

Mèkisedèg gho̰ ya yaʼ ifɔn a Salèm. Məd ya yaʼ wə̀d mbàn Ŋwiyekɔʼ. Anyumə̀ ne Abràham yaya bə̀ndə̀ ane ibid we ne wì ya màʼi chè məfɔn məkwè, Mèkisedèg ya bɔ̀mbì tì məd, zì àbɔrɔ̀bɔd igun məd.

Jems 2:19

Àghò bḛ gha Ŋwiye məyi imɔʼ. Ze bɔ̀ŋ! Ka à ya bè izwighi tibɔ̀ŋ, mbɔb bə̀ bḛ ane. Si ya gha, mbɔb ya bḛ nè bìnde.

2 Pità 2:4

Chəyi Ŋwiye ya waʼi inug tibɔ̀ŋ ìmbi mbè angirə̀ anyumə̀ ne mbi ya ghi tìzughə ibo. Wì ya kɔd awɔb màʼ inga asiŋi ichə ne fḭ̀yḛ kyìm gha mbe chughi se ghɔ̀mɔ̀ aneg ze ne Ŋwiye biri saʼ isəg.

1 Jɔn 3:8

Wə̀d ne ghìyə̀ inug tibɔ̀ŋ ya wə̀d Debrə̀ imbə̀ʼ icheg ne Debrə̀ ya ko se ghìyə̀ inug tibɔ̀ŋ kwàʼ ane nyumə̀ ne Ŋwiye ya tangi isəg. Aton ne Ŋwan Ŋwiye ya yeʼe inga isəg ya ni chìkì àfàʼì Debrə̀.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 12:12

Ane, ikaŋ àbɔ̀ŋɔ tì wə̀d ijìm we ne yaʼi ikaŋ àbɔ̀ŋɔ, mbə̀ ya gyènde! Si ya gha, ngəʼ kyen biri nyi igun inən, àghò isəg tì àghò tìbà imbə̀ʼ icheg ne Debrə̀ we fə swiʼi yèʼe abɔ̀ʼ inən tì agaŋ kyen. Wì kyèri gha ìwi nyùmə̀ fə tumbə!”