Mk 4:20 - Ikan feg

²⁰ Bəd mɔ̀ʼɔ ya icheg ighi ngwèd mbe ne mbi ya nwìyḭ igun ìseg chɔm. Mbɔb ya zùghə Ìngam Ŋwiye, bḛ. Ane, mbi ya ko titam. Mbi mɔ̀ʼɔ ya ko titam achug ìghum itad, mbi mɔ̀ʼɔ ko achug ìghum tìfughə, mbi mɔ̀ʼɔ ko achug iki ifibì.”

Meta’

²⁰ Bə̂d mɔʼɔ yɨ ɨghabɨ ɨghɨ ŋgwèd mbe nɨ mbɨ nyaʼa ŋwi ɨgun ə si chɔ̀m. Mbɨ zu ɨŋgam we, benɨ əne kɔ rɨtam. Mbɨ mɔʼɔ kɔ rɨtam ɨwum ɨtad, mbɨ mɔʼɔ ɨwum rɨ̀fuə, mbɨ mɔʼɔ ɨkɨ fibɨ̀.”

Mk 4:20 ပူးပေါင်းရင်းမြစ်များ

Matìyò 13:23

Àsi fitam ngwèd fe ne fendi igun ìseg chɔm, à ya wə̀d ne zùghə Ìngam Ŋwiye, atog məd zḛ. À ya məd ne biri ko titam achug iki, kə̀ ìghum tìfughə kə̀ ìghum itad, chè inun fitam ngwèd ne mbi ya nwḭ.”

Matìyò 13:8

Fitam ngwèd mɔ̀ʼɔ ya fendi igun ìseg chɔm, kweg ko titam jəghi. Ìti mɔ̀ʼɔ ya ko achug iki, ìtin achug ìghum tìfughə, ìtin achug ìghum itad.

Mk 4:8

Ìti mɔ̀ʼɔ ya fendi inga ìseg chɔm. Ti ya kweg bə̀ ko titam nɔʼ nɔʼ. Ìti mɔ̀ʼɔ ya ko titam achug ìghum itad, ìti mɔ̀ʼɔ ko achug ìghum tìfughə, ìti mɔ̀ʼɔ ko achug iki ifibì.”

Lk 8:15

Titam te ne ya fendi igun ìseg chɔm ya chwìye bəd mbe ne beri fìŋ chɔ̀m. Mbɔb ya zùghə Ìngam Ŋwiye, nìŋə nyìme icheg chɔm, nyìʼè fìŋ ni fàʼ anug ne Ìngam Ŋwiye gha.”

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:2

Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

2 Pità 1:8

Aŋa ya ikuchèg ne mbə̀ koʼi ni bèrì. Mbə̰ mə̀ ya ghìyə̀ inug mbo̰ ghò gho imbìghè, mbə̰ biri ya fàʼà inug icheg chɔm bə̀ ghìyə̀ inug chɔm nɔʼ nɔʼ. Ane, ze biri chwi gha inug mbe ne mbə̀ kyeri imbə̀ʼ ìwa Anɔŋisəg Yeso Kristo kayi ati ako.