Mk 2:20 - Ikan feg

²⁰ Ineg mbe yèʼe ne mbi biri niŋ mbaʼ igən we chì abɔ̀ʼ inɔb. Ineg mbe mə pè, mbi biri se chùghə njèg.”

Meta’

²⁰ Ɨni mbɨə yeʼe nɨ mbɨ bɨrɨ nɨŋ ɨnom ɨgən we rəkaʼ mɨ̀mə̌d. Ɨni mbe mɨ pè, mbɨ kɨ chubɨ rɨ jɨg.

Mk 2:20 ပူးပေါင်းရင်းမြစ်များ

Matìyò 26:31

Anyumə̀ ne Yeso tì mə̀mə̀nənùg məd ya pè ikaŋ iwum mə̀Olìf, Yeso ya ghà inɔb gha, “Kwàʼ məyi izimi tèchɔ̀ŋ, mbə̰ məjìm biri nòrò awən sàŋì mə. A ze inga Àŋwàʼrì Ŋwiye gha, ‹Mə biri zweti Àjənjə̀g, izam njə̀g si sàkà.›

Matìyò 9:15

Yeso ya ywìtì inɔb gha, “Chəyi mə̀sə̀ʼ ìmbi mbaʼ igən mbe chùghə njèg bə̀ sɔ̀mnɔ̀ anyumə̀ ne mbaʼ igən kiri biri tì inɔb ane inami. Nyùmə̀ we yèʼe ne mbi biri niŋ mbaʼ igən chì abɔ̀ʼ inɔb. À ya anyumə̀ we ne mbɔb biri se chùghə njèg bə̀ sɔ̀mnɔ̀.

Mk 2:19

Yeso ya ywìtì inɔb gha, “Chəyi bəd mbe ne gho ane igən mbe chùghə njèg anyumə̀ ne mbaʼ igən kiri yaʼi abɔ̀ʼ inɔb. Mbaʼ igən mə kiri biri yi tì inɔb, nji chəyi mbi biri chughi njèg.

Mk 2:21

“Chəyi wə̀d we bànda asiŋi ndwi feg igun ndwi anun. Wì mə ghì ane, nji asiŋi ndwi feg ze biri sètì ndwi anun ze, ghì ibighi we ywìrì taŋ faŋ.

Lk 17:22

Yeso ya si ghà abə ìmbi mə̀mə̀nənùg gha, “Nyùmə̀ we yèʼe ne mbə̀ biri kə̀b ni bàd aneg mɔ̀ʼɔ amɔʼ inga ineg Ŋwan Wə̀d, si ya gha, chəyi mbə̀ biri bèrì apan ze.

Lk 5:35

Ineg mbe yèʼe ne mbi biri niŋ mbaʼ igən ghò. À ya inga ineg mbe ne mbɔb biri chughi njèg.

Jn 12:8

Bəd mbe ne chəyi àzɔb biri yaʼ abɔ̀ʼ inən aghəm ajìm. Àsi mo, chəyi mə̀ biri yaʼ abɔ̀ʼ inən aghəm ajìm.”

Jn 13:33

Ìmbum bɔn, chəyi mə̀ biri chughi tì inən agha sà. Mbə̰ biri kə̀b amə, si ya gha, anug ne mə̀ ya gha abə mə̀Ju, mə̀ ya anìŋ bə̀ ghà inən. Anug ze ya gha, “Chəyi tì mbə̰ yeʼe ane asiŋi ne mə ghò angu.”

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 16:7

Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 17:13

Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Jn 3:29

Mbaʼ igən ya wə̀d ne beri àyi igən. Àsi ìsə̀ʼ mbaʼ igən ya gyènde icheg ne wì chùghi iban se zùghə icheg ne mbaʼ igən we ghàmà. À ya icheg ne mo we bə̀ se gyènde.

Ɨ̀fàʼì 1:9

Anyumə̀ ne wì ya màni ni ghàm ane, Ŋwiye ya niŋ aməd ikaŋ àbɔ̀ŋɔ kwàʼ imbìghè abə mə̀mə̀nənùg məd. Icheg ne mbɔb yaya nḛ̀ məd, pàʼ mɔ̀ʼɔ ya si kən awɔb ni gha imbə̀ʼ mbi ywiri bàd awɔb məd.

Ɨ̀fàʼì 14:23

Anyumə̀ ne mbi ya fə chɔʼi itog bəd inga tifeti bəd Kristo te tijìm, mbi ya chughi njèg chàʼra Ŋwiye, zì awɔb inga tikye ibo abə Anɔŋisəg we ne mbi nɔŋi ìtɔb fìŋ igun.

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

1 Kɔrèn 7:5

Imbə̀ʼ wə̀d to̰ yi ni nàʼ ìwi nyɔd abə aywin, chè ni gha, mbə̰ məjìm bḛ ni chughi ane ane iki nyumə̀ mɔ̀ʼɔ imbə̀ʼ chàʼra Ŋwiye. Mbə̰ mə̀ mànì ni chàʼra Ŋwiye, mbə ywìrì fɔti ìwən nyɔd ni ghì gha imbə̀ʼ Sàtàn kwàʼra yi awən imbə̀ʼ icheg ne chəyi mbə̀ kyeri nyimbi nyɔd.

2 Kɔrèn 11:2

Mə we ghə̀ʼrə̀ awən, icheg ne Ŋwiye we bə̀ ghə̀ʼrə̀. Aton ya gha mbə̰ ya icheg fɔ̀d ŋwan àyi zḛ zḛ ni mə nàʼi ane inam abə inɔm fìbì. Inɔm we ya Kristo.

2 Kɔrèn 11:27

Mə faʼ ìfàʼì ka ka. Mə neg ikyeʼi aghəm nɔʼ nɔʼ. Mə chùghi njèg. Mə dèg adɔʼ mənib aghəm nɔʼ nɔʼ. Mə chùghi aghəm nɔʼ nɔʼ ne chəyi taŋ ighijəg. Mə bə̀ chùghi inga ifə ne chəyi ndwi ni kəndi nyɔd.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Ɨnû 19:7

Tì taŋ gyendi awa bə̀ nàʼ ighumni abə Ŋwiye, imbə̀ʼ icheg ne nyùmə̀ fə kòʼ ne Ŋwan njə̀g biri nam. Àyi igən məd fə chuʼri ìwi nyɔd.

Ɨnû 21:9

Angirə̀ mɔ̀ʼɔ abɔ̀ʼ mbè angirə̀ mbe ìsàmbe ne ya nyimi ikaŋ mbe ìsàmbe ne ngəʼ ka ka te ìsàmbe ne si nwḭ̀yḛ̀ ya sweghi inga, ya yèʼe ghà inum gha, “Yeʼe, mə biri chwi àyi igən we ne yaʼi iweg Ŋwan njə̀g ine.”