Mk 16:19 - Ikan feg

¹⁹ Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Meta’

¹⁹ Ənɨ Ə̀nùŋɨ̀sɨg Yeso nyaʼa fə ghàm əmbɨ mə̀mə̀ə̀nɨ̀-ɨnû mbe, Ŋwìə̀ nyaʼa nɨŋ əməd ɨkaŋ, wɨ̀ pè chub əbà əbɔ ə jɨgɨ ə Ŋwiə̀.

Mk 16:19 ပူးပေါင်းရင်းမြစ်များ

Mk 16:20

Mə̀mə̀nənùg mbe ya dù ghò ghà ikən chɔm we isiŋi ijìm. Anɔŋisəg yaya fàʼà tì inɔb icheg ne wì ya nàʼi ika inɔb mbi nè ghìyə̀ inug yeti. Wì ya nàʼ ika we inɔb ane ni chwi gha inug mbe ne mbɔb yaya ghà ya tesiʼ. À ya ane.

Lk 22:69

Si ya gha, ni ko amad anìŋ, Ŋwan Wə̀d biri chughi aba abo jəghi Ŋwiye we ne beri ika ijìm.”

Lk 9:51

Ane nyùmə̀ ya se tìnde abə Ŋwiye ni ghì gha Yeso yeʼe ikaŋ, Yeso ya nɔ̀ŋì inga fìŋ ni ghò a Jèrusalèm.

Jn 13:1

À ya yaʼ igun aneg ze ne nàʼà abə aneg ne mbe jə̀ghə Iteri Chègun. Yeso ya fə kyeri gha, nyùmə̀ fə kòʼ ibo ni sàŋì isəg gho̰, ghò yi abɔ̀ʼ ìwi Mbaʼ. Wì ya kɔ̀ŋ bəd mbe igun isəg gho̰ ne ya ìmbi məd anene ghò pè ane ìnwḭ.

Jn 16:28

Mə ya nɔ̀ʼ abɔ̀ʼ ìmə Mbaʼ, bɔŋ yeʼe igun isəg. Mə ya anìŋ se nɔ̀ʼɔ̀ amə igun isəg ghò abɔ̀ʼ ìmə Mbaʼ. ”

Jn 17:13

Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Jn 21:15

Anyumə̀ ne mbi ya fə jəghi mànì, Yeso ya biri abə Pità gha, “Sayimùn, ŋwan Jɔn, àghò kɔ̀ŋ amə chè icheg ne bəd mbo̰ kɔŋi amə?” Pità ya ywìtì gha, “E! Anɔŋisəg, àghò kyeri gha mə kɔ̀ŋ awe.” Yeso ya ywìtì ibo gha, “Àghò jə ìmbum bɔn njə̀g”

Jn 21:22

Yeso ya ywìtì gha, “Mə kə mə̀ kə̀b gha wì chughi izɔm pè ane nyumə̀ ne mə̀ biri ywiri yeʼe, àze inga àkə aghə? Àghò bèni abɔ̀ʼ inum”

Jn 6:62

Mbə̀ kə ghum si ghì iye anyumə̀ ne mbə̀ bari Ŋwan Wə̀d we ghò yi ikaŋ, asiŋi ze ne wi yaya bè angu?

Ɨ̀fàʼì 1:22

ni ko ane nyùmə̀ we abə Jɔn we ne yaya nàʼà mənib ghò pè ane aneg ze ne Ŋwiye ya niŋi Yeso ikaŋ àbɔ̀ŋɔ. Ze bɔ̀ŋ gha wə̀d mɔ̀ʼɔ abɔ̀ʼ bəd mbo̰ fɔti abɔ̀ʼ ina si yaʼ wə̀d ne ghà inug imbə̀ʼ icheg ne Yeso zweme ane iwu.”

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 3:21

Məd biri kiri chughi yi ikaŋ àbɔ̀ŋɔ ghò pè ane nyumə̀ we ne Ŋwiyekɔʼ biri tangi ìmbi inug ijìm icheg ne wì ya ghum chè anjìm bədkə̀n ìzḛzḛ məd kàʼ.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Kòlosè 3:1

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 6:20

Yeso ya fə ghò ina imbìghè nyi inga asiŋi ze ane ìwa ighəm. Məd ya se atog wə̀d igun bəd mbàn Ŋwiye ne fàʼà ina ane ighə̀m imɔʼ, ne du ane iwaŋ Mèkisedèg.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

Mə̀Hibrù 8:1

Anug kyen ne te ghà ya gha: tè bèrì atog wə̀d igun bəd mbàn Ŋwiye ne chughi igun atən ifɔn aba abo jəghi abə Ŋwiye we ne beri ika ijìm.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.