Mk 13:9 - Ikan feg

⁹ “Si ya gha, mbə̀ we awən. Mbi biri gwi awən nàʼ abə itog bəd ne sàʼa aben. Mbi biri sɔm awən inga məchamì Ŋwiye. Mbə̰ biri təm imbìghè mə̀gɔbnà bə̀ təm imbìghè məfɔn ane ìmə ikum ni ghà ikən chɔm inɔb.

Meta’

⁹ “Àyɨə mbə̀ we əwən. Mbɨ bɨrɨ gywɨ əwən nàʼ əmbɨ mə̀saʼ ɨbeŋ. Mbɨ bɨrɨ som əwən ɨŋga nəb rɨ ə̀kàtɨ̀. Mbə bɨrɨ təm ɨfě mɨ̀gɔmnà bə̀ təm ɨfě mɨfɔ̂n ənɨ mɨ ɨkum ɨmbə̀ʼ ghà ɨkə̂n chɔ̀m əmbɨ mɨ̀mə̌d.

Mk 13:9 ပူးပေါင်းရင်းမြစ်များ

Matìyò 5:22

Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Mk 1:44

“Nḛ! Icheg ne àghò we ghò anìŋ, imbə̀ʼ àghò gha awe anug mɔ̀ʼɔ abə wə̀d. Ndò chwiti ìwe nyɔd yaʼ abə wə̀d mbàn Ŋwiye wì nḛ awe. Àghò nàʼ ighi àfàtì mbe ne Muse ya fə gha, ni chwi gha bəd kyeri gha àwàrikə̀m ze fə mèg igun ine.”

Mk 13:5

Yeso ya ghà inɔb gha, “Mbə̀ we awən imbə̀ʼ wə̀d mɔ̀ʼɔ ghì mbə̰ fèbè.

Mk 13:8

Iben biri màʼ ibid tì iben ndəŋ. Iben ne məfɔn mbe tùmbə̀ bə̀ màʼ ibid tì iben ndəŋ ne məfɔn mbe tùmbə̀. Ìseg biri ghùd isiŋi isiŋi, njèg ka ka bə̀ nyi. Inug mbo̰ ya icheg ne àyi ko ni zug tibuʼ anyumə̀ ne we nɔ̀mbɔ.”

Mk 6:11

Asiŋi ne mbə̀ nyi chəyi mbi niŋə awən, kə̀ zug anug ne mbə̰ mbe ghà, mbə̀ kutə agwi ane asiŋi ze chì ane ìmbən ighog, dù awən angu. Àze biri yaʼ aneni inɔb ni chwi gha mbɔb to̰ awɔb Ìngam Ŋwiye.”

Lk 9:5

Mbə̰ mə̀ pè nyi inga aben mɔ̀ʼɔ chəyi mbi niŋi awən, anyumə̀ ne mbə̰ mbe dùwə̀ awən, mbə̀ kutə agwi ane ìmbən ighog. Àze biri yaʼ aneni ni chwi gha mbɔb to̰ awɔb ikən chɔm.”

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 16:2

Bəd biri kamni awən inga məchamì Ŋwiye. Nyùmə̀ we yèʼe ne wə̀d ne zwète awən biri kɔndi gha zìye ya fàʼà yaʼ àfàʼì ne Ŋwiye kə̀bi.

Ɨ̀fàʼì 21:11

Wì ya yèʼe abɔ̀ʼ ina, pè niŋ ìkɔ̀bì ìwi Pɔl, kɔd ìmbi ighog fɔrɔ ìmbi ibo inga, si ghà gha, “Azwighi Ŋwiye gha, ‹Aŋa ya icheg ne mə̀Ju mbe ne yaʼi a Jèrusalèm biri niŋ wə̀d ne beri ìkɔ̀bì gho̰ kɔd nàʼ abə bəd ne kayi mə̀Ju.›”

Ɨ̀fàʼì 7:54

Anyumə̀ ne bəd mbe ne sàʼa aben ya zughi inug mbe ne Stifə̀n yaya ghà, mbi ya taŋ gaŋ se kùrə asɔŋ imbə̀ʼ aməd.

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

2 Tès 1:5

Inug mbo̰ ijìm ya aneni ni chwi gha Ŋwiye ya sàʼa bəd ane ikuchèg ne koʼi. Àzo̰ chwi gha Ŋwiye biri ghì mbə̰ kòʼ ni nyi inga anug ìfɔ̀n məd anjìm ngəʼ ze ne mbə̰ mbe zə̰.

2 Jɔn 1:8

Mbə̀ niŋ nyumə̀ imbə̀ʼ mbə̰ nɔ̀ʼ sam aghi ze ne mbə̀ fə fàʼi. Mbə̀ kirə ika ni bèrì yaʼ chùd ane àfàʼì ze kwàʼ ijìm.

Ɨnû 1:9

Mo, Jɔn we ne yaʼi ìwən ifi, mə we bə̀ zə̰ ngəʼ tì inən icheg ne tì yaʼi inga anug ìfɔ̀n Ŋwiye. Mo we bə̀ nyìme fìŋ se nyìʼè inug aton ngəʼ icheg inən. Inug mbo̰ ya imbə̀ʼ icheg ne tì yaʼi ane ifɔti tì Yeso. Mbi ya kamni mə inga aben, chà amə inga Patmòs, akəmi asiŋi ìseg ze ne igyi che kad. Mbi ya chà amə angu imbə̀ʼ icheg ne mə̀ yaya ghà Ìngam Ŋwiye fɔrɔ imbə̀ʼ icheg ne mə̀ yaya ghà tesiʼ imbə̀ʼ Yeso.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 2:13

Mə kyèri asiŋi ze ne àghò we chùghə angu. À ya asiŋi ze ne atən ifɔn àzi Sàtàn yaʼi angu. Si ya gha, àghò nyìmi ìmə ikum ane ìze fìŋ ijìm. Chəyi àghò ya waʼi anug ni nɔŋi fìŋ igun inum, ka bèyi ane nyùmə̀ Antipàs we ne yaya ghà inug imbə̀ʼ amə ane ìzi fìŋ ijìm. Mbi ya zweti aməd inga àzən aben, asiŋi ne Sàtàn we chùghə.