Mk 13:13 - Ikan feg

¹³ Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Meta’

¹³ Bə̂d mɨ̀jìm bɨrɨ ban əwən ɨmbə̀ʼ əmɨ, àyɨə wə̀d we nɨ nyiʼi wò pè ənɨ ɨnwǐ, Ŋwìə̀ bɨrɨ chɨ əməd rəŋgəʼ.”

Mk 13:13 ပူးပေါင်းရင်းမြစ်များ

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 24:13

Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 24:9

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Mk 13:12

Ifi biri fḛ ìwi ifi gha mbe zweti, mbaʼ bə̀ fèn ìwi ŋwan gha mbe zweti. Bɔn biri bəŋi atog abɔ̀ʼ ìmbɔb mə̀mbaʼ bə̀ bəŋi abɔ̀ʼ mbɔb mbi ngɔb, ane ghì gha mbe zweti awɔb.

Lk 21:17

Wə̀d ijìm biri bà̰ awən məyi imbə̀ʼ amə.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Jn 17:14

Mə fə ghàm ìwe ìngam inɔb. Bəd inga isəg ya se bà̰ awɔb imbə̀ʼ icheg ne mbɔb kayi bəd inga isəg gho̰, bə̀ icheg ne, mo inum kayi bə wə̀d inga isəg gho̰.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

Gàlesìyà 6:9

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Mə̀Hibrù 10:39

Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

1 Jɔn 3:13

Ìmbum məfi fɔrɔ ìtum njàbi, imbə̀ʼ anug chè yi awən gha bəd inga isəg mbe pàbà awən.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 3:10

Icheg ne àghò fə nyimi fìŋ nyìʼ inug icheg ne mə̀ ya gha ine, mə biri nə̀m awe ane nyùmə̀ we ne ngəʼ biri yeʼe igun isəg ijìm ni kwàʼrì bəd mbe ne yaʼi igun isəg.