Mk 12:1 - Ikan feg

¹ Yeso ya si nɔ̀ʼ ko ghà tìngam məgri abə bəd mbe ne ya tangi inug inga aben mə̀Ju gha, “Mbaŋà mɔ̀ʼɔ ya kon mben vayìn, kɔd ikam chè kad, tɔŋ ibighi bɔm asiŋi ne mbi biri se mḭ̀yḛ̀ mənoʼ inga. Wì ya bə̀ bɔm nəb ikaŋ ne wə̀d biri chùghi inga se kyèʼrè mben ze. Wì ya ghì ane nàʼ mben ze abə bəd mɔ̀ʼɔ gha mbe nyimi ghi fàʼ inga. Wì ya nàʼ ane, nɔ̀ʼ ghò inga aben ndəŋ.

Meta’

¹ Yeso nyaʼa kɔ gha ɨnû mɨgɨ əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mbaŋə̀ mɔʼɔ nyaʼa kon mbeŋ vaìn, kod ɨkam ghab, toŋ ɨbɨgɨ nɨ mbɨ bɨrɨ sɨə mìn mɨ̀noʼ ɨŋga, bə̀ bɔm nəb ɨkaŋ nɨ wə̀d bɨrɨ chub ɨŋga nəŋgɨ mbeŋ ze. Wɨ̀ nyaʼa ghɨ̀ əne əne nàʼ mbeŋ ze əmbɨ ə bə̂d mɔʼɔ ni mbɨ faʼ ɨŋga. Wɨ̀ nyaʼa nàʼ əne, nɔ̀ʼ wò ɨŋga əbeŋ ə cherə.

Mk 12:1 ပူးပေါင်းရင်းမြစ်များ

Matìyò 13:3

Wì ya mə̀tì inug nɔʼ nɔʼ inɔb inga tìngam məgri. Wì ya ghà inɔb gha: “Wə̀d mɔ̀ʼɔ ne fàʼà a mben ya dù ghò ni nwḭ̀ fitam ngwèd.

Matìyò 21:28

Yeso ya chè imbìghè ghà abə itog bəd mbe gha, “Mbə̰ kɔ̀ndi àzən gha? Wə̀d mɔ̀ʼɔ ya bèrì ìmbi bɔn mbaŋà məbe. Wì ya ghò abə ŋwan mbèg pè ghà ibo gha, ‹Ŋwan, ndò gho fàʼ inga mben vayìn tèchɔ̀ŋ.›

Matìyò 21:33

Yeso ya bə̀ ywìrì ghà abə itog bəd mbe gha, “Mbə̀ zug ìngam məgri ndəŋ. Wə̀d mben mɔ̀ʼɔ ya kon ìzi mben vayìn, kɔd ikam chè kad. Wì ya tɔŋ ibighi bɔm asiŋi ne mbi biri se mìyè mənoʼ vayìn inga. Wì ya bə̀ bɔm nəb ikaŋ ne mbi biri se chùghə inga nə̀ngə mben ze. Wì ya ghì ane, nàʼ mben ze abə bəd mɔ̀ʼɔ gha mbe niŋ se fàʼà inga. Wì ya nàʼ inɔb ane, nɔ̀ʼ ghò yi inga aben ndəŋ.

Matìyò 21:34

Nyùmə̀ ne mbi yaya kàba titam vayìn ya kòʼ, ane, wì ya tɔm ìmbi bəd àfàʼì gha mbe gho niŋ àzi tì aba ane titam vayìn te.

Matìyò 25:14

Yeso ya chè imbìghè ghà abə mə̀mə̀nənùg məd tì inɔ̰ bəd we gha, “Anug ìfɔ̀n ikaŋ biri bə yaʼ icheg ne wə̀d mɔ̀ʼɔ ne ya ŋa ghò yi ane igha̰. Wì ya tɔ̀ŋɔ ìmbi bəd àfàʼì, zì ìmbi ighi inɔb inga ikye abo.

Mk 11:33

Ane mbi ya ywìtì abə Yeso gha, “Chəyi tì kyeri.” Yeso ya bə̀ ghà inɔb gha, “Chəyi mə̀ biri bə gha wə̀d ne nàʼi ika inum ni ghì inug mbo̰.”

Mk 13:34

A ze icheg ne wə̀d ghò ŋa yḛ̀ yi. Bɔŋ wì se dù inga nəb, wì biri fə nàʼ àfàʼì abə ìmbi bəd àfàʼì, wə̀d tì àze àfàʼì, ìwi ndəŋ tì àzin. Wì biri bi ghà abə wə̀d ne kyèʼè achan gha wì chughi ikyèʼi.

Mk 3:23

Anyumə̀ ne mbi ya gha ane, wì ya kàrì awɔb abɔ̀ʼ məd, ghà inɔb ane ìngam məgri gha, “Sàtàn kə ywìrè kàmà yi zìye chìyè inga bəd iye?

Mk 4:2

Wì ya ko ni chwiti inug nɔʼ nɔʼ inɔb ane tìngam məgri. Wì ya ghà inɔb gha:

Lk 15:13

Chəyi agha ya sa, ìwi njìm we feti ìmbi məd tì ighi ijìm ghò yi a aben mɔ̀ʼɔ ne agha sa. Wì ya pè angu kud ìmbi tì ighi ane icheg ne bə anene mbi mèg.

Lk 19:12

Wì ya gha, “Wə̀d kyen mɔ̀ʼɔ ya ghò inga aben ndəŋ ne agha sa. Wì ya ghò ni gha mbe zɔʼ aməd ane ifɔn, wì ywirì bə̀ndì ghò ibo inga aben.

Lk 22:9

Mbɔb ya biri ibo gha, “Àghò kə kə̀bə̀ gha tì chuʼri ighi bə̀ tangi isiŋi aya?”

Lk 8:10

Wì ya ywìtì inɔb gha, “Ŋwiye fə fìʼì àzən atog ni kyeri inug imbə̀ʼ anug ìfɔ̀n ikaŋ. Àsi abə mbin tì bəd, mə ya ghàmà yaʼ ìngam məgri inɔb. Anìŋ ya ni ghì gha, ‹Mbi biri nèn, chəyi mbi biri bàd. Mbi biri bə zug, chəyi mbi biri bə kyeri.›

Ɨ̀fàʼì 7:38

Muse ya yaʼ abɔ̀ʼ mə̀Izre inga ibad zɔbi. Wì ya yaʼ tì angirə̀ we ne ya ghàmi ibo ikaŋ Iwum Sanàyì. À ya angirə̀ we ne ya bə̀ yaʼ tì ìmba mə̀mbaʼ aneg. Wì ya niŋ ikən we ne ghìyə̀ gha bəd jəg ìtḛ̀, yèʼe nàʼ ina.