Mk 10:14 - Ikan feg

¹⁴ Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Meta’

¹⁴ Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Mk 10:14 ပူးပေါင်းရင်းမြစ်များ

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Matìyò 18:4

Wə̀d ne swi ìwi nyɔd aseg si yaʼ icheg ŋwan kwa kwa gho̰, à ya məd yaʼ ìwi kyen inga anug ìfɔ̀n ikaŋ.

Matìyò 19:14

Yeso ya ghà inɔb gha, “Mbə̀ saŋa bɔn kwa mbe yèʼe inum. Imbə̀ʼ mbə̰ kə̰ awən awɔb imbə̀ʼ icheg ne anug ìfɔ̀n ikaŋ ya abə bəd ne yaʼi icheg bɔn kwa mbo̰.”

Matìyò 5:10

Ŋwiye zì àbɔrɔ̀bɔd igun bəd mbe ne bəd mbe chɔ̀ʼɔ ìmbɔb ibɔʼì ighog anjìm icheg ne mbɔb mbe ghìyə̀ inug ne təmi kòʼ, imbə̀ʼ icheg ne mbɔb biri jəg anug ìfɔ̀n ikaŋ.

Matìyò 5:3

“Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Mk 3:5

Wì ya nḛ̀ awɔb kad chuʼ, gaŋ, ze bə̀ ywìrì taŋ naʼ ngəʼ ibo imbə̀ʼ icheg ne ìtɔb fìŋ ya tu. Wì ya si ghà abə mbaŋà ze gha, “Sème àze abo.” Wì ya sèmì. Ane, abo məd ya ywìrì sèmbè si yaʼ icheg chɔm.

Mk 8:33

Yeso ya ghabri nèn ìmbi mə̀mə̀nənùg si ghàm kyen abə Pità gha, “Àghò Sàtàn, che nɔ̀ʼ iban inum! Chəyi àghò nɔŋi ìwe ikɔndi igun ighi mbe ne Ŋwiye kə̀bi. Àghò nɔ̀ŋì yaʼ igun ighi mbe ne bəd kə̀bi.”

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Ɨ̀fàʼì 2:39

Anug ze ne Ŋwiye ya kàʼi ya inən fɔrɔ abə ìmbən bɔn, bə̀ fɔrɔ abə bəd məjìm mbe ne yaʼi asà agha. À ya abə bəd mbe ne Anɔŋisəg, ìwa Ŋwiye kàri awɔb gha mbe yaʼ ìmbi bəd.”

Ɨ̀fàʼì 3:25

Inug ijìm mbe ne Ŋwiye ya ghum kàʼ anjìm bədkə̀n məd ya inən. Mbə̰ bə̀ bèrì ati inga ikan we ne məd ya wàri tì ìmbən mə̀mbaʼ aneg icheg ne wì ya gha abə Abràham gha: ‹Mə biri zì àbɔrɔ̀bɔd igun wə̀d ijìm igun isəg anjìm àze aghaŋ inəbi.›

Rm 11:16

Àmə yaʼ aghi ne mbe nàʼà tijəg mbègtog abə Ŋwiye ane ituti Ŋwiye, nji tijəg tijìm ya bə̀ ìti məd. Àmə yaʼ aghi ne mbe nàʼà ighaŋ ized abə Ŋwiye ane ituti Ŋwiye, nji tìtab azed ya bə̀ ìti məd.

Rm 11:28

Icheg ne mə̀Ju to̰ awɔb ikən chɔm gho̰, mbɔb ya si bəd ìpàb Ŋwiye imbə̀ʼ awən, mbə̰ mbe ne kayi mə̀Ju. Si ya gha, icheg ne mbɔb yaʼi inəbi ne Ŋwiye ya fə chɔʼi, mbɔb ya si mə̀sə̀ʼ məd anjìm ìmbɔb mə̀mbaʼ kyen mbe te aneg.

1 Kɔrèn 14:20

Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

1 Kɔrèn 7:14

Ze yaʼ ane imbə̀ʼ icheg ne mbi biri niŋ mbaŋà ze gha wè təm zen anjìm iweg məd we ne kyeri Ŋwiye. Mbi biri bə̀ niŋ iweg məd gha wè təm zen anjìm inɔm məd we ne kyeri Ŋwiye. Àmə chəyi ane, nji chəyi ìmbɔb bɔn biri zen. Tesiʼ ya gha, mbi biri niŋ mbɔb bɔn gha mbe zen.

Efesùs 4:26

Imbə̀ʼ wə̀d mɔ̀ʼɔ saŋa yi gha agaŋ ghiyə wì gughə anug. Imbə̀ʼ wə̀d gaŋ yi nèʼre.

2 Timotì 1:5

Mə wèndi icheg ne ìwe ibḛfiŋ yaʼi kwàʼ ìwi tesiʼ. À ya iku ibḛfiŋ ne ìwe ngɔb kyen Loyìs fɔrɔ ìwe ngɔb Unìs ya bèri. Mə kyèri kwàʼ tesiʼ gha à ya bə̀ kwàʼ iku ibḛfiŋ we ne àghò bèri.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

1 Pità 2:2

Mbə̀ niŋ ìwən nyɔd icheg bɔn bɔd ne kiri nyɔŋɔ ibən. Mbə̀ kəbə yaʼ ibən zḛ zḛ we ne Azwighi Ŋwiye ze nàʼà. Mbə̰ mə̀ nyɔŋ ibən we, mbə biri təm kà icheg ne Ŋwiye fə pumni awən.

Ɨnû 14:5

Chəyi inug ako kweʼì dù inɔb inga ichug. Chəyi anug tibɔ̀ŋ mɔ̀ʼɔ ne tì wə̀d ya ghà imbə̀ʼ awɔb.