Mk 10:1 - Ikan feg

¹ Yeso ya nɔ̀ʼ a Kàpenàwum ghò aba aben ze a Jùdeyà bə̀ fɔrɔ injḭ igyi Jodàn. Tinɔ̰ bəd ya ywìrì ghò fète iban məd. Ane, wì ya ko ni chwìti inug inɔb icheg ne wì yaya kà ghìyə̀.

Meta’

¹ Yeso nyaʼa nɔ̀ʼ rɨ əsɨ ze wò əbà əbeŋ ze rɨ ə Jùdeyà bə̀ fɔrɨ ɨnjin ɨgyɨ̂ Jodàn. Mɨnɔ̂n bə̂d nyaʼa yì wò fetɨ ɨban ɨməd. Əne wɨ̀ nyaʼa kɔ chwi ɨnû əmbɨ mɨ̀mə̌d ɨchî nɨ wɨ̀ nyaʼə mɨ̀ə̀ ghɨ̀ə̀.

Mk 10:1 ပူးပေါင်းရင်းမြစ်များ

Matìyò 26:55

Yeso ya si bìri abə tinɔ̰ bəd mbe gha, “Mbə kə̀ si yèʼe ni gwì amə tì tibeg ibid fɔrɔ mboʼ icheg ni gha mo ya tìka iji? Mə yaya chùghə inga mbàn Ŋwiye mà ineg ijìm, chwìte inug inən, chəyi mbə̀ ya gwi amə.

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Mk 1:21

Yeso tì ìmbi mə̀mə̀nənùg ya ghò nyi inga Kàpenàwum. Àsi igun aneg àzwètì mə̀Ju ze ne ya beni abɔ̀ʼ, wì ya ghò nyi ko chwìti inug inga ichamì Ŋwiye we ne ya yaʼi asiŋi ze.

Mk 10:2

Mə̀Farìsi mɔ̀ʼɔ ya ghò ibo ni kwàʼrì aməd. Ane, mbi ya biri ibo gha, “Mə̀nɔ̀ʼɔ̀ wa chwi gha mbaŋà sàkì inam tì ìwi iweg?”

Mk 12:35

Anyumə̀ ne Yeso yaya chwìte inug inga mbàn Ŋwiye, wì ya biri gha, “Mə̀chwitì mə̀nɔ̀ʼɔ̀ kə gha Wə̀d we ne Ŋwiye zɔ̀ʼi ya ŋwan ane aghaŋ Dèvid iye?

Mk 14:49

Mə ya yaʼ tì inən chwìti inug inga mbàn Ŋwiye ineg ijìm. Anyumə̀ we chəyi mbə̀ ya gwi amə. Si ya gha, anug ze ne mbi ya ŋwàʼri inga Àŋwàʼrì Ŋwiye mənyìʼ dù ane tesiʼ.”

Mk 2:13

Yeso ya ywìrì bə̀ndì ghò iban atəŋ ze a Galìli. Inɔ̰ bəd ya ghò abɔ̀ʼ məd. Ane, wì ya ko se chwìte inug inɔb.

Mk 4:2

Wì ya ko ni chwiti inug nɔʼ nɔʼ inɔb ane tìngam məgri. Wì ya ghà inɔb gha:

Mk 6:2

Igun aneg àzwètì mə̀Ju, wì ya ko ni chwiti inug inga ichamì Ŋwiye. Bəd nɔʼ nɔʼ mbe ne ya yaʼi angu ya zug inug mbe yeti, ane bìri gha, “Wə̀d gho̰ kə̀ nìŋi inug mbo̰ ijìm aya? Wì kə̀ nìŋi iku iwe gho̰ aya? Mbə̀ nḛ inug yeti yeti ne we ghìyə̀!

Mk 6:34

Anyumə̀ ne mbi ya pe dù inga abaŋ igyi ze, Yeso ya bàd inɔ̰ bəd ne ya fə se angu kwàʼ ìwi kyen. Wì ya bèrì àsɔ̀mnəfiŋ igun inɔb imbə̀ʼ icheg ne, mbɔb ya yaʼ icheg njə̀g ne chəyi ti bere àjənjə̀g. Ane, wì ya ko ni chwiti inug nɔʼ nɔʼ inɔb.

Mk 6:6

Anug ya chè aməd icheg ne chəyi mbi ya beri ibḛfiŋ. Yeso yaya yḛ̀ nè chwìte inug inga isiŋi mbe ne ya yaʼi iban iban.

Jn 10:40

Yeso ya ghì ane, ywìrì bàni ghò injḭ igyi Jodàn, asiŋi ze ne Jɔn yaya nàʼà mənib abə bəd. Wì ya pè chùghi angu.

Jn 11:7

Wì ya si ghà abə ìmbi mə̀mə̀nənùg gha, “Mbə̀ ghiyə tì bəndə ghò a Jùdeyà.”

Jn 18:20

Yeso ya ywìtì ibo gha, “Mə yaya ghàmà asaŋ asaŋ, wə̀d ijìm zug. Mə yaya chwìte inug mà nyumə̀ ijìm inga məchamì Ŋwiye, kə̀ inga mbàn Ŋwiye asiŋi ne mə̀Ju məjìm yaya kà fète. Chəyi anug mɔ̀ʼɔ amɔʼ ne mə̀ ya chwiti inə̀mbi.