Matìyò 9:2 - Ikan feg

² Bəd mɔ̀ʼɔ ya bèʼì wə̀d ne buʼrə inga tìsa yèʼe ibo. Anyumə̀ ne Yeso ya bàri gha mbɔb bèrì ibḛfiŋ igun məd, wì ya ghà abə abuʼrə wə̀d ze gha, “Àmə ŋwan, àghò nyimbi fìŋ. Mə fə waʼ ìmbe inug tibɔ̀ŋ.”

Meta’

² Ənɨ wɨ̀ nyaʼa pè əŋgu, bə̂d mɔʼɔ nyaʼa bèʼ mbaŋə̀ ɨgwɨ ɨkon wò əsɨ məd. Mbaŋə̀ ze nyaʼa fə buʼrə. Ənɨ Yeso nyaʼa zə ɨchî nɨ bə̂d mbe nyaʼa nuŋ fîŋ ɨgwɨ ni, wɨ̀ nyaʼa ghà əmbɨ mbaŋə̀ ze nɨ nyaʼa buʼrə ni, “Yim fîŋ kyɨə wan. Mə fə waʼ mbe ɨnû rɨbɔ̀ŋ.”

Matìyò 9:2 ပူးပေါင်းရင်းမြစ်များ

Matìyò 14:27

Yeso ya ghà inɔb kwàʼ ati ati gha, “Mbə̀ nyimi fìŋ! À ya mo. Imbə̀ʼ mbə̰ bɔ awən”

Matìyò 4:24

Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Matìyò 6:12

Waʼ ìmba inug tibɔ̀ŋ icheg ne tì fə waʼi inug tibɔ̀ŋ abə bəd mbe ne gughi inug ina.

Matìyò 8:10

Anyumə̀ ne Yeso ya zughi anug azo̰, anug ya chè aməd, wì si ghà abə bəd ne yaya bène abɔ̀ʼ məd gha, “Mə ghà tesiʼ inən; chəyi mə̀ kiri bari wə̀d mɔ̀ʼɔ inga Izre ne beri iku ibḛfiŋ gho̰.

Matìyò 8:16

Anyumə̀ ikwìri, mbi ya niŋ bəd ndan ndàn ne izwighi tibɔ̀ŋ ya yaʼi inga inɔb yèʼe abə Yeso. Wì ya kamni izwighi tibɔ̀ŋ mbe ane ìngam ichug məd, bə̀ ghù bəd məjìm ne yaya ghɔ̰̀.

Matìyò 9:22

Yeso ya ghabri bàd aməd, si ghà ibo gha, “Abo, àghò nyimbi fìŋ. Ìwe ibḛfiŋ fə ghì aghɔn mèg igun ine.” Aghɔn ze ya bə̀ mèg kwàʼ ati.

Matìyò 9:5

Anug ne zami àkə aza? Àkə ni gha, ‹Mə waʼ ìmbe inug tibɔ̀ŋ› kə̀ àkə ni gha, ‹Nɔ̀ʼɔ yḛ̀›?

Matìyò 9:6

Mə ghàm anìŋ ni gha mbə̀ kyeri gha Ŋwan Wə̀d bèrì ika ni waʼ inug tibɔ̀ŋ abə bəd igun isəg.” Wì ya si ghàbri ghà abə abuʼrə wə̀d ze gha, “Àghò nɔ̀ʼɔ təm, kad àze abaʼ ghò ine achan.”

Mk 1:32

À ya yaʼ ikwikwiri we ne aneg àzwètì mə̀Ju ya fə meghi, bəd inga asiŋi ze ya niŋ bəd aghɔn məjìm fɔrɔ bəd mbe ne izwighi tibɔ̀ŋ ya yaʼi inga inɔb, ghò abə Yeso.

Mk 10:49

Yeso ya təm si ghà gha, “Mbə̀ kàrà aməd.” Anyumə̀ ne mbi ya kàri Bàtimìyòs, mbi ya ghà ibo gha, “Bɔti fìŋ! Nɔ̀ʼ titighe, Yeso we kàrà awe.”

Mk 5:34

Yeso ya ghà ibo gha, “Ìmə ŋwan, ìwe ibḛfiŋ fə ghì àze aghɔn mèg. Ìze ngəʼ fə bə̀ mèg yi. Si ghò ane àbɔrɔ̀bɔd.”

Mk 6:50

imbə̀ʼ icheg ne mbɔb məjìm ya bàd aməd se bɔ. Kwàʼ anyumə̀ we, wì ya ghàm inɔb gha, “Mbə̀ nyimbi fìŋ! Imbə̀ʼ mbə̰ bɔ awən. À ya mo.”

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 2:25

Chəyi wə̀d mɔ̀ʼɔ ndəŋ ya beri ni tòʼrì awɔb abə Yeso imbə̀ʼ icheg ne wì ya fə kyeri inug ijìm ne yaʼi inga ìtɔb fìŋ.

Jn 21:5

Yeso ya kàrì awɔb, ghà inɔb gha, “Ìmbum mə̀sə̀ʼ, chəyi mbə̀ gwi su mɔ̀ʼɔ?” Mbi ya ywìtì gha, “Chəyi.”

Ɨ̀fàʼì 14:9

Mbaŋà ze ya chughi aseg, bè zùghə anug ne Pɔl yaya ghà. Pɔl ya nèn aməd kwàʼ igun ife, kyèri gha wè bèrì ibḛfiŋ ne tì Yeso ghù aməd.

Ɨ̀fàʼì 19:12

Wì ya ghì gha, asiŋi ndwi ne Pɔl yaya fùghə nìme tì ndwigun ze ne wì yaya zìyè fàʼà te beri ika. Ane, bəd yaya nìŋə ndwi te ghò bètè bəd ne ghɔ̰ inga, ighɔn mèghè. Ndwi te yaya bə̀ ghìyə̀ izwighi tibɔ̀ŋ dùwə̀ inga bəd.

Ɨ̀fàʼì 23:11

Àsi izimi we, Anɔŋisəg ya dù təm iban Pɔl ghà ibo gha, “Imbə̀ʼ àghò bɔ awe ka. Kwàʼ icheg ne àghò ghàmi imbə̀ʼ amə a Jèrusalèm aŋa, àghò biri bə ghàm imbə̀ʼ amə a Rom.”

Rm 5:11

Anug kyen ndəŋ ya gha, tì we gyènde abə Ŋwiye anjìm Anɔŋisəg Yeso Kristo ne ghi tì si yaʼ mə̀sə̀ʼ Ŋwiye.

Jems 2:18

Wə̀d mɔ̀ʼɔ biri ghà gha, “Àghò bèrì ibḛfiŋ, mo bèrì tìghinùg chɔm.” Wì mə ghà ane, mə biri ghà ibo gha, “Chwi icheg ne àghò beri ibḛfiŋ witì bèrì tighi inug chɔm inum. Àsi mo, mə biri chwi ìmə ibḛfiŋ ine ane inug chɔm mbe ne mə ghìyə̀.”