Matìyò 7:3 - Ikan feg

³ Aton ne àghò ya nḛ̀ achəpi aghi ne yaʼi inga ighə abə ìwe ifi ne chəyi àghò ya bàrà akwiri iŋwen ne yaʼi inga ìwe tì ighə àkə gha?

Meta’

³ Əton nɨ àwɔ̀ ə zə əchəb əghɨ ze nɨ yeʼ ɨŋga ɨghə we aŋgɔb, àyɨə chəi àwɔ̀ ə zə əkwirɨ ɨwəŋ ze nɨ yeʼ ɨŋga e ɨghə kɨ ɨmbə̀ʼ ə yè ə?

Matìyò 7:3 ပူးပေါင်းရင်းမြစ်များ

Matìyò 7:4

Àghò kə̀ che iye ni ghà abə ìwe ifi gha, ‹Si mə̀ chiye achəpi aghi ne yaʼi ine inga ighə,› ne akwiri iŋwen yaʼi inga ìwe tì ighə?

Matìyò 7:5

Àghò ya wə̀d ne bèmnè inug! Fə bi chì akwiri iŋwen ze ne yaʼi ine inga ighə bɔŋ si bàd isiŋi icheg chɔm ni chì achəpi aghi ne yaʼi inga ighə abə ìwe ifi.

Lk 18:11

Icheg ne mbi ya gho ane, Farìsi we ya nɔ̀ʼ təm chàʼra Ŋwiye imbə̀ʼ ìwi nyɔd gha, ‹Ŋwiye mə nàʼ məyakà ine gha chəyi mə̀ yaʼi icheg mbaŋà tin. Mbaŋà tin ya məji, tì bəd ne ghìyə̀ inug tibɔ̀ŋ, tì bəd ne nɔ̀kɔ̀ mə̀yi bəd. Chəyi mə̀ bə̀ yaʼ icheg wə̀dtag gho̰.

Rm 2:1

Icheg ne ze yaʼi ane, àghò ne sɔ̀bɔ isaʼi igun bəd ndəŋ, chəyi tì àghò gha, “Chəyi mə̀ kə kyeri.” À ya ane imbə̀ʼ icheg ne anyumə̀ ne àghò we sɔ̀bɔ isaʼi igun wə̀d, à ya bə̀ isaʼi ne àghò we zìyè igun ìwe nyɔd. À ya ane imbə̀ʼ icheg ne, àghò we ne sɔ̀bɔ isaʼi igun bəd, àghò we bə̀ ghìyə̀ inug mbe ne mbɔb mbe ghìyə̀.

Gàlesìyà 6:1

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.