Matìyò 6:9 - Ikan feg

⁹ Ane, mbə̀ chaʼra Ŋwiye anìŋ: ‹Ìwa Mbaʼ ikaŋ àbɔ̀ŋɔ, Ghiyə gha bəd ghumni ìwe ikum.

Meta’

⁹ Mbə̀ kɔŋgɨ ə Ŋwiə̀ əni: 'A Mbǎʼ nɨ yeʼ ɨkaŋ, ghɨ ni bə̂d wumnɨ e ɨkum.

Matìyò 6:9 ပူးပေါင်းရင်းမြစ်များ

Matìyò 10:29

Imbə̀ʼ bəd ya fḛ̀ tèghubàʼ tibe ane iki ikab kwa kwa? Tesiʼ ya gha, àmə chəyi ìwən Mbaʼ bḛ, chəyi fi imɔʼ biri fen aseg.

Matìyò 23:9

Imbə̀ʼ mbə̰ kara awən wə̀d mɔ̀ʼɔ igun isəg ane ‹Mbaʼ›. Mbə bèrì Mbaʼ məyi imɔʼ ne yaʼi ikaŋ àbɔ̀ŋɔ.

Matìyò 26:29

Mə ghà inən gha, chəyi mə̀ biri ywìri no mənoʼ mbo̰ pè ane aneg ze ne mə̀ biri si no mənoʼ feg tì inən inga anug ìfɔ̀n ìmə Mbaʼ.”

Matìyò 26:42

Anyumə̀ ne Yeso ya gha ane, wì ya ywìrì ghò chàʼra Ŋwiye ane ighəm ne pè ane ibe gha, “Ìmə Mbaʼ, àmə chəyi icheg ne tì Àghò chi ngəʼ ìzo̰ igun inum, nji àghò ghiyə icheg ne àghò kə̀bi.”

Matìyò 5:16

Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Matìyò 6:14

Àghò mə waʼ inug tibɔ̀ŋ bəd, ìwe Mbaʼ we ne yaʼi ikaŋ àbɔ̀ŋɔ biri bə waʼ ìmbe tì inug tibɔ̀ŋ.

Matìyò 6:6

Àghò mə kə̀b ni chàʼra Ŋwiye, nyi inga àze atog nəb, wùbì inuʼ nəb, chàʼra Ŋwiye ne yaʼi ìwe Mbaʼ we ne yaʼi inə̀mbi. Ane, ìwe Mbaʼ we bàrà inug mbe ne bəd mbe ghìyə̀ inə̀mbi biri nàʼ ìze chùd.

Matìyò 7:11

Mbə̰ bəd ne ghìyə̀ inug tibɔ̀ŋ kə mə̀ kyèri icheg ni nàʼ ighi chɔm chɔm abə ìmbən bɔn, mbə̀ si kɔ̀ndi icheg ne ìwən Mbaʼ we ne yaʼi ikaŋ àbɔ̀ŋɔ biri taŋ nàʼ ighi chɔm chɔm abə bəd mbe ne nɔ̰ ighi ibo.

Lk 15:18

Mə biri bə̀ndì ghò abə ìmə mbaʼ. Mə biri pe ghà ibo gha, Ìmə mbaʼ, mə fə gùg anug ine fɔrɔ abə Ŋwiye.

Lk 15:21

Ŋwan we ya ghà ibo gha ‹Ìmə mbaʼ, mə gùg anug ine fɔrɔ abə Ŋwiye. Chəyi mə̀ ywirì kòʼ ni yaʼ ìwe ŋwan.›

Lk 2:14

“Ighumni yaʼ abə Ŋwiye ikaŋ àbɔ̀ŋɔ, àbɔrɔ̀bɔd yaʼ abə bəd mbe ne məd gyḛ igun isəg.”

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Rm 1:7

Ane, mə̀ ya ŋwàʼrà anìŋ abə bəd Kristo məjìm mbe ne yaʼi a Rom. Ŋwiye taŋ kɔ̀ŋ awən bə̀ chɔʼ awən gha mbə̀ yaʼ ìmbi bəd. Ŋwiye ìwa Mbaʼ fɔrɔ Anɔŋisəg Yeso Kristo ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

Rm 8:15

Azwighi ze ne Ŋwiye fə nàʼi inən ya kayi ni ghì gha mbə̀ yaʼ ìbòʼì bə̀ ya bɔ. Azwighi ze ya ni ghì gha mbə̀ yaʼ bɔn Ŋwiye. À ya Azwighi ze ze bə̀ nàʼà ika ina tì kara Ŋwiye gha, “Ìwa Mbaʼ, Ìwa Mbaʼ.”

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

1 Timotì 6:16

À ya məyi məd we imɔʼ ne chəyi wì biri nɔʼ ku. Məd ya chùghə inga ìzḛzḛ we ne chəyi aneg ne tì wə̀d tìndi iban. Chəyi wə̀d mɔ̀ʼɔ kweʼì bàd aməd. Chəyi wə̀d mɔ̀ʼɔ biri nɔʼ bàd aməd. Bəd igun isəg ijìm ghumni aməd, məd bə tùmbì isəg ane ika we ne yaʼi ane ighə̀m imɔʼ. À ya ane.

1 Pità 1:17

Mbə̀ wendi gha Mbaʼ we ne mbə̰ mbe kàrà anyumə̀ ne mbə̰ mbe chàʼrà Ŋwiye ya wə̀d ne chəyi we ghìyə̀ ighə anyumə̀ ne məd we sàʼa bəd ane ìmbɔb ìfàʼì. Ane, mbə̰ ne yaʼi bəd tìsɔ̀ʼ igun isəg aŋa, mbə̀ se ghùmnə aməd ane ìwən ikuchèg ane nyumə̀ we ne mbə̀ kiri beri ni chughi igun isəg.

Ɨnû 4:11

“Anɔŋisəg, ìwa Ŋwiye, Àghò kòʼ gha mbe ghumni awe bə̀ ghà gha Àghò bèrì ika imbə̀ʼ icheg ne à ya Àghò tàngi ighi ijìm. Ighi ijìm bə̀ yaʼ kwàʼ icheg ne àghò ya kə̀bi gha mbe yaʼ.”

Ɨnû 5:12

Mbi ya zə̀ʼ ikyeg ane gì ka ka gha, “Ŋwan njə̀g we ne mbi ya kyemi we kòʼ gha mbe naʼa ika ibo, nàʼ ighi ibo, nàʼ iwe ibo, nàʼ ighumni ibo bə̀ nàʼ məyakà ibo.”