Matìyò 6:2 - Ikan feg

² Anyumə̀ ne àghò we nàʼà aghi abə wə̀d ne chəyi àzi məd, imbə̀ʼ àghò fə awe tàŋ se chètè icheg ne bəd mbe ne bèmnè inug mbe ghìyə̀ inga məchamì Ŋwiye bə̀ fɔrɔ ane itog izib. Mbɔb ya ghìyə̀ ane ni ghì gha bəd se chɔ̀tɔ̀ awɔb. Mə gha tesiʼ inən gha, mbɔb fə bèrì chùd ane àzɔb àfàʼì.

Meta’

² “Əne ənɨ àwɔ̀ ə nàʼ ɨghɨ əmbɨ wə̀d ŋgəʼ, tɨrə̀ fə e tàŋ ɨchî nɨ ɨbekɨ bə̂d ə ghɨ̀ ɨŋga nəb tɨ ə̀kàtɨ̀ bə̀ ghɨ̀ ɨtu ɨzib. Ɨ mbɨə ghɨ̀ əne ɨmbə̀ʼ bə̂d yiirɨ mɨ̀mə̌d. Mə ghà rəsìʼ ɨ nən ni mbɨ fə berɨ ə ɨchɔʼ ə̀fàʼì.

Matìyò 6:2 ပူးပေါင်းရင်းမြစ်များ

Matìyò 15:7

Mbə̰ ya kwàʼ bəd ne bèmnè inug! Wə̀dkə̀n Ŋwiye Àzayà ya ghà inug ne koʼi imbə̀ʼ awən icheg ne wì ya gha,

Matìyò 16:3

Àsi isusu, mbə̰ ya ghà gha, ‹Tèchɔ̀ŋ, afim biri chè imbə̀ʼ icheg ne nyùmə̀ we bàŋà, isiŋi bə̀ ndwìʼè.› Mbə̰ kyèri ni tòʼrì inug imbə̀ʼ àbɔ̀ŋɔ, à yaʼ inug ne dùwə̀ inga nyùmə̀ isəg gho̰, chəyi mbə̀ kyeri.

Matìyò 22:18

Yeso ya fə kyeri tikɔndi tibɔ̀ŋ ne mbi ya bèri. Ane, wì ya si ghà inɔb gha, “Mbə̰ ya kwàʼ bəd ne bèmnè inug! Aton ne mbə̰ mbe kə̀bə̀ ni kwàʼrì mə àkə gha?

Matìyò 23:5

Mbɔb ya ghìyə̀ inug ijìm ni gha bəd bara awɔb. Ìmbɔb ìbàn gɔb ne mbe ŋwàʼrà Ìngam Ŋwiye zìyè inga ya kwàʼ ìmbi kyen kyen. Mbɔb ya ta ìtɔb ndwi zìyè itɔŋ ne taŋ sà angu.

Matìyò 23:6

Anyumə̀ ne mbɔb gho ane iteri fɔrɔ anyumə̀ ne mbɔb yaʼi inga ichamì Ŋwiye mbɔb ya kà kɔ̀ŋɔ̀ məyi itən bəd kyen kyen.

Matìyò 24:51

Mbaʼ àfàʼì we biri pè taŋ chə wə̀d àfàʼì we, màʼ aməd inga asiŋi ne bəd mbe ne bèmnè inug yaʼi angu, ne ya asiŋi ze ne mbi biri se dèghè kùrə asɔŋ.”

Matìyò 5:18

Mə gha tesiʼ inən gha, ghò pè ane nyumə̀ ne ikaŋ fɔrɔ isəg biri chè nim, chəyi iki achəpi ane ighə àŋwàʼrì ifibì inga inug mbo̰ ne mbi ŋwàʼri inga mə̀nɔ̀ʼɔ̀ Muse biri chè ako witì inug mbo̰ ijìm dù ane tesiʼ.

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 6:3

Ze bɔ̀ŋ gha, àghò mə nàʼ ighi abə wə̀d ne chəyi àzi məd, imbə̀ʼ àghò bḛ awe gha wə̀d ne yaʼi iban ine wì kyeri aghi ne àghò nàʼi.

Matìyò 6:5

Yeso ya chè imbìghè gha, “Anyumə̀ ne mbə̰ mbe chàʼrà Ŋwiye, imbə̀ʼ mbə̰ ghiyə awən icheg bəd ne bèmnè inug. Mbɔb ya kɔ̀ŋɔ̀ ni təm inga məchamì Ŋwiye fɔrɔ iban inɔnjì bɔŋ se chàʼrà Ŋwiye. Mbɔb ya ghìyə̀ ane məyi ni gha bəd bara awɔb. Mə gha tesiʼ inən gha, mbi fə bèrì ìzɔb chùd.

Matìyò 7:5

Àghò ya wə̀d ne bèmnè inug! Fə bi chì akwiri iŋwen ze ne yaʼi ine inga ighə bɔŋ si bàd isiŋi icheg chɔm ni chì achəpi aghi ne yaʼi inga ighə abə ìwe ifi.

Mk 12:39

Mbi ya kɔ̀ŋɔ̀ ni chughi igun itən mbe ne yaʼi imbìghè inga məchamì Ŋwiye. Mbi ya bə̀ kɔ̀ŋɔ̀ ni chughi igun isiŋi ighumni ane isiŋi inug jəghi.

Mk 7:6

Wì ya ywìtì inɔb gha, “Wə̀dkə̀n Ŋwiye Àzayà ya ghà anug ne koʼi imbə̀ʼ awən, mbə̰ bəd ne bèmnè inug. Wì ya ŋwàʼrì gha, ‹Bəd mbo̰ mbe ghùmnə amə ane ìmbɔb mə̀chùg, si ya gha, ìtɔb fìŋ te agha se.

Lk 11:41

Ane, mbə̀ naʼa ighi ijìm ne yaʼi inga ìtən itoʼ fɔrɔ inga ìmbən ikaŋ abə bəd ne chəyi àzɔb. Mbə̰ mə̀ ghì ane, ìmbən ighi ijìm biri si zen icheg ne mə̀nɔ̀ʼɔ̀ chwi.

Lk 11:43

Ngəʼ kyen biri nyi igun inən, mbə̰ mə̀Farìsi imbə̀ʼ icheg ne, mbə kɔ̀ŋ ni chughi igun itən bəd kyen inga ichamì Ŋwiye. Mbə̰ ya bə̀ kɔ̀ŋɔ̀ anug ni gha bəd ya chàʼrà awən ane ighumni inga iywin.

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 12:56

Mbə̰ ya kwàʼ bəd ne bèmnè inug! Mbə kyèri icheg ni nèn isiŋi, bə̀ nḛ̀ àbɔ̀ŋɔ, ghà anug ne biri dù. Mbə̀ kə se gha chəyi mbə̀ si kyèri icheg ni tòʼrì nyumə̀ isəg gho̰ iye?

Lk 13:15

Anɔŋisəg ya ywìtì ibo gha, “Mbə̰ ya kwàʼ bəd ne bèmnè inug! Àkə chəyi wə̀d imɔʼ imɔʼ abɔ̀ʼ inən ya niŋi ìti nyam inga ikam ghò chà ti no mənib igun aneg àzwètì.

Lk 20:46

Mbə̀ niŋə nyùmə̀ imbə̀ʼ mə̀chwitì mə̀nɔ̀ʼɔ̀. Mbi ya kɔ̀ŋɔ̀ anug ni zì ndwi ifɔn ŋa yḛ̀. Mbi ya bə̀ kɔ̀ŋɔ̀ anug ne gha bəd ya chàʼrà awɔb ane ighumni inga isiŋi iywin. Mbi ya bə̀ kɔ̀ŋɔ̀ anug ni chughi igun itən bəd kyen inga məchamì Ŋwiye fɔrɔ anug ne niŋ ìtən ighumni ane isiŋi inug jəghi.

Lk 6:24

Yeso ya bə̀ gha, “Ngəʼ kyen biri nyi igun inən mbə̰ mbe ne àzən yaʼi angu, imbə̀ʼ icheg ne mbə̰ fə jəg ìwən ìchɔ̀mì.

Lk 6:42

Tì àghò ghà abə ìwe ifi gha, ‹Ìmə ifi, si mə chìye achəpi aghi ine inga ighə›, ne akwiri iŋwen yaʼi ine inga ìwe tì ighə? Àghò wə̀d àbèmni inug, àghò fə bi chì akwiri iŋwen ne yaʼi ine inga ìwe tì ighə, bɔŋ kə si bàd icheg ni chì achəpi aghi ne yaʼi inga ighə abə ìwe ifi.”

Jn 13:29

Mbi mɔ̀ʼɔ yaya kɔ̀ndɔ gha, icheg ne Judàs yaya nyìme àbàn ikab, ighəm mɔ̀ʼɔ, Yeso ya ghà ibo gha wì gho zon ighi ne mbi biri jəg iteri kə̀ ghà gha wì gho nàʼ ikab mɔ̀ʼɔ abə bəd ne chəyi àzɔb.

Jn 5:41

Chəyi mə̀ kə̀bə̀ gha bəd ghumni amə

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Jn 7:18

Wə̀d we ne chwìte ìmbi tì inug we ghìyə̀ ane imbə̀ʼ bəd ghùmne məd. Àsi wə̀d we ne fàʼà yaʼ ni ghì gha bəd ghumni wə̀d we ne cha aməd, tengàŋ ya wə̀d ne ghà tesiʼ. Chəyi məd we ghà inug ako.”

Ɨ̀fàʼì 10:2

Wì ya nɔ̀ŋì fìŋ igun Ŋwiye. Məd tì inəbi məd ijìm yaya ghùmnə Ŋwiye. Wì yaya nàʼà ighi abu abu abə bəd ne chəyi àzɔb bə̀ chàʼrà Ŋwiye mà nyumə̀ ijìm.

Ɨ̀fàʼì 10:31

Wì ya təm inum imbìghè ghà inum gha, ‹Kònilìyùs! Ŋwiye fə zug àze àdìghì. Wì fə bə̀ bàd ighi mbe ne àghò we nàʼà abə bəd ne chəyi àzɔb.

Ɨ̀fàʼì 10:4

Kònilìyùs ya nèn angirə̀ we, kəm, ibɔ gwì, wì si bìri ibo gha, “Masà, àkə aghə?” Angirə̀ we ya ywìtì ibo gha, “Ŋwiye we taŋ gyènde imbə̀ʼ awe imbə̀ʼ icheg ne àghò we chàʼrà Ŋwiye fɔrɔ imbə̀ʼ àwètì ze ne àghò we nàʼà abə bəd ne chəyi àzɔb. Ane, wì biri nàʼ iywiti ichug ine ane ìwe ichaʼri Ŋwiye.

Ɨ̀fàʼì 11:29

Mə̀mə̀nənùg ya niŋ isɔbi anug ni nàʼ àwètì abə bəd mbe ne yaya chùghə a Jùdeyà ne ya nɔŋi ìwɔb ibḛfiŋ igun Yeso Kristo. Wə̀d imɔʼ imɔʼ ya nàʼ ighi icheg ne wì ya bèri.

Ɨ̀fàʼì 24:17

Ane tituʼ nɔʼ nɔʼ ya che, mə̀ ya ywìrì ghò a Jèrusalèm ni nàʼ ighi abə ìmbum bəd aben mbe ne chəyi àzɔb, bə̀ nàʼ ighi àfàtì abə Ŋwiye.

Ɨ̀fàʼì 9:36

Anyumə̀ we ne Pità ya yaʼi a Lidà, àyi mɔ̀ʼɔ ne ya bḛ Kristo yaya chùghə a Jopà. Ikum məd ya Tàbità. Ikum məd ane ìngam Grig ya Dòkas. Wì yaya ghìyə̀ inug chɔm bə̀ wètè bəd ne chəyi àzɔb.

Rm 12:8

Ineʼi wə̀d mə̀ yaʼ ni nəri bəd, wì taŋ zì atog fàʼ kwàʼ icheg chɔm. Ineʼi wə̀d mə̀ yaʼ ni wètì bəd, wì ya bə̀ nàʼà ighi abə bəd ane ìzi fìŋ ijìm. Wə̀d ne ineʼi məd ya ni saʼ bəd, wì ya sàʼa bəd kwàʼ icheg chɔm. Wə̀d ne ineʼi məd ya ni ghì ìchɔ̀mì abə bəd, wì ya bə̀ fàʼà ane ìzi fìŋ ijìm.

1 Kɔrèn 13:3

Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

Gàlesìyà 2:10

Anug ne mbɔb ya gha ina məyi gha, tì ya kɔ̀ndɔ anug ni wètì bəd ifum. Aŋa ya anug ne mə̀ yaya bè kə̀bə̀ ni fàʼ ane ìmə fìŋ ijìm.

Efesùs 4:28

Wə̀d ne jìye, imbə̀ʼ wì ywiri jiye yi. Wì se fàʼà kwàʼ ane ìmbi ibo imbə̀ʼ bèrì ighi ne tì wì nàʼ mbi mɔ̀ʼɔ abə bəd ne chəyi àzɔb.

1 Tèsàlonikà 2:6

Chəyi tì yaya kə̀bə̀ gha mbə̰ kə̀ bəd ndəŋ ya ghùmnə awa.

1 Timotì 6:18

Àghò gha inɔb gha mbɔb ya ghìyə̀ ìchɔ̀mì abə bəd, sàŋna tì bəd, bə̀ nàʼà ighi abə bəd ne chəyi àzɔb.

Filemɔ̀n 1:7

Ìmə ifi, icheg ne àghò we kɔ̀ŋɔ̀ bəd Kristo angu fə nəri ìmə fìŋ bə̀ ghì mə se gyènde. Mə ya gyènde imbə̀ʼ icheg ne àghò fə ghì fìŋ abə bəd Ŋwiye zùtì.

Mə̀Hibrù 13:16

Ane, imbə̀ʼ tì wàʼa awa anug ni ya ghìyə̀ ìchɔ̀mì abə bəd tì anug ni ya ghàpà ighi ne tì beri tì bəd imbə̀ʼ icheg ne à ya icheg aghi àfàtì ne ghìyə̀ Ŋwiye gyènde.

1 Pità 4:11

Wə̀d mɔ̀ʼɔ mə̀ ya ghàmà Ìngam Ŋwiye, wì ya ghà məyi anug ze ne Ŋwiye gha ibo. Wə̀d imɔʼ imɔʼ ya fàʼà abə mə̀mbin icheg ne Ŋwiye we nàʼà ika ibo. Tì mə ghì ane, bəd biri ya ghùmnə Ŋwiye ane inug ijìm anjìm Yeso Kristo. Ighumni ijìm fɔrɔ ka ijìm yaʼ abə Ŋwiye kwàʼ ane ighə̀m imɔʼ. À ya ane.