Matìyò 6:1 - Ikan feg

¹ Yeso ya chè imbìghè gha “Mbə̀ we awən imbə̀ʼ anug ni ya ghìyə̀ inug ne təmi kòʼ imbìghè abə bəd ni gha bəd bara awən. Mbə̰ mə̀ ya ghìyə̀ ane, nji chəyi ìwən mbaʼ ikaŋ àbɔ̀ŋɔ biri nàʼ chùd inən ane àzən àfàʼì.

Meta’

¹ “Mbə̀ we əwən ni tɨ mbə̀ ghɨ ə ɨnû mbe nɨ kuʼnɨ ɨfě bə̂d, àmei ɨmbə̀ʼ mbɨ zə əwən. Mbə mɨ ghɨ əne, njɨ chəi ə Mbǎʼ we nɨ yeʼ ɨkaŋ bɨrɨ chɔʼ ə ə̀fàʼì.

Matìyò 6:1 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 16:6

Yeso ya ghà inɔb gha, “Mbə̀ we awən imbə̀ʼ àfòrì mə̀Farìsi tì mə̀Sadùsi.”

Matìyò 23:13

Yeso ya chè imbìghè gha, “Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe kə̰ inuʼ akɔŋi gha imbə̀ʼ bəd nɔ̀ʼ nyi inga anug ìfɔ̀n ikaŋ. Chəyi mbə̰ mbe nyḭ̀yḛ inga. Chəyi mbə̰ mbe bə̀ kə̀bə̀ gha bəd ndəŋ ne kirə ika ni nyi inga, mbe nyi.

Matìyò 23:5

Mbɔb ya ghìyə̀ inug ijìm ni gha bəd bara awɔb. Ìmbɔb ìbàn gɔb ne mbe ŋwàʼrà Ìngam Ŋwiye zìyè inga ya kwàʼ ìmbi kyen kyen. Mbɔb ya ta ìtɔb ndwi zìyè itɔŋ ne taŋ sà angu.

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Matìyò 5:16

Ane, mbə̰ bə ghì gha ìwən ìzḛzḛ ya zùʼə bəd məjìm ya bàrà. Bəd biri se bàrà ìmbən inug chɔm se nàʼà ighumni abə ìwən Mbaʼ we ne yaʼi ikaŋ àbɔ̀ŋɔ.”

Matìyò 5:46

Mbə̰ mə̀ ya kɔ̀ŋɔ̀ məyi bəd mbe ne bə̀ kɔ̀ŋɔ̀ awən, Ŋwiye kə si nàʼ chùd ane àzən àfàʼì iye? Imbə̀ʼ aŋa ya icheg ne bədtag mbe bə̀ ghìyə̀?

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 6:9

Ane, mbə̀ chaʼra Ŋwiye anìŋ: ‹Ìwa Mbaʼ ikaŋ àbɔ̀ŋɔ, Ghiyə gha bəd ghumni ìwe ikum.

Mk 8:15

Ane, Yeso ya pàti awɔb gha, “Mbə̀ niŋ nyùmə̀, bə̀ we awən imbə̀ʼ àfòrì mə̀Farìsi tì àzi Erɔ̀d.”

Lk 11:35

Mbə̀ kirə ika ni gha, imbə̀ʼ ìzḛzḛ we ne yaʼi inga inən si nɔ̀ʼ bə̀ŋə̀ ane afub.

Lk 12:1

Icheg ne inɔ̰ bəd ya fete nyə̀mə̀ nyə̀mə̀ mbi mɔ̀ʼɔ se tə̀ʼrə̀ mə̀mbin, Yeso ya bì ko ni ghàm abə mə̀mə̀nənùg məd. Wì ya ghà inɔb gha, “Mbə̀ pati awən imbə̀ʼ àfòrì ze abə mə̀Farìsi. Àfòrì ze ya ìmbɔb inug fubri.

Lk 12:15

Wì ya si ghà abə inɔ̰ bəd we gha, “Mbə̀ pata awən bə̀ we awən imbə̀ʼ anug ni ghə̀ʼrì ighi. Chəyi wə̀d we kweʼè chùghə izɔm imbə̀ʼ icheg ne wì beri ighi nɔʼ nɔʼ.”

Lk 16:15

Wì ya ghà inɔb gha, “À ya mbə̰ ne chwìte abə bəd gha mbə̰ təm kòʼ. Ighi ne bəd igun isəg mbe nìŋə gha à ya ijiʼi ighi ya ighi ne yaʼi ati ako abə Ŋwiye. Ŋwiye kyèri ìtən fìŋ.

Jn 12:43

Itog bəd aben mə̀Ju ya kɔ̀ŋ gha bəd ghumni awɔb chè icheg ne Ŋwiye biri ghumni awɔb.

Jn 5:44

Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Ɨ̀fàʼì 3:12

Anyumə̀ ne Pità ya bàri inɔ̰ bəd we, wì ya ghà inɔb gha, “Məmbon, mbə̰ mə̀Izre, anug azo̰ kə chè awən iye? Mbə kə se nḛ̀ awa nḛ icheg ni gha à ya ane ìwa ika kə̀ anjìm ìmba inug chɔm ne tì ghi wə̀d gho̰ nɔ̀ʼ se yḛ̀?

Gàlesìyà 6:12

Bəd mbe ne kə̀bə̀ gha mbi mənyìʼ ŋwed bəd ya bəd ne kə̀bə̀ ni chwi asaŋ asaŋ gha mbɔb bɔ̀ŋ. Mbɔb ya ghìyə̀ ane məyi imbə̀ʼ icheg ne chəyi mbi kəbi gha bəd chɔʼ ìmbɔb ibɔʼì ighog anjìm icheg ne mbɔb bḛ gha à ya məyi iwu Kristo igun azed abaʼri we ghìyə̀ bəd pumə̀.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Mə̀Hibrù 2:1

Ze bɔ̀ŋ gha tì mənyìʼ zì atog taŋ nyìmi inug ijìm mbe ne tì ya zughi ni gha imbə̀ʼ tì nɔ̀ʼ sàŋì se fàʼà yaʼ ìmbi ndəŋ.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

2 Jɔn 1:8

Mbə̀ niŋ nyumə̀ imbə̀ʼ mbə̰ nɔ̀ʼ sam aghi ze ne mbə̀ fə fàʼi. Mbə̀ kirə ika ni bèrì yaʼ chùd ane àfàʼì ze kwàʼ ijìm.