Matìyò 5:7 - Ikan feg

⁷ Ŋwiye zì àbɔrɔ̀bɔd igun bəd mbe ne dìgrè igun mə̀mbin, imbə̀ʼ icheg ne məd biri dìgrì igun inɔb.

Meta’

⁷ Ŋwìə̀ zɨ əbɔrəbɔd ɨgun ə bə̂d mbe nɨə dììrɨ̀ mbɨ cherə, ɨmbə̀ʼ ɨghəm nɨ məd ziə bɨrɨ dììrɨ̀ mɨ̀mə̌d.

Matìyò 5:7 ပူးပေါင်းရင်းမြစ်များ

Mk 11:25

Anyumə̀ ne mbə̀ təmi ni chàʼra Ŋwiye, mbə̀ waʼ inug mbe ne ìmbən məfi fɔrɔ ìtən njàbi gughi inən, ni gha ìwən Mbaʼ we ne yaʼi ikaŋ àbɔ̀ŋɔ bə waʼ ìmbən tì inug tibɔ̀ŋ.”

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Rm 11:30

Àsi awən, mbə̰ mbe ne kayi mə̀Ju, mbə̀ kyeri gha mbə yaya ghùmə̀ ghìyə̀ tìzughə̀ abə Ŋwiye. Àsi amad anìŋ, Ŋwiye fə chwi àsɔ̀mnəfiŋ inən imbə̀ʼ icheg ne mə̀Ju ghi tìzughə̀.

1 Kɔrèn 7:25

Amad anìŋ, mə kə̀b ni ghàm imbə̀ʼ bɔn àyi mbe ne chəyi mbi kiri nami. Chəyi Anɔŋisəg nàʼ ikə mɔ̀ʼɔ inum gha mə gha inən imbə̀ʼ awɔb. Si ya gha, mə biri nàʼ yaʼ àmə ikɔndi icheg wə̀d ne Anɔŋisəg dìgri igun inum ghì mə yaʼ wə̀d ne tì mə ghà anug mbə bḛ.

2 Kɔrèn 4:1

Icheg ne Ŋwiye chwi àzi àsɔ̀mnəfiŋ ina bə̀ nàʼ àfàʼì azo̰ ina, chəyi ìta fìŋ biri bɔd.

Efesùs 4:32

Mbə̀ ya ghìyə̀ inug chɔm bə̀ bèrè àsɔ̀mnəfiŋ igun mə̀mbin bə̀ waʼ inug tibɔ̀ŋ bəd kwàʼ icheg ne Ŋwiye che anjìm Kristo waʼ ìmbən tì inug tibɔ̀ŋ.

Kòlosè 3:12

Mbə̰ ya si bəd Ŋwiye. Wì ya kɔ̀ŋ awən, chɔʼ awən ane ìmbi bəd. Ane, mbə̀ ya bèrè àsɔ̀mnəfiŋ bə̀ ya ghìyə̀ ìchɔ̀mì abə bəd. Mbə̀ ya swìye ìwən nyɔd aseg, bə̀ ya ghìyə̀ inug ane àbɔrɔ̀bɔd bə̀ ya bèrè inyimbifiŋ.

1 Timotì 1:13

Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

1 Timotì 1:16

Ŋwiye ya chwi àsɔ̀mnəfiŋ inum, mo wə̀d inug tibɔ̀ŋ ne bə chè, ni ghì gha Yeso Kristo chwi ìwi inyimbifiŋ ne chəyi wì beri ìnwḭ. Àzo̰ biri chwi aneni abə bəd mbe ne biri bḛ Yeso, jəg ìtḛ̀ ighə̀m imɔʼ.

Mə̀Hibrù 4:16

Ane, tì taŋ bḛ Ŋwiye icheg chɔm, ghò ibo imbìghè, məd we ne ghìyə̀ ìchɔ̀mì ina. Tì mə ghì ane, məd biri bèrì àsɔ̀mnəfiŋ igun ina bə̀ ghì ìchɔ̀mì ina mà nyumə̀ ijìm ne te kə̀bə̀.

Mə̀Hibrù 6:10

Ŋwiye kayi wə̀d ne chwìye icha. Chəyi məd biri nèbì ìmbən ìfàʼì fɔrɔ àzən àkɔ̀ŋì ne mbə̰ mbe chwìye ibo, icheg ne mbə̰ mbe wètè bəd məd, bə̀ kiri che imbìghè ni ya wètè awɔb.

Jems 2:13

Mbə̀ ghiyə ane imbə̀ʼ icheg ne anyumə̀ ne Ŋwiye biri saʼ bəd, chəyi wì biri dìgrì igun bəd mbe ne chəyi mbɔb inɔb mbe bə̀ dìgrè igun bəd ndəŋ. Wə̀d ne dìgrè igun bəd, Ŋwiye biri bə dìgrì igun məd anyumə̀ ne wì biri sɔb isaʼi.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 2:10

À ya yaʼ anyumə̀ mɔ̀ʼɔ, chəyi mbə̀ ya yaʼi bəd Ŋwiye. Àsi amad anìŋ, mbə̰ ya si bəd Ŋwiye. À ya yaʼ anyumə̀ mɔ̀ʼɔ, chəyi Ŋwiye ya kiri digri igun inən. Àsi amad anìŋ, wì fə dìgrì igun inən.