Matìyò 5:22 - Ikan feg

²² Anug ne mə ghà inən amad anìŋ ya gha: Wə̀d mɔ̀ʼɔ mə̀ gaŋ tì ìwi ifi, mbi biri saʼ aməd. Wə̀d mɔ̀ʼɔ mə̀ zɔ̀mbì ìwi ifi, itog bəd ne sàʼa aben biri saʼ aməd. Wə̀d mə ghà abə ìwi ifi gha, ‹Àghò ya anen!› Wə̀d we ne gha ane kyeri gha mbi biri màʼ aməd inga iywid nɔʼ mèg, ne ya asiŋi ichə.

Meta’

²² Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Matìyò 5:22 ပူးပေါင်းရင်းမြစ်များ

Matìyò 10:17

Mbə̀ ya we awən tì bəd imbə̀ʼ icheg ne mbi biri gwì awən ghò nàʼ abə bəd ne sàʼa aben. Mbi biri ywiri awən inga ìmbɔb məchamì Ŋwiye.

Matìyò 10:28

Imbə̀ʼ mbə̰ bɔ awən bəd mbe ne zwète nyàmnyɔd ne chəyi tì mbi zweti azwighi. Mbə̀ bɔ yaʼ Məd we ne tì wì nìmni nyàmnyɔd bə̀ nìmni azwighi inga asiŋi ichə.

Matìyò 12:24

Anyumə̀ ne mə̀Farìsi ya zughi anug azo̰, mbi ya gha, “À ya Bezebɔ̀b, ifɔn izwighi tibɔ̀ŋ we nàʼà ika ni kamni izwighi tibɔ̀ŋ chì inga bəd abə wə̀d gho̰.”

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 18:21

Pità ya ghò pè bìri abə Yeso gha, “Anɔŋisəg, àkə aghəm sə̀ʼə ne mə beri ni waʼ inug tibɔ̀ŋ ne ìmə ifi ghi inum? Àkə aghəm ìsàmbe?”

Matìyò 18:35

Yeso ya si nwḭ̀yḛ̀ ghà inɔb gha, “À ya icheg ne ìmə Mbaʼ ne yaʼi ikaŋ àbɔ̀ŋɔ biri bə fàʼ tì bəd mbe ne chəyi mbi waʼi inug tibɔ̀ŋ abə ìmbɔb məfi kwàʼ ane ìzɔb fìŋ ijìm.”

Matìyò 23:15

Ngəʼ kyen biri nyi igun inən, mbə̰ mə̀chwitì mə̀nɔ̀ʼɔ̀ tì mə̀Farìsi! Mbə̰ ya kwàʼ bəd ne bèmnè inug! Mbə̰ mbe ghò mà isiŋi ijìm igun iseg bə̀ bàna tìbà ni ghì gha wə̀d bḛ àzən anug Ŋwiye. Anyumə̀ ne tengàŋ fə se bḛ, mbə ghì aməd wì bə chè awən achug abe bə̀ ghì wì nyi inga asiŋi ichə.

Matìyò 23:33

Mbə̰ ya kwàʼ jo! Mbə̰ ya kwàʼ ifighi! Mbə̀ kə dù inga ngəʼ ze ne yaʼi inga asiŋi ichə iye?

Matìyò 25:41

Wì biri ghà abə bəd mbe ne yaʼi ibo aba abo təŋ gha, ‹Mbə̰ ya bəd ndɔ̀n! Mbə̀ nɔʼɔ iban inum ghò nyi inga iywid ighə̀m imɔʼ, ne ìmə Mbaʼ ya fə tangi nɔ̀ŋì abə Debrə̀ tì mbè angirə̀ məd.

Matìyò 26:59

Itog bəd mbàn Ŋwiye fɔrɔ bəd məjìm ne yaya sàʼa aben ya ko se kə̀bə̀ bəd ne biri zì inug ako igun atog abə Yeso ni ghì gha mbe zweti aməd.

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”

Matìyò 5:34

Anug ne mə ghà inən amad anìŋ ya gha, imbə̀ʼ wə̀d zɔmɔ yi anug mɔ̀ʼɔ ka. Imbə̀ʼ wə̀d zɔmɔ yi anug kàrì ikaŋ àbɔ̀ŋɔ imbə̀ʼ icheg ne ikaŋ àbɔ̀ŋɔ ya atən ifɔn Ŋwiye.

Matìyò 5:44

Anug ne mə ghà inən amad anìŋ ya gha, mbə̀ kɔŋɔ ìmbən bəd ìpàb bə̀ chàʼra Ŋwiye abə bəd mbe ne chɔ̀ʼɔ ìmbən ibɔʼì ighog.

Mk 14:55

Itog bəd mbàn Ŋwiye tì bəd ne sàʼa aben məjìm ya ko se kə̀bə̀ bəd ne biri zì inug igun atog abə Yeso ni gha mbe zweti aməd. Mbi yaya kə̀bə̀ ane si ya gha chəyi mbi ya bàd wə̀d mɔ̀ʼɔ.

Mk 15:1

Kwàʼ isusu izimi izimi, itog bəd mbàn Ŋwiye tì bəd kyen mbe inga aben tì mə̀chwitì mə̀nɔ̀ʼɔ̀ bə̀ fɔrɔ itog bəd ne sàʼa aben məjìm ya nyimi ifeti ni chuʼri anug ne mbi biri ghì tì Yeso. Mbi ya chuʼri ane, kɔd aməd, niŋ ghò nàʼ abə Payilèd.

Lk 12:5

Mə biri chwi wə̀d ne mbe koʼi ni bɔ. Mbə̀ bɔ Ŋwiye imbə̀ʼ icheg ne, məd we tì wì zwèti wə̀d bə̀ kiri bèrì ika ni màʼ tengàŋ inga asiŋi ichə. E! À ya Ŋwiye ne mbə̀ koʼi ni bɔ.

Lk 22:66

Anyumə̀ ne ituʼ ya chəghi, itog bəd məjìm ya fete: bəd mbe ne saʼa aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ ya fete, ghì mbi niŋ Yeso yèʼe inɔb imbìghè.

Jn 11:47

Mə̀farìsi mbe tì itog bəd mbàn Ŋwiye fɔrɔ bəd mbe ne sàʼa aben ya chughi aseg, nyìmi ifeti, se bìre gha, “Ze kə anìŋ, tì ghə̀nə tì wə̀d gho̰? Mbə̀ nḛ iyeti inug ne wì ya fàʼà.

Jn 15:25

Àzo̰ ya yaʼ anìŋ, ni ghì gha, anug ze ne mə̀nɔ̀ʼɔ̀ gha, ze duwə ane tesiʼ gha: ‹Mbi ya pàbà amə, witì zə̰ aton.›”

Jn 7:20

Inɔ̰ bəd we ya ywìtì ibo gha, “Azwighi tibɔ̀ŋ ze inga ine. Wə̀d ne kə̀bə̀ ni zweti awe àkə we?”

Jn 8:48

Mə̀Ju ya biri abə Yeso gha, “Àkə chəyi tì koʼi ni ghà gha àghò ya wə̀d a Sàmarìyà, bə̀ ghà gha azwighi tibɔ̀ŋ ze inga ine?”

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 22:30

Atog wə̀d kyen igun mə̀sogyì ya kə̀b ni kyeri aton ne mə̀Ju mbe yaya zìyè isaʼi igun Pɔl. Ane, wì ya nɔ̀ʼ isu abɔ̀ʼ gha mbe za Pɔl. Wì ya bə̀ ghà abə itog bəd mbàn Ŋwiye fɔrɔ abə bəd ne sàʼa aben məjìm gha mbe yeʼe bɔ̀mbì. Ane, wì ya ghì Pɔl təm inɔb imbìghè.

Ɨ̀fàʼì 23:1

Anyumə̀ ne Pɔl təmi imbìghè abə itog bəd mbe ne yaya sàʼa aben, wì ya nèn awɔb kwàʼ igun ìfe, ghà inɔb gha, “Məmbon, mə yaya fàʼà àmə àfàʼì abə Ŋwiye kwàʼ ane fìŋ zḛ zḛ kə̀ bèyi amad anìŋ.”

Ɨ̀fàʼì 24:20

Icheg ne chəyi mbɔb yeʼe, bəd mbo̰ gha anug tibɔ̀ŋ ze ne mə̀ ya ghi anyumə̀ ne itog bəd ne sàʼa aben ya saʼi amə.

Ɨ̀fàʼì 4:15

Ane, mbi ya ghà abə Pità tì Jɔn gha mbe duwə isəg, kye ghò aba azin. Mbi ya bə̀ kye. Itog bəd mbe məjìm ya si chùm.

Ɨ̀fàʼì 5:21

Anyumə̀ ne ituʼ ya chəghi, mbi ya ghò nyi inga mbàn Ŋwiye, ko ni chwiti inug icheg ne angirə̀ we ya gha inɔb. Atog wə̀d igun bəd mbàn Ŋwiye tì bəd mbe ne ya yaʼi tì məd ya ghò kàrì itog bəd ne sàʼa aben məjìm tì itog bəd aben mə̀Ju məjìm gha mbe gho fète inga ìwɔb ichamì. Anyumə̀ ne mbi ya gho fète, mbi ya chà bəd gha mbe gho niŋ bədtɔm mbe inga nəb ndəŋ yèʼe.

Ɨ̀fàʼì 5:27

Mbi ya pè nɔ̀ŋì awɔb, mbi təm imbìghè abə bəd mbe ne sàʼa aben. Atog wə̀d igun bəd mbàn Ŋwiye ya biri inɔb gha,

Ɨ̀fàʼì 6:12

Mbi ya ghì ane nɔ̀ àbùrì inga bəd fɔrɔ inga itog bəd inga aben bə̀ fɔrɔ inga mə̀chwitì mə̀nɔ̀ʼɔ̀. Ane, mbi ya gwìye Stifə̀n niŋ ghò imbìghè abə bəd ne sàʼa aben.

Ɨ̀fàʼì 6:15

Bəd məjìm mbe ne ya chughi aseg ni saʼ Stifə̀n ya tɔŋ aghə igun məd, bàd gha ìfe məd ya kwàʼ icheg ìwi angirə̀.

Ɨ̀fàʼì 7:37

À ya Muse gho̰ ne ya ghà abə mə̀Izre gha, ‹Ŋwiye biri chɔʼ wə̀dkə̀n inga ìmbən bəd icheg ne wì ya chɔʼi amə.›

Rm 12:10

Wə̀d ijìm ya kɔ̀ŋɔ̀ ìmbi məfi fɔrɔ ìti njàbi kwàʼ icheg ne wì kɔ̀ŋi ìzi nyàmnyɔd. Wə̀d ijìm ya ghùmnə ìmbi məfi fɔrɔ ìti njàbi chè icheg ne we ghùmnə ìwi nyɔd.

1 Kɔrèn 6:10

kə̀ məji, kə̀ bəd ne ghə̀ʼrə̀ ighi, kə̀ bəd ne no be, kə̀ bəd ne chìkə̀ tikum bəd, kə̀ bəd ne pàŋà ighi bəd. Chəyi wə̀d ne fàʼà tiku inug ìto̰ biri nyi inga anug ìfɔ̀n Ŋwiye.

1 Kɔrèn 6:6

Mə we bàrà yaʼ icheg ne wə̀d Kristo we nìŋə wə̀d Kristo ndəŋ ghò yaʼ abə bəd ne chəyi mbi bḛ Kristo gha mbe saʼ awɔb.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

Tayitùs 3:2

Imbə̀ʼ mbi gha awɔb anug tibɔ̀ŋ igun wə̀d. Mbe chughi ane àbɔrɔ̀bɔd bə̀ ya ghìyə̀ ìchɔ̀mì abə bəd bə̀ bɔ̀tɔ ane fìŋ tì bəd məjìm.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

Jems 2:20

Anen! Àghò wa kə̀b gha mbe chwi ine gha ibḛfiŋ witì zən tìghinùg ya ati ako?

Jems 3:6

Inemi ya icheg iywid. Inemi ya asiŋi nyɔd ne inug tibɔ̀ŋ sweghi inga. Inemi ya chìkə̀ nyàmnyɔd wə̀d ijìm bə̀ tɔ̰̀ ìtḛ̀ wə̀d ijìm. À ya iywid nɔʼ mèg ne biri si tɔ̀n aməd inga asiŋi ichə.

1 Pità 2:23

Anyumə̀ ne mbi ya zɔ̀mbi məd, chəyi wì ya ywìti. Anyumə̀ ne wì ya zə̰ ngəʼ, chəyi wì ya sìbi wə̀d. Wì ya nɔ̀ŋì fìŋ yaʼ igun Ŋwiye we ne sàʼa bəd ane icheg ne koʼi.

1 Pità 3:9

Imbə̀ʼ mbə̰ si ywìye awən anug tibɔ̀ŋ igun anug tibɔ̀ŋ, kə̀ zɔ̀mbì wə̀d ne zɔmbi awən. Wə̀d mə ghì anug tìbɔŋ inən, mbə̀ ghiyə yaʼ anug chɔm abə tengàŋ. Wə̀d mə zì ndɔ̀n igun inən, mbə̀ ziye yaʼ àbɔrɔ̀bɔd igun tengàŋ. Àbɔrɔ̀bɔd ya aghi ne Ŋwiye ya kàʼi ni nàʼ inən anyumə̀ ne wì ya kàri awən.

1 Jɔn 2:9

Wə̀d ne gha zìye fə se yi inga ìzḛzḛ bə̀ kiri ya bà̰ ìwi ifi, à ya wə̀d ne kiri biri inga isəg afub pè amad anìŋ.

1 Jɔn 3:10

Icha ane bɔn Ŋwiye tì bɔn Debrə̀ kə iye? Wə̀d ijìm ne chəyi we fàʼà anug ne təmi kòʼ kayi ŋwan Ŋwiye. Wə̀d ne chəyi wì bə kɔ̀ŋ ìwi ifi kayi bə̀ ŋwan Ŋwiye.

1 Jɔn 5:16

Wə̀d mɔ̀ʼɔ mə̀ bàd ìwi ifi ne we ghìyə̀ anug tibɔ̀ŋ ze ne chəyi ze biri ghì gha wì ku nim, wì chaʼra Ŋwiye gha wì naʼa ìtḛ̀ ibo. Mə ya ghà yaʼ bəd ne ghìyə̀ inug tibɔ̀ŋ mbe ne chəyi mbe ghìyə̀ gha wə̀d ku nim. Anug tibɔ̀ŋ ze angu ne ghìyə̀ gha bəd ku nim. Chəyi mə gha wì chaʼra Ŋwiye igun bəd ne ghìyə̀ iku anug tibɔ̀ŋ we.

Jûd 1:9

Ka bèyi Mayikə̀ ne yaʼi atog igun mbè angirə̀, anyumə̀ ne wì yaya tàŋà inug tì Debrə̀ imbə̀ʼ awu Muse, chəyi Mayikə̀ ya bi kə̀b ni zì isaʼi igun məd ni chìkì ikum məd ka. Wì ya ghà yaʼ gha, “Anɔŋisəg kyḛ awe!”

Ɨnû 20:14

Ane, mbi ya màʼ iwu fɔrɔ aben iwu bəd inga atəŋ iywid kyen. Atəŋ iywid kyen ze ya iwu we ne pè ane ibe.