Matìyò 5:19 - Ikan feg

¹⁹ Ane, wə̀d mɔ̀ʼɔ mə̀ gùg ka bèyi nɔ̀ʼɔ̀ we ne taŋ kə chè mə̀nɔ̀ʼɔ̀ mbo̰ məjìm, bə̀ ywìrì ghì bəd ndəŋ gùg nɔ̀ʼɔ̀ we, mbi biri kàrì tengàŋ ane wə̀d ne kə chè bəd məjìm inga anug ìfɔ̀n ikaŋ. Àsi wə̀d ne nɔ̀ŋɔ̀ mə̀nɔ̀ʼɔ̀ mbo̰ bə̀ ghìyə̀ bəd ndəŋ nɔ̀ŋɔ̀ mə̀nɔ̀ʼɔ̀ mbo̰, mbi biri kàrì aməd ane wə̀d kyen inga anug ìfɔ̀n ikaŋ.

Meta’

¹⁹ Mbɨ bɨrɨ tɔŋ wə̀d mɔʼɔ we nɨ gu ɨkə we nɨ yeʼ wɨ kwa rəbɔʼ rɨkə tɔ̂, bə̀ ghà ni bə̂d ghɨ əne ni məd yɨ wɨ kwa ɨŋga ənû ɨfɔ̀n rɨkaŋ. Àyɨə mbɨ bɨrɨ tɔŋ we nɨə nùŋ rɨ̀kə tɔ̂ bə̀ ghà ni bə̂d ghɨ̀ əne ni məd yɨ wɨ kyeŋ ɨŋga ənû ɨfɔ̀n rɨkaŋ.

Matìyò 5:19 ပူးပေါင်းရင်းမြစ်များ

Matìyò 11:11

Mə gha tesiʼ inən gha, abɔ̀ʼ bəd mbe ne mbi gwi igun isəg aŋa məjìm, chəyi wə̀d mɔ̀ʼɔ ne bèrì ati chè Jɔn we ne yaya nàʼà mənib. Si ya gha, wə̀d we ne kə chè bəd məjìm inga anug ìfɔ̀n ikaŋ, tengàŋ bèrì ati chè Jɔn.

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Matìyò 20:26

Imbə̀ʼ ze yaʼ yi ane tì inən. Tesiʼ ya gha, wə̀d ne kə̀bi ni yaʼ wə̀d kyen inga inən, tengàŋ bèrì ni yaʼ wə̀d ne fàʼà inən.

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Lk 1:15

Wì biri yaʼ ijiʼi wə̀d imbìghè abə Anɔŋisəg. Imbə̀ʼ wì no yi mənoʼ ka ka ka. Azwighi Ŋwiye biri sweg inga məd ni ko ane nyùmə̀ ne mbi biri gwi aməd.

Lk 11:42

Ngəʼ kyen biri nyi igun inən, mbə̰ mə̀Farìsi imbə̀ʼ icheg ne, mbə̰ mbe nàʼà aba amɔʼ inga iba ìghum abə Ŋwiye ane ighi a mben icheg; agyen jəghi fɔrɔ ane titeti ijìm icheg finɔm tì ateti tì aku agyen jəghi ndəŋ ajìm. Si ya gha, mbə̰ fə waʼ icheg ni ghì inug ne koʼi. Chəyi mbə̰ mbe bə̀ kɔ̀ŋɔ̀ Ŋwiye. Aŋa ya abɔ̀ʼ ighi ne mbə̀ koʼi ni fàʼ bə̀ kiri nàʼ aghi amɔʼ inga iba ìghum.

Lk 9:48

Wì si ghà inɔb gha, “Wə̀d ne niŋi ŋwan kwa kwa gho̰ gha à ya mo cha, tengàŋ fə niŋ amə. Wə̀d ne niŋi amə, wì fə bə̀ niŋ wə̀d we ne cha amə.” Mbə̀ kyeri gha à ya wə̀d kwa kwa yaʼi ìwi kyen abɔ̀ʼ inən mbə̰ məjìm.

Ɨ̀fàʼì 1:1

Wə̀d kyen Tìyofilùs, inga àmə àŋwàʼrì mbègtog ne mə̀ ya cha ine, mə̀ ya mə̀tì inug ijìm ne Yeso ya ko ni fàʼ fɔrɔ mbe ne wì yaya bə̀ chwìte abə bəd.

Rm 3:8

Bəd mɔ̀ʼɔ mbe ghà gha, “Tì che awa imbìghè ane ìmba inug tibɔ̀ŋ imbə̀ʼ bàd icheg ne Ŋwiye biri chwi fìŋ chɔm igun ina? À ya aton ze ne bəd mɔ̀ʼɔ mbe zɔ̀mbɔ̀ amə gha mo we ghà ane. Ngəʼ kyen kyen biri ghum nyi igun bəd mbe ne ghìyə̀ ane.”

Rm 6:1

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ Ŋwiye che imbìghè ni ghì ìchɔ̀mì ina?

Rm 6:15

Amad anìŋ, ze kə chwìye gha? Tì wa che imbìghè ni ghì inug tibɔ̀ŋ imbə̀ʼ icheg ne chəyi mə̀nɔ̀ʼɔ̀ ywirì bèrì ika igun ina fɔrɔ imbə̀ʼ icheg ne tì si yaʼ inga ìchɔ̀mì we ne Ŋwiye fə ghi ina? Indèʼ ka!

1 Timotì 6:11

Àsi awe, àghò wə̀d àfàʼì Ŋwiye, àghò fə chìye ìfe ifeg ane inug mbo̰ ijìm. Àghò ghiyə yaʼ inug mbe ne koʼi bə̀ ghì yaʼ inug mbe ne Ŋwiye kə̀bi. Àghò nɔŋɔ fìŋ igun Kristo, ya kɔ̀ŋɔ̀ bəd, ya nyìʼè inug bə̀ ya bɔ̀tɔ ane fìŋ.

Tayitùs 3:8

Aŋa ya ajiʼi anug ne tì beri ni niŋ. Mə kə̀b gha àghò gha inug mbo̰ abə bəd ywìrì kɔ̀mbì ni ghì gha bəd mbe ne bḛ Ŋwiye mbe we awɔb bə̀ ya ghìyə̀ inug chɔm. Inug mbo̰ ya inug chɔm bə̀ yaʼ inug ne biri weti bəd məjìm.

1 Pità 5:4

Anyumə̀ ne Àjənjə̀g kyen biri yeʼe, wì biri nàʼ ichɔʼi àfàʼì njandi njandi ne chəyi wi biri nɔʼ chə̀.

1 Jɔn 3:4

Wə̀d ijìm ne ghìyə̀ inug tibɔ̀ŋ ya gùghə̀ mə̀nɔ̀ʼɔ̀, imbəʼ icheg ne, chəyi mə̀nɔ̀ʼɔ̀ bḛ gha bəd ghiyə inug tibɔ̀ŋ.

Ɨnû 2:20

Si ya gha, mə beri anug mɔ̀ʼɔ imbə̀ʼ awe. Anug ze ya gha, chəyi àghò chɔ̀ʼri inug ìmbi àyi we ne mbe kàrà ane Jesebè. Məd we gha zìye ya wə̀dkə̀n àyi. Məd we chwìte inug ni fèbrì ìmbum bəd àfàʼì gha mbe ghi ifanì inug bə̀ ghì gha mbe jəg tijəg te ne mbe nàʼà ane ighi àfàtì abə mə̀ŋwiye.