Matìyò 5:18 - Ikan feg

¹⁸ Mə gha tesiʼ inən gha, ghò pè ane nyumə̀ ne ikaŋ fɔrɔ isəg biri chè nim, chəyi iki achəpi ane ighə àŋwàʼrì ifibì inga inug mbo̰ ne mbi ŋwàʼri inga mə̀nɔ̀ʼɔ̀ Muse biri chè ako witì inug mbo̰ ijìm dù ane tesiʼ.

Meta’

¹⁸ Mə ghà rəsìʼ ɨ nən ni, pè ənɨ ɨkaŋ fɔrɨ si fə che, chəi əchəb kɨ̀ ɨghə ə̀ŋwàʼnɨ̀ mɔʼ tɨ ənɨ rɨkə te bɨrɨ nim, kɨrɨ ənɨ mbɨ fə ghɨ̀ ɨnû mbɔ̂ jìm.

Matìyò 5:18 ပူးပေါင်းရင်းမြစ်များ

Matìyò 10:15

Mə gha tesiʼ inən gha, igun aneg ze ne Ŋwiye biri sɔb isaʼi, wì biri dìgrì igun bəd a Sodòm bə̀ dìgrì igun bəd a Gòmorà chè icheg ne wì biri dìgrì igun bəd inga asiŋi ze ne to̰ awɔb ìwən ikən.”

Matìyò 10:23

Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Matìyò 10:42

Wə̀d ne nàʼi ka bèyi toʼ mənib abə ŋwan kwa kwa mɔ̀ʼɔ abɔ̀ʼ mbo̰ imbə̀ʼ icheg ne à ya àmə àmə̀nənùg, mə ghà tesiʼ inən gha, chəyi wì biri nim ìzi chùd.”

Matìyò 11:11

Mə gha tesiʼ inən gha, abɔ̀ʼ bəd mbe ne mbi gwi igun isəg aŋa məjìm, chəyi wə̀d mɔ̀ʼɔ ne bèrì ati chè Jɔn we ne yaya nàʼà mənib. Si ya gha, wə̀d we ne kə chè bəd məjìm inga anug ìfɔ̀n ikaŋ, tengàŋ bèrì ati chè Jɔn.

Matìyò 13:17

Mə gha tesiʼ inən gha, bədkə̀n Ŋwiye nɔʼ nɔʼ tì bəd nɔʼ nɔʼ ne ya təmi kòʼ imbìghè abə Ŋwiye ya taŋ kə̀b ni bàd inug mbo̰ ne mbə̰ mbe bàrà anìŋ, si ya gha, chəyi mbi ya bàri. Mbɔb ya bə̀ kə̀b ni zug inug mbo̰ ne mbə̰ mbe zùghə anìŋ, si ya gha, chəyi mbɔb ya zughi.”

Matìyò 16:28

Mə gha tesiʼ inən gha, bəd mɔ̀ʼɔ mbe abɔ̀ʼ ina aŋa ne chəyi mbi biri ku witì mbi bàd Ŋwan Wə̀d ne we yèʼe icheg ifɔn.”

Matìyò 17:20

Wì ya ywìtì inɔb gha, “À ya imbə̀ʼ icheg ne ìwən ibḛfiŋ bɔri. Mə gha tesiʼ inən gha, mbə̰ mə̀ bèrì ibḛfiŋ ne kə icheg titam mostàd, mbə̰ mbe tì mbə̰ ghà abə iwum gho̰ gha, ‹Nɔ̀ʼɔ aŋa ghò ayin!› Wi bə̀ nɔ̀ʼ ghò. Chəyi anug mɔ̀ʼɔ biri nɔ̀ʼ chè awən.”

Matìyò 18:18

Yeso ya chè imbìghè ghà abə mə̀mə̀nənùg məd gha, “Mə gha tesiʼ inən gha, anug ne mbə̀ bḛ igun isəg aŋa, à ya icheg ne Ŋwiye biri bə bḛ ikaŋ àbɔ̀ŋɔ. Anug ne mbə̀ to̰ awən igun isəg aŋa, à ya àzewən ne Ŋwiye biri bə ton ikaŋ àbɔ̀ŋɔ.

Matìyò 18:3

Wì ya si ghà inɔb gha, “Mə gha tesiʼ inən gha, mbə̰ mənyìʼ kɔ̀pɔ si yaʼ icheg bɔn kwa kwa, nji chəyi mbə̀ biri nyi inga anug ìfɔ̀n ikaŋ.

Matìyò 19:23

Yeso ya ghà abə mə̀mə̀nənùg məd gha, “Mə ghà tesiʼ inən, kwàʼ ze biri ka abə wə̀d ikab ni nyi inga anug ìfɔ̀n ikaŋ.

Matìyò 19:28

Yeso ya ghà inɔb gha, “Mə ghà tesiʼ inən, anyumə̀ ne Ŋwiye biri bə̀ŋì ighi ijìm ane mbi feg, Ŋwan Wə̀d biri chùghi igun atən ifɔn ìzḛzḛ məd. Mbə̰ mbo̰ ìghum chɔ̀b ibe ne beni abɔ̀ʼ inum biri si chùghi igun itən ifɔn se sàʼa tinəbi Izre te ìghum chɔ̀b ibe.

Matìyò 21:21

Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane.

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Matìyò 23:36

Mə ghà tesiʼ inən, ngəʼ ìzo̰ ijìm biri nyi igun iwaŋ bəd gho̰ kwàʼ ijìm.”

Matìyò 24:2

Wì ya ghà inɔb gha, “Mbə bàd ighi mbo̰ ijìm anìŋ? Mə gha tesiʼ inən gha, chəyi iteg mɔ̀ʼɔ imɔʼ biri chughi igun ìywin. Mbi biri buʼ ighi ijìm sàkì aseg.”

Matìyò 24:47

Mə gha tesiʼ inən gha, mbaʼ àfàʼì we biri si zì ìmbi ighi ijìm yaʼ ibo ikye abo.

Matìyò 25:12

Mbaʼ igən we ya ywìtì inɔb gha, ‹Mə gha tesiʼ inən, chəyi mə̀ kyeri awən.›

Matìyò 25:40

Ifɔn we biri si ywìtì inɔb gha, ‹Mə gha tesiʼ inən gha, icheg ne mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ ìmbum məfi, ane ya gha mbə̀ ya ghì yaʼ inum.›

Matìyò 25:45

Wì bìri ywìti inɔb gha, ‹Mə gha tesiʼ inən gha, icheg ne chəyi mbə̀ ya ghi inug mbo̰ abə wə̀d kwa kwa mɔ̀ʼɔ abɔ̀ʼ mbo̰, ane ya gha chəyi mbə̀ ya bə ghì inum.›

Matìyò 5:26

Mə ghà tesiʼ ine, chəyi àghò biri dù inga nəb ndəŋ angu witì àghò nàʼ ikab, tu anug ze mànì.”

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Matìyò 6:2

Anyumə̀ ne àghò we nàʼà aghi abə wə̀d ne chəyi àzi məd, imbə̀ʼ àghò fə awe tàŋ se chètè icheg ne bəd mbe ne bèmnè inug mbe ghìyə̀ inga məchamì Ŋwiye bə̀ fɔrɔ ane itog izib. Mbɔb ya ghìyə̀ ane ni ghì gha bəd se chɔ̀tɔ̀ awɔb. Mə gha tesiʼ inən gha, mbɔb fə bèrì chùd ane àzɔb àfàʼì.

Matìyò 8:10

Anyumə̀ ne Yeso ya zughi anug azo̰, anug ya chè aməd, wì si ghà abə bəd ne yaya bène abɔ̀ʼ məd gha, “Mə ghà tesiʼ inən; chəyi mə̀ kiri bari wə̀d mɔ̀ʼɔ inga Izre ne beri iku ibḛfiŋ gho̰.

Mk 10:15

Mə gha tesiʼ inən gha, wə̀d ne chəyi wì bḛ anug ìfɔ̀n Ŋwiye icheg Ŋwan kwa, chəyi tengàŋ biri nɔ̀ʼ nyi inga anug ìfɔ̀n ze.”

Mk 10:29

Yeso ya ghà inɔb gha, “Mə ghà tesiʼ inən, wə̀d ne sàŋì ìzi nəb, kə̀ ìmbi məfi, kə̀ ìti njàbi, kə̀ ìwi ngɔb, kə̀ ìwi mbaʼ, kə̀ ìmbi bɔn, kə̀ ìmbi isiŋi ìseg imbə̀ʼ amə fɔrɔ imbə̀ʼ ikən chɔm,

Mk 11:23

Mə gha tesiʼ inən gha, wə̀d we tì wì ghà abə iwum gho̰ gha, ‹Chɔʼɔ, ghò fen inga igyi tìbà›. Wì biri bə chɔʼɔ kwàʼ icheg ne wì ghàmi. Anug ne angu ya gha imbə̀ʼ tengàŋ jə̀mə̀ yi inga ìzi fìŋ. Wì bḛ inga fìŋ gha anug ze ne zìye gha biri dù kwàʼ icheg.

Mk 12:43

Yeso ya bàd ane, kàrì ìmbi mə̀mə̀nənùg abɔ̀ʼ məd ghà inɔb gha, “Mə gha tesiʼ inən gha, iku-àyi gho̰ ne chəyi àze məd fə zì ikab ne nɔ̀ʼi chè ìwi bəd məjìm mbe ne zì ikab inga aghi ze.

Mk 13:30

Mə gha tesiʼ inən gha, Chəyi ìwaŋ bəd gho̰ biri chè ne chəyi inug mbo̰ ijìm du.

Mk 14:18

Anyumə̀ ne mbi yaya jə̀ghə, Yeso ya ghà inɔb gha, “Mə gha tesiʼ inən gha, wə̀d mɔ̀ʼɔ abɔ̀ʼ inən biri fèn amə. Tengàŋ we jə̀ghə tì inum.”

Mk 14:25

Mə gha tesiʼ inən gha, chəyi mə̀ biri ywiri no mənoʼ vayìn ghò pè ane aneg ze ne mə̀ biri no ane ighəm feg inga anug ìfɔ̀n Ŋwiye.”

Mk 14:30

Yeso ya ghà ibo gha, “Mə ghà tesiʼ ine, kwàʼ məyi izimi tèchɔ̀ŋ, bɔŋ inɔm ngub se tɔ̀ŋɔ aghəm abe, àghò biri fə to̰ awe mə aghəm atad.”

Mk 14:9

Mə gha tesiʼ inən gha, isiŋi ijìm mbe ne mbi biri ghà ikən chɔm gho̰ inga isəg, mbi biri ghà anug ze ne àyi gho̰ ghi. Ane, bəd biri se kɔ̀ndɔ məd.”

Mk 3:28

Mə gha tesiʼ inən gha, Ŋwiye biri waʼ inug tibɔ̀ŋ ijìm bə̀ waʼ tizɔmbì tijìm te ne bəd zɔ̀mbi aməd.

Mk 6:11

Asiŋi ne mbə̀ nyi chəyi mbi niŋə awən, kə̀ zug anug ne mbə̰ mbe ghà, mbə̀ kutə agwi ane asiŋi ze chì ane ìmbən ighog, dù awən angu. Àze biri yaʼ aneni inɔb ni chwi gha mbɔb to̰ awɔb Ìngam Ŋwiye.”

Mk 8:12

Anug ze ya bètì fìŋ abə Yeso, wì zweg fə̀m, si ghà gha, “Ikəri bəd gho̰ kə kə̀bə̀ ayeti anug imbə̀ʼ aghə? Mə gha tesiʼ inən gha, chəyi mbi biri chwi ayeti anug mɔ̀ʼɔ inɔb.”

Mk 9:1

Yeso ya ywìrì ghà abə ìmbi mə̀mə̀nənùg tì inɔ̰ bəd we gha, “Mə gha tesiʼ inən gha, chəyi bəd mɔ̀ʼɔ abɔ̀ʼ mbo̰ ne təmi aŋa biri ku ne chəyi mbi bari icheg ne Ŋwiye biri tùmbì bəd ane ìwi ika.”

Mk 9:41

Mə gha tesiʼ inən gha, wə̀d we ne nàʼi toʼ mənib inən gha mbə̀ no imbə̀ʼ icheg ne mbə̀ bḛ ikum Kristo, tengàŋ biri mənyìʼ bèrì ìzi chùd.”

Lk 11:51

Ane, anəm ze biri ko kwàʼ ane àzi Abè ghò pè ane àze Zàkàriyà we ne mbi ya zweti kwàʼ inga ìsàn ikwijə̀ŋ àfàtì tì asiŋi zḛ zḛ. E! Mə ghà inən gha, anəm ze biri yaʼ igun atog abə ikəri bəd gho̰.

Lk 12:37

Ŋwiye biri zì àbɔrɔ̀bɔd igun bəd àfàʼì mbe ne ìwɔb mbaʼ àfàʼì kùrə pè kɔ̀ti awɔb ikyèʼi. Mə gha tesiʼ inən gha, ìwɔb mbaʼ àfàʼì biri zì ndwi àfàʼì, ghà inɔb gha mbe chughi aseg, wì si nàʼ tijəg inɔb.

Lk 13:35

Nḛ̀! Mbi biri waʼ ìze nəb. Chəyi àghò biri ywiri bàd amə anene pè ane aneg ne àghò biri se ghà gha, ‹Ŋwiye zì àbɔrɔ̀bɔd igun wə̀d we ne yeʼe ane ikum we Anɔŋisəg.›”

Lk 16:17

Ze zàm abə ikaŋ àbɔ̀ŋɔ fɔrɔ abə isəg ni chè nim chè icheg ne iki fikəʼi mɔ̀ʼɔ ane mə̀nɔ̀ʼɔ̀ Ŋwiye biri nim.”

Lk 18:17

Mə ghà kwàʼ tesiʼ inən gha, “Wə̀d ne chəyi wì nɔŋi ìzi fìŋ ane anug ìfɔ̀n Ŋwiye icheg ŋwan kwa kwa, chəyi tengàŋ biri nyi inga anug ìfɔ̀n ze.”

Lk 18:29

Yeso ya ywìtì inɔb gha, “Mə gha tesiʼ inən, chəyi wə̀d ne sàŋi achan məd, kə̀ iweg məd, kə̀ məfi məd, kə̀ mə̀mbaʼ məd, kə̀ bɔn məd, imbə̀ʼ anug ìfɔ̀n Ŋwiye wì biri nim.

Lk 23:43

Yeso ya ywìtì ibo gha, “Mə ghà tesiʼ ine, kwàʼ tèchɔ̀ŋ, àghò biri yaʼ tì inum inga paràdayìs.”

Lk 4:24

Yeso ya ywìrì ghà inɔb gha, “Mə gha tesiʼ inən gha, chəyi bəd mbe bḛ wə̀dkə̀n Ŋwiye inga aben məd.

Jn 1:51

Yeso ya si gha, “Mə gha tesiʼ inən gha, mbə biri bàd icheg ne ikaŋ àbɔ̀ŋɔ biri fìʼè igun Ŋwan Wə̀d, bə̀ bàd icheg ne mbè angirə̀ Ŋwiye mbe chè kɔ̀ʼɔ chè swìʼe.”

Jn 10:1

Yeso ya ghà abə ìmbi mə̀mə̀nənùg gha, “Mə ghà kwàʼ tesiʼ inən gha, wə̀d ne chəyi wì nyi inga ikam njə̀g ane inuʼ ikam, ne wì kòʼi yaʼ ane inɔnjì ndəŋ ibəm ikam nyi inga ikam, tengàŋ ya kwàʼ iji ka.

Jn 10:7

Yeso ya ywìrì ghà abə mə̀mə̀nənùg məd gha, “Mə ghà kwàʼ tesiʼ inən gha, mo ya kwàʼ inuʼ ikam njə̀g.

Jn 12:24

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Jn 13:16

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

Jn 13:38

Yeso ya ywìtì gha, “Kwàʼ tesiʼ tesiʼ gha, àghò biri ku imbə̀ʼ amə? Mə gha tesiʼ ine, bɔŋ inɔm ngub se tɔ̀ŋɔ àghò biri fə to̰ awe awum, aghəm atad.”

Jn 14:12

Mə gha tesiʼ inən gha, “Wə̀d ne nɔŋi ibḛfiŋ igun inum, tengàŋ biri fàʼ inug mbe ne mə fàʼà. Tengàŋ biri fàʼ iyeti inug ne chè mbo̰ imbə̀ʼ icheg ne mə̀ ya anìŋ ghò abə ìmə Mbaʼ.

Jn 16:20

Mə gha tesiʼ inən gha, mbə biri dèg mèʼì məchə. Si ya gha, bəd igun isəg biri ya gyènde. Ibəʼ biri nyi inga ìtən fìŋ. Si ya gha, wi biri si bə̀ŋə̀ ane igyendi.

Jn 16:23

Anyumə̀ ne aneg ze biri pè, chəyi mbə̀ biri biri anug mɔ̀ʼɔ inum. Mə ghà ya tesiʼ inən gha, anug ne mbə̀ biri biri abə ìmə Mbaʼ inga ìmə ikum, wì biri fàʼ inən.

Jn 21:18

Mə ghà tesiʼ ine gha, anyumə̀ ne àghò yaya kiri ŋwan ajɔŋ, à yaya zìyè ìte ndwi ghò a asiŋi ne àghò kɔ̀ŋi. Àsi anyumə̀ ne àghò nṵ, àghò biri se sèmbè ibo chwìye, bəd ndəŋ zìyè ndwi igun ine, nìŋə awe ghò a asiŋi ne chəyi àghò kɔ̀ŋi ni ghò.”

Jn 3:11

Mə ghà tesiʼ ine gha, tì ya ghà inug ne tì kyeri bə̀ ghà inug ne tì bari, si ya gha, chəyi mbə̰ bəd ne chwìte inug mbe kə̀bə̀ ni bḛ inug ne te ghà.

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 3:5

Yeso ya ywìtì ibo gha, “Mə ghà kwàʼ tesiʼ ine gha, Chəyi wə̀d ne tì wì nyi inga anug ìfɔ̀n Ŋwiye, kirəndə mbi gwi aməd ane mənib fɔrɔ ane Azwighi Ŋwiye.

Jn 5:19

Yeso ya ywìtì inɔb gha, “Mə gha tesiʼ inən gha, chəyi tì Ŋwan Ŋwiye fàʼ aghi mɔ̀ʼɔ ane ìwi ighəm, wì ya fàʼà məyi aghi ne Mbaʼ məd we fàʼà. Aghi ne Mbaʼ we fàʼà, à ya àzewən ne Ŋwan məd we bə̀ fàʼà.

Jn 6:26

Yeso ya ghà inɔb gha, “Mə gha tesiʼ inən gha, mbə̰ ya kə̀bə̀ amə imbə̀ʼ icheg ne mbə̀ kə jəghi ngə̀ŋ kɔd, kayi imbə̀ʼ iyeti inug ne mbə̀ kə bàri.

Jn 6:32

Yeso ya ghà inɔb gha, “Mə gha tesiʼ inən, kayi Muse ya nàʼi ngə̀ŋ ze ne nɔ̀ʼi ikaŋ àbɔ̀ŋɔ, à ya ìmə Mbaʼ we nàʼà ngə̀ŋ ze ne yaʼi kwàʼ ìze tesiʼ ne nɔ̀ʼɔ̀ ikaŋ àbɔ̀ŋɔ.

Jn 6:47

Mə gha tesiʼ inən gha, wə̀d ne bḛ anug azo̰ biri jəg ìtḛ̀ ighə̀m imɔʼ.

Jn 6:53

Yeso ya ghà inɔb gha, “Mə ghà tesiʼ inən, àmə chəyi mbə̀ kuri nyàmnyɔd Ŋwan Wə̀d bə̀ no anəm məd, chəyi mbə̀ biri jəg ìtḛ̀.

Jn 8:34

Yeso ya ywìtì gha, “Mə gha tesiʼ inən gha, wə̀d ne ghìyə̀ inug tibɔ̀ŋ ya àbòʼì abə inug tibɔ̀ŋ.

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Jn 8:58

Yeso ya ywìtì gha, “Mə gha tesiʼ inən gha, bɔŋ mbi ya se gwìye Abràham, mo ya fə se amə angu!”

1 Pità 1:25

Si ya gha, ìngam ìwi Anɔŋisəg ya tə̀mə ane ighə̀m imɔʼ.” Ìngam we ya ikən chɔm we ne mbi ya gha inən.

Ɨnû 20:11

Mə ya bàd atən ifɔn kyen mɔ̀ʼɔ ne fu fu fɔrɔ wə̀d ne ya chughi igun. Ìseg fɔrɔ ikaŋ àbɔ̀ŋɔ ya kye ibo imbìghè. Chəyi wə̀d mɔ̀ʼɔ ne ya ywìrè bàrà ìseg fɔrɔ àbɔ̀ŋɔ.