Matìyò 5:17 - Ikan feg

¹⁷ Yeso ya chè imbìghè gha, “Imbə̀ʼ mbə̰ kɔndɔ awən gha mə fə yeʼe ni nimni Mə̀nɔ̀ʼɔ̀ Muse bə̀ nimni inug mbe ne bədkə̀n Ŋwiye ya ŋwàʼri. Chəyi mə̀ yeʼe ni nimni inug mbo̰ ka. Mə yèʼe ni ghì gha inug mbo̰ ijìm mbe duwə ane tesiʼ.

Meta’

¹⁷ “Tɨ mbə̀ kɔndɨ əwən ni mə fə yeʼe ɨmbə̀ʼ nimnɨ tɨkə rɨ Mose bə̀ nimnɨ ɨnû mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀. Mɨ rɨka yeʼe əmɨ ɨ nimnɨ rɨwən. Mə yeʼe ɨ ghɨ ni ɨnû mbɔ̂ jìm jwɨ ənɨ rəsìʼ.

Matìyò 5:17 ပူးပေါင်းရင်းမြစ်များ

Matìyò 3:15

Yeso ya ywìtì ibo gha, “Si ze yaʼ ane amad anìŋ imbə̀ʼ icheg ne ze kòʼ gha tì ghiyə inug ijìm icheg ne Ŋwiye kə̀bi.” Anyumə̀ ne wì ya gha ane, Jɔn ya zug bḛ, si nàʼ mənib ibo.

Matìyò 7:12

Ane, inga inug ijìm, aghi ze ne àghò kə̀bi gha mbe faʼa ine, àghò faʼa àzewən abə mə̀mbin. Aŋa ya anug ne yaʼi inga mə̀nɔ̀ʼɔ̀ Muse fɔrɔ inga inug mbe ne bədkə̀n Ŋwiye yaya ghà.”

Lk 16:17

Ze zàm abə ikaŋ àbɔ̀ŋɔ fɔrɔ abə isəg ni chè nim chè icheg ne iki fikəʼi mɔ̀ʼɔ ane mə̀nɔ̀ʼɔ̀ Ŋwiye biri nim.”

Jn 8:5

Mə̀nɔ̀ʼɔ̀ Muse gha tì tumbi iku-àyi gho̰ ane ateg, zwèti. Àghò ghà àze gha tì ghənə?”

Ɨ̀fàʼì 18:13

Mbi ya pè angu, pùti aməd gha, “Mbaŋà ìzo̰ ze to itog abə bəd gha mbe se ghùmnə Ŋwiye ane ikuchèg ne chəyi ìmba mə̀nɔ̀ʼɔ̀ chwi.”

Ɨ̀fàʼì 21:28

Mbi yaya se kyḛ tɔ̀ŋɔ bəd gha, “Mə̀Izre! Mbə̀ ziye abo wètì awa. Aŋa ya wə̀d we ne yḛ̀ nè chwìte inug abə bəd isiŋi ijìm gha, bəd se bà̰ mə̀Izre bə̀ bà̰ mə̀nɔ̀ʼɔ̀ Muse bə̀ bà̰ fɔrɔ mbàn Ŋwiye izo̰. Məd bə̀ ywìrì niŋ bəd ne kayi mə̀Ju nyi inga mbàn Ŋwiye, chìkì asiŋi ìzḛzḛ azo̰.”

Ɨ̀fàʼì 6:13

Anyumə̀ ne mbi ya pe imbìghè abə bəd ne saʼa aben, mbi ya ghi bəd təm bḛ inug ako gha, “Mbe gho̰ we ghàmà inug tibɔ̀ŋ imbə̀ʼ mbàn Ŋwiye fɔrɔ imbə̀ʼ mə̀nɔ̀ʼɔ̀ Muse.

Rm 10:4

Mə̀nɔ̀ʼɔ̀ Muse fə nwḭ̀yḛ̀ igun Kristo, ni ghì gha wə̀d ijìm ne beri ibḛfiŋ igun Kristo, wì fə təm kòʼ imbìghè abə Ŋwiye.

Rm 3:31

Àkə ni gha chəyi mə̀nɔ̀ʼɔ̀ Muse ywirì bèrì àfàʼì mɔ̀ʼɔ igun ina imbə̀ʼ icheg ne tì nɔŋi ibḛfiŋ igun Yeso? Indèʼ ka! Tì we kiri niŋə mə̀nɔ̀ʼɔ̀ ane aghi ne beri àzi ati.

Rm 8:4

Ŋwiye ya fàʼ anìŋ ni ghì gha mba mbe ne chùghə icheg ne Azwighi Ŋwiye kəbi, ne chəyi te ghìyə̀ inug mbe ne ìta nyàmnyɔd te ghə̀ʼrə̀, tì təm kòʼ icheg ne mə̀nɔ̀ʼɔ̀ Muse chwi.