Matìyò 5:12 - Ikan feg

¹² Mbə̀ taŋ gyèndi imbə̀ʼ icheg ne Ŋwiye biri nàʼ ineʼi kyen inən ikaŋ àbɔ̀ŋɔ. À ya bə̀ icheg ne bəd ya bə chɔʼ ibɔʼì ighog abə bədkə̀n Ŋwiye mbe ne ya bi yaʼ bɔŋ awən.”

Meta’

¹² Mbə̀ ghaʼrɨ bə̀ gyendɨ əwən, ɨmbə̀ʼ ɨghəm nɨ Ŋwìə̀ bɨrɨ naʼ ɨneʼe kyeŋ ɨ nən ɨkaŋ. À yɨə bə̀ ɨchî nɨ bə̂d nyaʼə nwèndɨ̀ rɨkyerɨ-ɨwu bə̂d ɨ̀kə̀n Ŋwiə̀ mbe nɨ nyaʼa ɨmbì ɨ nən.

Matìyò 5:12 ပူးပေါင်းရင်းမြစ်များ

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 6:16

Yeso ya chè imbìghè gha, “Anyumə̀ ne mbə̰ mbe chùghə njèg ni chàʼra Ŋwiye, imbə̀ʼ mbə̰ si ya sɔ̀mnɔ̀ awən icheg ne bəd mbe ne bèmnè inug mbe ghìyə̀. Bəd mbe ne bèmnè inug ya ghìyə̀ ìtɔb tìfe bə ni chwi abə bəd gha mbɔb mbe chùghə njèg chàʼrà Ŋwiye. Mə gha tesiʼ inən gha, mbɔb fə bèrì ìzɔb chùd.

Lk 13:34

Wəyì! Jèrusalèm, Jèrusalèm, àghò ni zweti bədkə̀n Ŋwiye bə̀ tùmbi bəd mbe ne Ŋwiye cha ine ane ateg, zwèti. Mə fə kirə ika aghəm ndan ndàn ni feti ìmbe bəd icheg ne ngɔb ngub we fète ìmbi bɔn aton ìti tibabrì, chəyi àghò bḛ.

Lk 6:23

Mbə̀ jiʼ taŋ gyèndi bə̀ bin inga ineg mbe ne inug mbo̰ biri dù imbə̀ʼ icheg ne mbə biri bèrì chùd ne faŋi ikaŋ àbɔ̀ŋɔ. À ya bə̀ icheg ne ìmbɔb mə̀mbaʼ mbe te aneg ya ghi abə bədkə̀n Ŋwiye.

Lk 6:35

Ane, mə ghà tesiʼ inən gha, mbə̀ ya kɔ̀ŋɔ̀ ìmbən bəd ìpàb, ghìyə̀ inug chɔm inɔb, chɔ̀ʼɔ ighi inɔb witì ghɔ̀m gha mbi biri ywìtì inən. Mbə̰ mə̀ ghì ane, ìzən chùd biri nɔʼ. Mbə̰ biri bə yaʼ bɔn Ŋwiyekɔʼ imbə̀ʼ icheg ne məd ya ghìyə̀ ìchɔ̀mì abə bəd ne ghìyə̀ inug izəg, bə̀ fɔrɔ abə bəd ne chəyi mbe bə̀ nàʼà məyakà ibo.

Ɨ̀fàʼì 16:25

Àsi icheg ane àngɔŋ tizimi, Pɔl tì Sayilàs yaya chàʼrà Ŋwiye, zə̀ʼə̀ tikyeg ghùmnə Ŋwiye. Mbin tì bəd ndəŋ ne ya yaʼi inga angu yaya zwère.

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Rm 5:3

Kayi məyi ane. Tì ya bə̀ ywìrè kɔ̀mɔ̀ igo imbə̀ʼ icheg ne te zə̰ ngəʼ. Tì ya kɔ̀mɔ̀ igo imbə̀ʼ icheg ne tè kyèri gha ngəʼ ya ghìyə̀ tì kyère icheg ni nyimi fìŋ.

1 Kɔrèn 3:8

Wə̀d ne nyɔ̀ʼɔ̀ tì wə̀d ne chùbrə̀, mbɔb məjìm ya andəŋ andəŋ. Ane, Ŋwiye biri nàʼ chùd wə̀d icheg ne àfàʼì məd chwi.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Fìlipì 1:29

Ŋwiye fə nàʼ apan inən ni yaʼ bəd Kristo. Apan ze ya kayi məyi ni bḛ aməd. À ya bə̀ ni zən ngəʼ imbə̀ʼ aməd.

Fìlipì 2:17

Ka mə bì ku, àmə anəm biri yaʼ icheg mənoʼ ne mbe zìyè igun ighi àfàtì. Ighi àfàtì mbe ya àfàʼì ze ne mbə̰ mbe fàʼà abə Ŋwiye anjìm icheg ne mbə̀ nɔŋi ibḛfiŋ igun Kristo. Ane, mə we gyènde icheg ne mbə̰ məjìm mbe bə̀ gyènde.

Kòlosè 1:24

Mə we gyènde amad anìŋ imbə̀ʼ icheg ne Kristo ya zə̰ ngəʼ imbə̀ʼ awən. Mə ya zə̰ ngəʼ fàʼà anìŋ imbə̀ʼ icheg ne Kristo ya zə̰ ngəʼ imbə̀ʼ ìzi nyàmnyɔd, ni ghì gha zì kweg. Nyàmnyɔd məd ze ya ifeti bəd Kristo.

Kòlosè 3:24

Mbə̀ ya fàʼà ane imbə̀ʼ icheg ne mbə̰ kyèri gha Anɔŋisəg bèrì chùd ne wì biri nàʼ abə bəd məd. À ya Anɔŋisəg Kristo ne mbə̰ mbe fàʼà ibo.

1 Tèsàlonikà 2:15

Mbɔb ya zweti Anɔŋisəg Yeso, bə̀ zweti bədkə̀n Ŋwiye, bə̀ chɔʼ ìmba ibɔʼì ighog. Mbɔb ya ghì inug ne chəyi fìŋ Ŋwiye ya bɔ̀ŋi tì inɔb. Mbɔb ya yaʼ bəd ìpàb abə wə̀d ijìm.

Mə̀Hibrù 10:34

Mbə̰ ya bə̀ sɔ̀mnɔ̀ igun məfi mbe ne ya yaʼi inga nəb ndəŋ . Anyumə̀ ne mbi ya bə̰ ìmbən ighi, mbə̰ ya bə̀ sàŋì nè gyènde imbə̀ʼ icheg ne mbə̰ kyèri àzən aghi gha mbə bèrì aghi ne bɔŋi chè ne biri bə yaʼ ane ighə̀m imɔʼ.

Mə̀Hibrù 11:26

Wì ya bàd gha anug ne zə̰ ngəʼ imbə̀ʼ Wə̀d we ne Ŋwiye zɔ̀ʼi ze bɔ̀ŋ chè ighi àka inun mbe ne yaʼi a Ijìb imbə̀ʼ icheg ne wì yaya nḛ̀ imbìghè igun chùd ze ne wì biri bèrì.

Mə̀Hibrù 11:33

Inga bəd mbo̰ məjìm: Mbi mɔ̀ʼɔ ya zɔ̀ŋ iben ndəŋ chè. Mbi mɔ̀ʼɔ ya ghì inug ne koʼi abə bəd. Mbi mɔ̀ʼɔ ya bə̀ jəg anug ze ne Ŋwiye ya kàʼi. Mbi mɔ̀ʼɔ ya wùbì ichug abə ìfɔn.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Jems 1:2

Ìmbum məfi fɔrɔ ìtum njàbi, mbə̀ ya gyènde mà nyumə̀ ijìm ne mbə̰ mbe chè inga aku àkwàʼrì nɔʼ nɔʼ.

Jems 5:10

Ìmbum məfi fɔrɔ ìtum njàbi, mbə̀ niŋ bədkə̀n Ŋwiye mbe ne ya ghàmi abə bəd ane ikum Anɔŋisəg icheg aneni. Mbɔb ya nyimi fìŋ inga nyùmə̀ ngəʼ.

1 Pità 4:13

Mbə̀ ya gyènde gha mbə̰ mbe bə̀ zə̰ ngəʼ icheg ne Kristo ya zə̰ ngəʼ. Ane, anyumə̀ ne Kristo ywirì yèʼe inga ìwi ighumni, igyendi biri sweg inga ìtən fìŋ.