Matìyò 5:10 - Ikan feg

¹⁰ Ŋwiye zì àbɔrɔ̀bɔd igun bəd mbe ne bəd mbe chɔ̀ʼɔ ìmbɔb ibɔʼì ighog anjìm icheg ne mbɔb mbe ghìyə̀ inug ne təmi kòʼ, imbə̀ʼ icheg ne mbɔb biri jəg anug ìfɔ̀n ikaŋ.

Meta’

¹⁰ Ŋwìə̀ zɨ əbɔrəbɔd ɨgun ə bə̂d mbe nɨ bə̂d ə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨghəm nɨ mbɨə ghɨ̀ ɨnû nɨ kuʼnɨ, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 5:10 ပူးပေါင်းရင်းမြစ်များ

Matìyò 10:23

Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Matìyò 19:14

Yeso ya ghà inɔb gha, “Mbə̀ saŋa bɔn kwa mbe yèʼe inum. Imbə̀ʼ mbə̰ kə̰ awən awɔb imbə̀ʼ icheg ne anug ìfɔ̀n ikaŋ ya abə bəd ne yaʼi icheg bɔn kwa mbo̰.”

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Matìyò 5:3

“Ŋwiye zì àbɔrɔ̀bɔd igun bəd mbe ne saŋi ìmbɔb inug ijìm ibo ikye abo, imbə̀ʼ icheg ne mbɔb biri jəg anug ìfɔ̀n ikaŋ.

Mk 10:14

Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Mk 10:30

tengàŋ biri ywirì bèrì ighi mbo̰ inga nyùmə̀ gho̰ achug iki ifibì. Wì biri bèrì nəb, bèrì məfi tì njàbi, bèrì mbì ngɔb, bèrì bɔn bə̀ bèrì isiŋi ìseg, mbi bə̀ chɔʼ ibɔʼì ighog məd. Wì biri jəg ìtḛ̀ ighə̀m imɔʼ inga nyùmə̀ isəg we ne yèʼe.

Lk 21:12

Si ya gha, bɔŋ inug mbo̰ ijìm se dùwə̀, mbi biri gwìtì awən bə̀ chə awən. Mbi biri bə sìmì awən ghò inga məchamì Ŋwiye, bə̀ zì awən inga nəb ndəŋ . Mbi biri bə niŋ awən ghò abə məfɔn tì abə bəd ne sàʼa aben. Inug mbo̰ ijìm ya məyi imbə̀ʼ ìmə ikum.

Lk 22:29

Mə biri nàʼ anug ìfɔ̀n inən kwàʼ icheg ne ìmə Mbaʼ fə nàʼi anug ìfɔ̀n inum.

Lk 6:20

Yeso ya ghabri nèn mə̀mə̀nənùg məd, ghà inɔb gha, Ŋwiye zì àbɔrɔ̀bɔd igun inən, mbə̰ mbe ne chəyi àzən imbə̀ʼ icheg ne anug ìfɔ̀n Ŋwiye ya àzən.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Ɨ̀fàʼì 5:40

Bəd mbe ne sàʼa aben ya zug ikə ìwi Gàmalìyè. Ane, mbi ya ywìrì kàrì bədtɔm mbe, mbi nyi inga nəb. Mbi ya ywiri awɔb ane ngwàn bə̀ pàti awɔb gha imbə̀ʼ mbi nɔ̀ʼ ywìrì ghà anug mɔ̀ʼɔ abə bəd ane ikum Yeso. Mbi ya ghì ane si sàŋì awɔb, mbi ghò.

Ɨ̀fàʼì 8:1

Sɔl ya bḛ gha mbe zweti Stifə̀n. Kwàʼ igun aneg ze ne mbi ya zweti Stifə̀n, bəd ya taŋ zì atog ane anug ni chɔʼ ibɔʼì ighog abə bəd Kristo a Jèrusalèm. Bəd Kristo mbe məjìm ya sàkà ghò inga iba iben mbe a Jùdeyà fɔrɔ a Sàmarìyà. À ya məyi bədtɔm Kristo ya si tèn a Jèrusalèm.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

Fìlipì 1:28

Imbə̀ʼ mbə̰ bɔ awən bəd ìpàb mbe ne zɔ̀ŋɔ̀ ni chìkì ìwən ibḛfiŋ. Mbə̰ mə̀ chəyi mbə̀ bɔ awɔb, ze biri yaʼ aneni inɔb ne chwìte gha Ŋwiye biri ghum nimni awɔb. Àsi inən, à ya aneni ne chwìte gha Ŋwiye biri ghum pumni awən.

2 Timotì 2:12

Tì mə nyìʼ, tì biri bə jəg anug ìfɔ̀n tì məd. Tì mə to̰ awa məd, wì biri bə to̰ yi awa.

2 Timotì 3:11

Àghò kyèri icheg ne bəd yaya chɔ̀ʼɔ ìmbum ibɔʼì ighog, bə̀ kyèri icheg ne bəd yaya chə amə. Àghò kyèri tiku inug ijìm ne mbi ghi inum inga Antìyɔ̀g, tì a Ìkonìyùm fɔrɔ a Listrà. Àghò kyèri icheg ne bəd ya chɔʼri ìmbum ibɔʼì ighog mə bə̀ kiri nyiʼ fìŋ. Bəd ya jiʼì ghì inug mbo̰ ijìm inum, si ya gha, Anɔŋisəg ya chì amə inga nyùmə̀ ngəʼ ìto̰ tijìm.

Jems 1:12

Ŋwiye biri zì àbɔrɔ̀bɔd igun wə̀d we ne nyìʼè fìŋ anyumə̀ ne àkwàʼrì nyi igun məd. À ya ane imbə̀ʼ icheg ne anyumə̀ ne wì che àkwàʼrì ze, wì biri niŋ ineʼi. Ineʼi we ya ìtḛ̀ ighə̀m imɔʼ we ne Ŋwiye ya kàʼi ni nàʼ abə bəd mbe ne kɔŋi aməd.

Jems 5:11

Mbə̰ kyèri àzən aghi gha, mba ya nìŋə bəd mbe ne nyìme fìŋ ane bəd ne Ŋwiye zi àbɔrɔ̀bɔd igun inɔb. Mbə̰ fə zug icheg ne Job ya nyimi fìŋ inga ngəʼ. Mbə̰ kyèri icheg ne Ŋwiye ya nwìyḛ̀ zì àbɔrɔ̀bɔd igun məd inga ineg mbe ne ngəʼ məd ya fə mèghi. Anɔŋisəg we dìgrè bə̀ sɔ̀mnɔ̀ igun bəd.

1 Jɔn 3:12

Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.