Matìyò 4:24 - Ikan feg

²⁴ Icheg ne wì yaya ghìyə̀ ane, bəd ya ghà inug imbə̀ʼ aməd ghò mà isiŋi ijìm inga Sirìyà. Bəd ya niŋ bəd ighɔn ne ghɔ̰̀ tiku ighɔn nɔʼ nɔʼ ghò ibo. Aku bəd ne wì ya ghu ya; bəd ne isiŋi nyɔd mbe taŋ se, tì bəd ne izwighi tibɔ̀ŋ yaʼi inga inɔb, tì bəd ne izwighi tibɔ̀ŋ yaya chə awɔb, tì bəd aghɔn tìsùʼ fɔrɔ bəd ne ya buʼrə.

Meta’

²⁴ Ɨchî nɨ wɨ̀ nyaʼə ghɨ̀ əne, mɨkâ məd nyaʼa jàŋ ɨŋga Sirià jìm. Əze ə nyaʼa ghɨ̀ ni bə̂d mbe rəŋgu nɨŋ bə̂d mbe nɨ nyaʼə wɔ̀nə̀ tɨkwɨrɨ əwɔn jìm wò əsɨ məd. Wɨ̀ nyaʼa vɨ̀ bə̂d əwɔn mbe mɨjìm. Bə̂d əwɔn mbɔ̂ yɨ mbe nɨ ɨsɨ ɨnyod nyaʼə seə, mbe nɨ ɨzwî rɨbɔ̀ŋ nyaʼa ɨŋga mɨ̀mə̌d, mbe nɨ ə̀fìrɨ̀ ə nyaʼə gywɨ̀ə̀ fɔrɨ mbe nɨ nyaʼa buʼrə.

Matìyò 4:24 ပူးပေါင်းရင်းမြစ်များ

Matìyò 12:22

Bəd mɔ̀ʼɔ ya niŋ mbaŋà mɔ̀ʼɔ ne izwighi tibɔ̀ŋ ya yaʼi inga məd yèʼe abə Yeso. Mbaŋà ze ya yaʼ ifəg. Chəyi wì yaya bə̀ ghàmà. Yeso ya ghù aməd, wì ko se ghàmà bə̀ se bàrà isiŋi.

Matìyò 14:1

Anyumə̀ we ne Yeso yaya chwìte inug a Kàpenàwum, Erɔ̀d ne yaya sàʼa Galìli ya zug inug imbə̀ʼ aməd.

Matìyò 15:22

Àyi mɔ̀ʼɔ a Kanàn ne yaya chùghə aba aben ze ya ghò iban Yeso pè kyen ane gì ka ka gha, “Masà! Ŋwan ifɔn Dèvid, dìgre igun inum! Azwighi tibɔ̀ŋ fə nyi inga ìmə ŋwan ne ya ŋwan àyi. Azwighi ze ze chə aməd kwàʼ ako.”

Matìyò 17:15

“Masà, dìgre igun ìmə ŋwan. Aghɔn tìsùʼ ze taŋ nàʼà ngəʼ ibo. Məd we sàʼà gùghə̀ inga ijəŋ, bə̀ sàʼà gùghə̀ inga mənib.

Matìyò 17:18

Ane, mbi ya niŋ ŋwan we ghò nàʼ ibo. Wì ya ghàm kyen abə azwighi tibɔ̀ŋ ze, ze chè dù inga ŋwan we. Ane, Aghɔn ŋwan we ya mèg məyi kwàʼ anyumə̀ we.

Matìyò 4:23

Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Matìyò 8:28

Anyumə̀ ne Yeso ya pe inga aba aben ze a Gadarèn, mbaŋà mɔ̀ʼɔ tibe ne izwighi tibɔ̀ŋ ya yaʼi inga inɔb ya yeʼe kɔ̀ti aməd. Mbaŋà te ya dù inga tiseg ne mbi ya to inga tigho. Mbaŋà te yaya tɔ ane ikuchèg ne chəyi tì wə̀d mɔ̀ʼɔ ya ywìrì chè ane aba ze ne mbɔb yaya chùghə angu.

Matìyò 8:33

Bəd ne yaya jə ìkuŋə mbe ya bàd anug azo̰ nòrò ghò ikye aben pè ghà abə bəd. Mbɔb ya mə̀tì anug ne du igun ìkuŋə mbe fɔrɔ igun bəd mbe ne izwighi tibɔ̀ŋ ya yaʼi inga inɔb.

Matìyò 8:6

Wì ya gha, “Anɔŋisəg, ìmə wə̀d àfàʼì ne buʼrə we inga nəb zə̰ ngəʼ.”

Matìyò 9:26

Bəd ya chètì anug azo̰ inga isiŋi ijìm inga aba aben ze.

Matìyò 9:35

Yeso yaya ghò inga iben ijìm, mbi kwa kwa tì mbi kyen kyen. Wì yaya yḛ̀ nè chwìte inug inga məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya bə̀ yḛ̀ nè ghùyə̀ aku aghɔn ajìm ne bəd yaya ghɔ̰̀.

Mk 1:28

Kwàʼ ati ati, bəd ya chètì iyeti inug ne Yeso yaya ghìyə̀ inga isiŋi ijìm inga aba aben ze a Galìli.

Mk 1:32

À ya yaʼ ikwikwiri we ne aneg àzwètì mə̀Ju ya fə meghi, bəd inga asiŋi ze ya niŋ bəd aghɔn məjìm fɔrɔ bəd mbe ne izwighi tibɔ̀ŋ ya yaʼi inga inɔb, ghò abə Yeso.

Mk 2:3

Mbaŋà mɔ̀ʼɔ tikwè ya bèʼì wə̀d mɔ̀ʼɔ ne ya buʼrə ghò abə Yeso.

Mk 2:4

Icheg ne chəyi tì mbaŋà te ya tindi iban Yeso imbə̀ʼ inɔ̰ bəd we, mbi ya tòʼ idɔm nəb igun asiŋi ze ne Yeso ya yaʼi angu. Anyumə̀ ne mbi ya tòʼi ibighi, mbi ya swi mbaŋà ze ne ya buʼrə igun tìsa ze ne mbi ya bèʼi aməd igun.

Mk 2:9

Àkə anug azeg ne zami ni ghà? Àkə ni ghà abə mbaŋà ìzo̰ ne buʼrə gha, ‹Mə fə waʼ ìmbe inug tibɔ̀ŋ.› Kə̀ àkə ni ghà ibo gha, ‹Nɔ̀ʼɔ titighe, kad àze tìsa yèn?›

Lk 2:2

À ya ghùm ighəm mbègtog ni taŋ bəd. Anyumə̀ we Kwìrinù yaya ghùmə̀ gɔbnà a Sirìyà.

Lk 4:14

Azwighi Ŋwiye ya nàʼ ika abə Yeso wì bə̀ndì ghò a Galìli. Bəd ya zug inug imbə̀ʼ aməd inga aba aben ze ajìm.

Lk 4:38

Yeso ya dù inga ichamì Ŋwiye we, ghò inga nəb Sayimùn, àmə̀nənùg Yeso. Tichaʼ nyɔd ka ka ya yaʼ igun inyɔ ìwi Sayimùn. Mbi ya boʼ ibo abə Yeso gha wì wete aməd.

Lk 5:15

Wì ya pati aməd ane, si ya gha, bəd ya ywìrì taŋ chètì inug imbə̀ʼ Yeso isiŋi ijìm. Tinɔ̰ bəd nɔʼ nɔʼ ya fete ni zug inug ne wì yaya ghàmà fɔrɔ ni gha wì bə ghù ìmbɔb ighɔn.

Lk 5:24

Mə biri chwi inən gha Ŋwan Wə̀d bèrì ika igun isəg ni waʼ inug tibɔ̀ŋ bəd. Ane, wì ya si ghàbri ghà abə wə̀d we ne ya buʼrə gha, “Nɔ̀ʼɔ titighe, kad àze abaʼ ghò ine achan.”

Lk 7:17

Bəd ya ghò nè chètè ikən gho̰ imbə̀ʼ Yeso inga Jùdeyà ijìm fɔrɔ inga iben mbe ne yaʼi iban iban.

Jn 10:21

Mbi mɔ̀ʼɔ ya ghà àzɔb gha, “Chəyi tì wə̀d ne beri azwighi tibɔ̀ŋ ghàm iku ìngam gho̰. Tì azwighi tibɔ̀ŋ ghi məfəg bàd isiŋi?”

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:41

Pɔl ya ghò pè a Sirìyà fɔrɔ a Sìlisìyà. Wì yaya yḛ̀ inga tifeti ijìm nè ghìyə̀ gha ibḛfiŋ abə bəd Kristo təm kà.

Ɨ̀fàʼì 28:9

Anyumə̀ ne wì ya ghi ane, àbùʼì bəd aghɔn mbe inga asiŋi ze yaya yèʼe abə Pɔl, wì ghuyə awɔb.

Ɨ̀fàʼì 8:7

Izwighi tibɔ̀ŋ yaya kyḛ chè dùwə̀ inga bəd nɔʼ nɔʼ. Bəd ne ya buʼrə fɔrɔ bəd ne ighog ya swèʼe ya bɔti.