Matìyò 4:23 - Ikan feg

²³ Yeso yaya yḛ̀ mà isiŋi ijìm inga Galìli. Wì yaya nè chwìte inug inga ìmbɔb məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya ghùyə̀ aku aghɔn ajìm ne yaʼi igun bəd.

Meta’

²³ Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Matìyò 4:23 ပူးပေါင်းရင်းမြစ်များ

Matìyò 11:5

Məfəg mbe se bàrà isiŋi. Bəd ne ighog sweʼe mbe se nɔ̀ʼɔ̀ yḛ̀ icheg chɔm. Aghɔn fə mèg igun bəd ne yaya ghɔ̰̀ àwàrikə̀m, mbi se zḛ. Bəd ne koro mbe se zùghə inug icheg chɔm fɔrɔ iwu bəd mbe zwème. Bəd mbe bə̀ ghà ikən chɔm abə bəd ne chəyi àzɔb.

Matìyò 12:9

Yeso ya nɔ̀ʼ inga mben kyì ze ghò inga ichamì Ŋwiye we inga asiŋi ze.

Matìyò 13:19

Anyumə̀ ne wə̀d zùghi ikən imbə̀ʼ anug ìfɔ̀n ikaŋ ne chəyi atog məd zḛ, Wə̀d Tibɔ̀ŋ biri yeʼe pàŋì aghi ne mbi nyɔʼi ibo inga fìŋ. Aŋa ya icheg fitam fe ne ya fendi igun inɔnjì.

Matìyò 13:54

Anyumə̀ ne wì ya pe nyi inga aben məd, wì ya ko se chwìte inug abə bəd inɔb inga ichamì Ŋwiye. Anug ya chè awɔb, mbi se bìri gha, “Wə̀d gho̰ kə̀ nìŋi iku iwe gho̰ fɔrɔ ika ni fàʼ iyeti inug mbo̰ ayeg?

Matìyò 14:14

Anyumə̀ ne Yeso ya du inga abaŋ igyi bàd inɔ̰ bəd we, wì ya bèrì àsɔ̀mnəfiŋ igun inɔb, bə̀ ghù ìmbɔb ighɔn.

Matìyò 24:14

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Matìyò 3:2

Wì yaya ghàmà gha, “Mbə̀ bəŋə ìtən fìŋ sìkì inug tibɔ̀ŋ imbə̀ʼ icheg ne anug ìfɔ̀n ikaŋ fə tinde.”

Matìyò 9:35

Yeso yaya ghò inga iben ijìm, mbi kwa kwa tì mbi kyen kyen. Wì yaya yḛ̀ nè chwìte inug inga məchamì Ŋwiye bə̀ nè chètè ikən chɔm imbə̀ʼ anug ìfɔ̀n ikaŋ. Wì yaya bə̀ yḛ̀ nè ghùyə̀ aku aghɔn ajìm ne bəd yaya ghɔ̰̀.

Mk 1:14

Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye.

Mk 1:21

Yeso tì ìmbi mə̀mə̀nənùg ya ghò nyi inga Kàpenàwum. Àsi igun aneg àzwètì mə̀Ju ze ne ya beni abɔ̀ʼ, wì ya ghò nyi ko chwìti inug inga ichamì Ŋwiye we ne ya yaʼi asiŋi ze.

Mk 1:39

Wì ya yḛ̀ inga Galìli ijìm, yḛ̀ ne ghàmà Ìngam Ŋwiye inga məchamì Ŋwiye mbe ne ya yaʼi inga isiŋi mbe, bə̀ yḛ̀ nè chìyè izwighi tibɔ̀ŋ inga bəd.

Mk 3:10

Wì ya fə ghù bəd nɔʼ nɔʼ. Ane, ze ya ghì gha bəd məjìm mbe ne ya beri ighɔn se zɔ̀ŋɔ̀ ni bètì aməd imbə̀ʼ ìmbɔb ighɔn meghe.

Mk 6:2

Igun aneg àzwètì mə̀Ju, wì ya ko ni chwiti inug inga ichamì Ŋwiye. Bəd nɔʼ nɔʼ mbe ne ya yaʼi angu ya zug inug mbe yeti, ane bìri gha, “Wə̀d gho̰ kə̀ nìŋi inug mbo̰ ijìm aya? Wì kə̀ nìŋi iku iwe gho̰ aya? Mbə̀ nḛ inug yeti yeti ne we ghìyə̀!

Mk 6:6

Anug ya chè aməd icheg ne chəyi mbi ya beri ibḛfiŋ. Yeso yaya yḛ̀ nè chwìte inug inga isiŋi mbe ne ya yaʼi iban iban.

Lk 10:9

Mbə̀ ghuyə bəd ne ghɔ̰̀ inga asiŋi ze bə̀ ghà abə bəd inga asiŋi ze gha, ‹Anug ìfɔ̀n Ŋwiye fə yeʼe si iban inən.›

Lk 13:10

Yeso yaya chwiti inug inga ichamì Ŋwiye mɔ̀ʼɔ igun aneg àzwètì mə̀Ju.

Lk 16:16

Mbi ya chwìte mə̀nɔ̀ʼɔ̀ Muse tì inug mbe ne bədkə̀n Ŋwiye ya gha bɔŋ Jɔn we ne yaya nàʼà mənib se pè. Nɔ̀ʼ ane nyùmə̀ we, bəd mbe mə̀tə̀ ikən chɔm imbə̀ʼ anug ìfɔ̀n Ŋwiye. Bəd məjìm mbe se kìrə ika ni nyi inga anug ìfɔ̀n ze.

Lk 20:1

Aneg mɔ̀ʼɔ, icheg ne Yeso yaya chwìte inug abə bəd inga ikam mbàn Ŋwiye, bə̀ chètì ikən chɔm, itog bəd mbàn Ŋwiye tì mə̀chwitì mə̀nɔ̀ʼɔ̀ fɔrɔ itog bəd inga aben mə̀Ju ya ghò ibo.

Lk 4:14

Azwighi Ŋwiye ya nàʼ ika abə Yeso wì bə̀ndì ghò a Galìli. Bəd ya zug inug imbə̀ʼ aməd inga aba aben ze ajìm.

Lk 5:17

Aneg mɔ̀ʼɔ, Yeso yaya chwìte inug. mə̀Farìsi fɔrɔ mə̀chwitì mə̀nɔ̀ʼɔ̀ ne ya nɔ̀ʼi a Galìli tì Jùdeyà fɔrɔ a Jèrusalèm ya yaʼ angu ichughi. Ika Anɔŋisəg ya yaʼ igun Yeso ni ghù bəd aghɔn.

Lk 6:17

Yeso ya swiʼi ikaŋ iwum we tì ìmbi bədtɔm, mbi pè təm ikye ibad. Inɔ̰ mə̀mə̀nənùg nɔʼ nɔʼ ya yaʼ angu fɔrɔ inɔ̰ bəd ne ya nɔ̀ʼi inga isiŋi ijìm inga Jùdeyà tì Jèrusalèm fɔrɔ inga iben mbe ne yaʼi iban igyi tìbà ne mbe kàrà ane Tayì tì Sidòn.

Lk 6:6

À ya yaʼ ywìrì igun aneg àzwètì ndəŋ, Yeso ya nyi inga ichamì Ŋwiye ghi chwiti inug. Wə̀d mɔ̀ʼɔ ya yaʼ angu ne abo jəghi məd ya ku.

Lk 7:21

Kwàʼ anyumə̀ we, Yeso ya ghù bəd ndan ndàn ne ghɔ̰̀ tiku ighɔn nɔʼ nɔʼ bə̀ chì izwighi tibɔ̀ŋ inga bəd mbe ne izwighi tibɔ̀ŋ ya yaʼi inga inɔb. Wì ya bə̀ fìʼì aghə abə məfəg.

Lk 7:22

Yeso ya ywìtì inɔb gha, “Mbə̀ gho ghà inug mbe ne mbə̀ bari fɔrɔ inug mbe ne mbə̀ zughi abə Jɔn. Məfəg mbe se bàrà isiŋi. Bəd ne ighog sweʼe mbe se yḛ̀ icheg chɔm. Bəd mbe ne ghɔ̰̀ àwàrikə̀m mbe se zḛ. Bəd ne koro mbe se zùghə inug. Bəd ne ku mbe bə̀ zwème ane iwu. Bəd mbe chètì ikən chɔm abə bəd ne chəyi àzɔb.

Lk 8:1

Chəyi agha ya sa, Yeso yaya yḛ̀ iben iben nè chètè ikən chɔm bə̀ nè ghà anug ìfɔ̀n Ŋwiye. Bədtɔm məd mbe ìghum chɔ̀b ibe yaya yḛ̀ abɔ̀ʼ məd.

Lk 9:11

Anyumə̀ ne inɔ̰ bəd ya zughi gha mbɔb mbe a Bèsayidà, mbi ya beni abɔ̀ʼ məd. Wì ya niŋə awɔb ghàm anug ìfɔ̀n Ŋwiye inɔb. Wì ya bə̀ ghù bəd aghɔn ne yaya kə̀bə̀ gha wì ghuyə awɔb.

Lk 9:60

Yeso ya ywìtì ibo gha, “Àghò saŋa iwu bəd mbe twəŋi mbɔb iwu bəd.” Àsi àghò, ndò ghò chètì ikən imbə̀ʼ anug ìfɔ̀n Ŋwiye.

Jn 18:20

Yeso ya ywìtì ibo gha, “Mə yaya ghàmà asaŋ asaŋ, wə̀d ijìm zug. Mə yaya chwìte inug mà nyumə̀ ijìm inga məchamì Ŋwiye, kə̀ inga mbàn Ŋwiye asiŋi ne mə̀Ju məjìm yaya kà fète. Chəyi anug mɔ̀ʼɔ amɔʼ ne mə̀ ya chwiti inə̀mbi.

Jn 6:59

Yeso ya ghà inug mbo̰ anyumə̀ ne wì yaya chwìte inug inga ichamì Ŋwiye a Kàpenàwum.

Jn 7:1

Yeso ya nɔ̀ʼ a Kàpenàwum si ghò ŋa yḛ̀ yi yaʼ inga Galìli. Chəyi wì ya ywirì kə̀b ni yèn inga Jùdeyà imbə̀ʼ icheg ne itog bəd mə̀Ju mbe angu yaya kə̀bə̀ ni zweti aməd.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 18:4

Wì yaya tòʼrò inug abə mə̀Ju inga ichamì Ŋwiye igun ineg àzwètì mə̀Ju ijìm. Wì ya ghì ane fìʼì itog abə mə̀Ju fɔrɔ abə bəd mbe ne ya bḛ Kristo ne mbɔb kayi mə̀Ju.

Ɨ̀fàʼì 20:25

Amad anìŋ, mə kyèri gha chəyi wə̀d mɔ̀ʼɔ abɔ̀ʼ inən biri ywìri bàd amə. Mə ya ghà mbə̰ mbe ne mə̀ yaya yḛ̀ nè ghàmà anug ìfɔ̀n Ŋwiye inən.

Ɨ̀fàʼì 28:31

Wì yaya ghàmà imbə̀ʼ anug ìfɔ̀n Ŋwiye, bə̀ chwìte inug imbə̀ʼ Anɔŋisəg Yeso Kristo asaŋ asaŋ ne chəyi we bɔ. Chəyi wə̀d mɔ̀ʼɔ ne ya gha ibo gha imbə̀ʼ wì ghàmà yi.

Rm 10:15

Ane, bədtɔm kə ghi ghò iye ni chètì ikən chɔm we abə bəd ne chəyi Ŋwiye chà awɔb? A ze inga Àŋwàʼrì Ŋwiye gha, “À ya kwàʼ anug chɔm gha bəd mbe ne chètè ikən chɔm mbe yèʼe.”