Matìyò 3:9 - Ikan feg

⁹ Imbə̀ʼ mbə̰ kɔndɔ awən gha mbə fə pum məyi icheg ne mbə̰ mbe ghà mbə̰ mbə̰ gha, ‹Mba ya bɔn ane aghaŋ inəbi Abràham!› Mə ghà inən gha, Ŋwiye we tì wì niŋ ateg azo̰ bə̀ŋì ane bɔn ìmbi Abràham.

Meta’

⁹ Tɨ mbə̀ kɔndɨ əwən ni mbə fə jwɨ̀ rəŋgəʼ àmei ɨchî nɨ mbə̀ə ghàə̀ mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham!' Mə ghà ɨ nən ni Ŋwìə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Matìyò 3:9 ပူးပေါင်းရင်းမြစ်များ

Mk 7:21

Aton ya gha, tikɔndi tibɔ̀ŋ ya dùwə̀ inga fìŋ wə̀d. Tikɔndi te ne ghìyə̀ gha wə̀d ghi inug tibɔ̀ŋ icheg: ni nɔ̀kì mə̀yi kə̀ nɔ̀kì mbaŋà abu abu, ni ji, ni zweti wə̀d,

Lk 12:17

Wə̀d gho̰ ya se kɔ̀ndɔ inga fìŋ gha, ‹Ze kə anìŋ mə ghənə? Chəyi mə̀ beri asiŋi ni nɔ̀ŋì ìmbum ighi ne mə̀ biri niŋ a mben.›

Lk 16:24

Wì ya kàrì Abràham gha, ‹Àta Abràham, Àghò bere àsɔ̀mnəfiŋ igun inum. Mə boʼ ibo ine, àghò cha Lazaròs wè chubə àze atog ifeg inga mənib yèʼe chə̀mbi inum igun inemi.›

Lk 19:40

Yeso gha ywìtì inɔb gha, “Mə gha tesiʼ inən. Mbi mə̀ chim tizi, Ŋwiye biri nɔ̀ ateg, ze se kyḛ ghùmnə Ŋwiye.”

Lk 3:8

Mbə̀ chwi ane ìwən ikuchèg gha mbə fə sìkì inug tibɔ̀ŋ, bə̀ nàʼ ìtən fìŋ abə Ŋwiye. Imbə̀ʼ mbə̰ ghi ghà awən gha, ‹Tì fə pum imbə̀ʼ icheg ne mba ya bɔn inga aghaŋ inəbi Abràham.› Chəyi àze yaʼi anug mɔ̀ʼɔ. Ŋwiye we tì wì bə̀ŋì ateg azo̰ ane bɔn inga aghaŋ inəbi Abràham.

Lk 5:22

Yeso ya kyeri ìtɔb tikɔndi, ane bìri inɔb gha, “Aton ne mbə̰ mbe bìre tiku inug ìto̰ inga ìtən fìŋ àkə gha?”

Lk 7:39

Anyumə̀ ne Farìsi we ne ya kàʼi Yeso ya bàri àfàʼì ne àyi we fàʼi, wì ya ghàm ibo inga fìŋ gha, “Wə̀d gho̰ kə kwàʼ wə̀dkə̀n Ŋwiye nji wè kyèri iku wə̀d ne àyi gho̰ ne bètè aməd yaʼi ìwiwən. Nji wè kyèri gha à ya kwàʼ àyi inug tibɔ̀ŋ.”

Jn 8:33

Mbi ya ywìtì ibo gha, “Mba ya bɔn ane aghaŋ inəbi Abràham. Chəyi tì kweʼì yaʼ ìbòʼì abə wə̀d mɔ̀ʼɔ ka. Aton ne àghò gha tì biri pum àkə ane aghə?”

Jn 8:37

Mə kyèri gha mbə̰ ya bɔn ane aghaŋ inəbi Abràham. Si ya gha, mbə̰ mbe chùʼrə nyɔd ni zweti amə imbə̀ʼ icheg ne, chəyi mbə̰ mbe bḛ inug mbe ne mə chwìte.

Jn 8:53

Àghò wa bèrì ati chè ìwa mbaʼ Abràham? Wì ya ku, bədkə̀n Ŋwiye ya bə̀ ku. Àghò kə kɔ̀ndɔ gha àghò kə we?”

Ɨ̀fàʼì 13:26

Sɔl ya chè imbìghè si gha, “Ìmbum məfi, bɔn ane aghaŋ inəbi Abràham tì mbə̰ mbe ne kayi mə̀Ju ne ghùmnə Ŋwiye, ikən we ne ghà imbə̀ʼ icheg ne Ŋwiye we pùmnə bəd fə yeʼe ina.

Ɨ̀fàʼì 15:14

Sayimùn fə tòʼrì icheg ne Ŋwiye ya fə bi chwi gha zìye bèrì fìŋ igun bəd ne kayi mə̀Ju. Ŋwiye ghì ane icheg ne wì chɔ̀ʼi bəd nɔʼ nɔʼ abɔ̀ʼ inɔb niŋ ane ìmbi bəd.

Rm 4:1

Tè niŋ wə̀d icheg Abràham ìwa mbaʼ aneg. Aghi chɔm ne məd ya bàri inga anug azo̰ àkə aghə?