Matìyò 27:54 - Ikan feg

⁵⁴ Anyumə̀ ne atog wə̀d igun mə̀sogyì tì mə̀sogyì mbe ne yaya kyèʼè Yeso ya bàri icheg ne ìseg yaya ghùrə̀ fɔrɔ inug ijìm mbe ne ya du, mbɔb ya binde, si kyen gha, “Kwàʼ tesiʼ, wə̀d gho̰ ya yaʼ Ŋwan Ŋwiye.”

Meta’

⁵⁴ Ənɨ ətu ɨgwɨ mɨ̀sɔgyɨ̀ mbɨ mɨ̀sɔgyɨ̀ mbe nɨ nyaʼə nə̀ŋgɨ ə Yeso, nyaʼa zə ɨchî nɨ si nyaʼa wùrɨ bə̀ zə ɨnû jìm mbe nɨ nyaʼa ghɨ̌, mbɨ nyaʼa bɔ kwàʼ rɨŋgəʼ, əne ghà ni, “À yɨ rəsìʼ ni mbaŋə̀ zɔ̂ yɨ kə̀ʼ ə Wan Ŋwìə̀!”

Matìyò 27:54 ပူးပေါင်းရင်းမြစ်များ

Matìyò 26:63

Yeso ya chim yi tizi. Ane, atog wə̀d igun bəd mbàn Ŋwiye we ya ghà ibo gha, “Gha àze anug tesiʼ ane ikum Ŋwiye we ne yaʼi izɔm, àghò kə Wə̀d we ne Ŋwiye zɔ̀ʼi, ne yaʼi Ŋwan Ŋwiye?”

Matìyò 27:36

Anyumə̀ ne mbɔb ya ghi ane, mbɔb ya chughi aseg se nḛ̀ aməd.

Matìyò 27:40

Mbɔb yaya ghà gha, “Àghò we ne biri sàʼ mbàn Ŋwiye bə̀ ywìrì niŋ ineg itad kɔd, pumni ìwe nyɔd! Kwàʼ àghò mə yaʼ Ŋwan Ŋwiye, swiʼi igun azed abaʼri aghɔ!”

Matìyò 27:43

Məd nɔ̀ŋì fìŋ igun Ŋwiye, ane Ŋwiye mə kə̀b, wì pumni aməd kwàʼ tèchɔ̀ŋ icheg ne wì yaya gha zìye ya Ŋwan Ŋwiye.”

Matìyò 27:51

Kwàʼ anyumə̀ we, ndwi kyen ze inga fìghàra mbàn Ŋwiye ya sanda ane iba ibe, ni ko atog ghò pè aton. Ìseg ya ghùd, tigho sanda.

Matìyò 4:3

Debrə̀ ya ghò ibo pè ghà ibo gha, “Àghò mə yaʼ Ŋwan Ŋwiye, ghàma abə iteg gho̰ we bəŋə ane ngə̀ŋ.”

Matìyò 8:5

Anyumə̀ ne Yeso ya nyi inga Kàpenàwum, atog wə̀d igun mə̀sogyì iki ya ghò ni gha Yeso wete aməd.

Mk 15:39

Anyumə̀ ne atog wə̀d igun mə̀sogyì mbe ne ya təmi angu se nḛ̀ Yeso, ya zughi icheg ne wì ya kyḛ bə̀ bàd gha wì fə ku yi, wì ya gha, “À ya kwàʼ tesiʼ gha, wə̀d gho̰ ya kə Ŋwan Ŋwiye!”

Lk 22:70

Mbɔb məjìm ya biri ibo gha, “Ane ya gha àghò ya Ŋwan Ŋwiye?” Wì ya ywìtì inɔb gha, “Mbə̀ fə ghà àzən aghi gha mə̀ ya ìwi awən.”

Jn 19:7

Itog bəd mə̀Ju ya ywìtì gha, “Tè bèrì nɔ̀ʼɔ̀ ne chwìye gha, wì mənyìʼ ku imbə̀ʼ icheg ne wè gha zìye ya Ŋwan Ŋwiye.”

Ɨ̀fàʼì 10:1

Mbaŋà mɔ̀ʼɔ ya yaʼ a Kàserìyà ne ikum məd ya Kònilìyùs. Məd ya atog wə̀d igun mə̀sogyì iki ifibì ane ifeti mə̀sogyì mbe ne nɔʼi a Italì.

Ɨ̀fàʼì 2:37

Anyumə̀ ne bəd mbe ya zughi anug ze, ze ya nàʼ ngəʼ inɔb inga fìŋ, mbi si bìri abə Pità fɔrɔ abə mbin tì bədtɔm gha, “Ìmba məfi, ze kə anìŋ tì ghənə?”

Ɨ̀fàʼì 21:32

Kwàʼ ati ati, wə̀d kyen mə̀sogyì we ya niŋ itog bəd mɔ̀ʼɔ ne sàʼa aben tì mə̀sogyì swìʼi ghò inga inɔ̰ bəd we. Anyumə̀ ne bəd àbùrì mbe ya bàri icheg ne wə̀d kyen mə̀sogyì we ya yèʼe tì mə̀sogyì nɔʼ nɔʼ, mbi ya sɔb ni sɔm Pɔl.

Ɨ̀fàʼì 23:17

Anyumə̀ ne Pɔl ya zughi ane, wì ya kàrì atog wə̀d igun mə̀sogyì iki we, ghà ibo gha, “Niŋ ŋwan ajɔŋ gho̰ ghò abə wə̀d kyen mə̀sogyì imbə̀ʼ icheg ne wè bèrì anug mɔ̀ʼɔ ni ghà ibo.”

Ɨ̀fàʼì 23:23

Wə̀d kyen mə̀sogyì we ya kàri mə̀sogyì məbe ne wə̀d ifibì abɔ̀ʼ inɔb we sàʼa mə̀sogyì iki, ghà inɔb gha, “Mbə̀ chɔʼ mə̀sogyì aki abe ne mbi biri ghò a Kàserìyà. Mbə̀ bə̀ chɔʼ bəd nyam mə̀kara ìghum ìsàmbe tì bəd ighɔŋ aki abe yètì abɔ̀ʼ. Mbə̀ chuʼri ìwən nyɔd ni nɔ̀ʼ aŋa ane mə̀nyùmə̀ àbɔg izimi tèchɔ̀ŋ.

Ɨ̀fàʼì 27:1

Anyumə̀ ne Gɔbnà Festùs ya bḛ gha tì nyi inga abaŋ igyi ni ghò a Italì, wì ya nàʼ Pɔl tì bəd ndəŋ ndəŋ abə mbaŋà mɔ̀ʼɔ ne ikum məd ya Julìyòs. Julìyòs we ya yaʼ atog wə̀d igun mə̀sogyì iki ifibì inga inɔ̰ mə̀sogyì ìmbi Kayisà.

Ɨ̀fàʼì 27:43

Si ya gha, atog wə̀d igun mə̀sogyì we ya kə̀b ni chì Pɔl inga ngəʼ. Ane, wì ya niŋ isɔbi anug gha imbə̀ʼ mbi zweti awɔb bəd ndəŋ mbe. Wì ya ghà abə mbaŋà te ne ya kyeri icheg ni zɔʼ igyi gha mbe bi tɔ̀mɔ̀ inga igyi tìbà we zɔʼ ghò dù asaŋ.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Ɨnû 11:13

Kwàʼ anyumə̀ we, ìseg ya ghùd kwàʼ ane ika. Aba amɔʼ inga iba ìghum ane aben kyen ze ya sùyə̀. Bəd chuʼ ìsàmbe ya ku icheg ne isiŋi ya wùri sùyə̀. Àbùʼì bəd ze ne ya pumi yaya se bìnde nàʼà ighumni abə Ŋwiyekɔʼ ne yaʼi ikaŋ àbɔ̀ŋɔ.